أخوي يبي يشتري حق مرته هدايا ويبي أرائكم ..

[أم فلان]

مرت أخوي توها والده وبعد الأربعين أخوي يبي يشتريلها هدايا انا اقترحت عليه بس قالي بعد ابي فناتك شي يديد


فا ودي تساعدوني عشان اقوله


بس الأسعار تكون معقولة يعني مابين ال 20 الى ال 60 دينار

همتكم بنات


كل وحده تتذكر شنو يابلها زوحها

 

[زهورة]

احلى شي السفرة
خليه يفاجأها ويحجزلها لديرة حلوة

 

[زهورة]

ويييي انتي تبين بحدود 20_60
اسفه مادققت عطر او ساعه

 

[ماما نونا]

يحليله أخوج يبي فناتق <<< الله يخليهم لبعض ويحفظهم لكم

ومبروك البيبي ,, يتربى بعزكم <<< بعز خالته خخخ

اممممم الصراحه حبوبه اشويه طلعت الإنفاس ب 60 دينار

في عندج مجوهرات ديبيرز في عندهم تراجي أو خواتم ب 60

 

[.]

قيس مسوي سيل خل ايبلها جنطه وبوك منهم..

وطقم عطور..

شرايج..

او جنطه وبوك ماتوقع يكونون اكثر من 40 ويب لها كوبونات مساج ..

او كوبونات من محلات الشايع واهي تشتري اللي تبي..

والحمدالله ع سلامتها..

 

[MyLittleBerry]

طقم اكسسوار من محل شوارفسكي

 

[قوطي نيدو]

اممممممممممم

الحريم يموتون على الذهب

 

[أم جوري]

الله يخليهم لبعض روحي للمول تلقين وايد اشياء حلوة يمكن تعجب اخوش

 

[GAP]

يقدر ايبها ساعه او ست عطور


او احسن شي يحجزلها فندق مع عشا راح تستانس

 

[بطه فيها نطه]

ليله بفندق سنع ... مع هديه حلوة

الفراولة عندهم خواتم تهبل ... بمجمع زهره

 

[أم فلان]

يعطيكم العافية بنات ماقصرتوا


نبي بعد وين البنات الي رياييلهم يعطونهم هدايا ..؟؟


هو شرالها ساعه الحين ويبي بعد أشياء غير الجناط ترس الكبت

 

[.. مـــلاكـ ..]

الله يخليهم لبعض

 

[عبق البنفسج]

-قوليله اييبلها ست عطور ..
-أو طقم بودر وبودي لوشن وبودي سكرب .. الخ من بودي شوب ..
- يقدر اييبلها بجامة من اوووووشوووو .. ترى تونس هالهدية وبتستانس عليها
- يقدر اييبلها بعد ساعة من اون تايم لأن اسعارهم حلوة أو روائع جنيف ماركاتهم حلوة ورخيصة .. بس خل يقولهم الساعة يبيها بحدود جم وهما يساعدونه
- يقدر اييلها خاتم بالسعر الي يبيه من ديبيرز الي بالمباركية عندهم ألماس وأسعارهم رخيصة .. وبعد داماس عندهم شغلات رخيصة ..
- يقدر اييبلها جنطة وبوك .. وخاصة ان قيس مسوي تنزيلات واسعارهم وايد وايد وايد رخيصة ..
- تلفون
-قميص نوم
- انا مرة ريلي يابلي مكياج من سان لوران .. يابلي كل شي يخص الويه .. من كريم اساس .. بودر .. آي لاينر .. آي شدوو .. بلاشر .. .. الخ بس لازم يعرف درجة اللون الي تشتريها دايماً .. مثلاً أنا ريلي يدري اني أحب البيج فشرالي كريم أساس وبودرة بيج

في شغلات ثانية بس هذي أكثر الأشياء الي تنفع ..
نصيحة مني خل اييبلها أكثر من هدية بحدود الميظانية الي يبيها
وما أنصج بسالفة الفندق لأنها هدية عقب الأربعين مو بالأربعين ..

 

[أم منصور]

الله يوفقهم ويخليلهم الصغير

طالما المبلغ محدود

حجزيلها في رويال حياة برنامج سبا كامل


وعطر بس خلصت الستين