~ أخْبِرينا مــاذا تقرأيـــن ؟

[[ صُمُودْ ]]

بســم الله الرحمن الرحيم

هذه المـــساحات لجميع القارئات والمثقفات

والموضوع واضح من عنوانه

اي عضوه تدخل تقولنا وش الكتب اللي تقراها هالايام
وياليت تعطينا نبذه مختصره عن الكتاب

نبي نشجع بعض ع القراءه
نبي نثقف انفسنا
نبي نستفيـــــــــــــــــد

 

[[ صُمُودْ ]]

راح ابدأ انا بما اني صاحبة الموضوع : )

قرأت اربع كتب في الاسبوعين اللي راحوو

وهذي صورهم



كتاب الخريطة الذهنيه خطوة خطوة[اكتشف كيف تضاعف ذكائك وقدراتك الكامنه]
للدكتور نجيب الرفاعي


بنات انا استفدت حيل من هالكتاب وجربت الطريقة في المذاكره والحمدلله ارتفعت درجاتي..انصحكم بهالكتاب




كــــتاب افتح النافذة ثمة ضوء
الكتاب الاسرع مبيعا للدكتور خالد المنيف
وهو خلاصة سهر وعصار جهد وصيد ثمين من بطون الكتب وعقول المفكرين..سيحلق بك الى افاق جديدة وعوالم جميله
هو كتاب اقرب للخزانة حيث الدرر والجواهر واللطائف والفوائد والقصص المثيره والمواقف العجيبة ..والتجارب الشخصية والعبر والمهارات والتوجيهات ..كتاب يكفيك..فقط اقرا بتأمل ..سجل ملاحظاتك...افهم مابين السطور..وتشرب تلك المعاني الظاهره والمستتره..واجزم انه سيحدث انقلابة ايجابيه في حياتك وكذلك من حولك



همــسات النجاح

رسائل ايجابيه للنجاح في الحياة



mysti as seen on tv

لزوم تطوير لغتنا :dddds:


والكتاب اللي ودي اقراه هالايام هوو


كتاب : الى اللذين اسرفو على انفسهم

للدكتور عائض القرني

طبعا تعرفون كتب عائض القرني ماايحتاج اتكلم عنها او عن اسلوبه



اتمنى تتفاعلون معي:tek:

 

[ام الحلو :)]

لي الشرف اني اكون اول وحده ترد على موضوعج
حاليا اقره كتاب اسمه dreams from my father الكتاب يتكلم في اوباما عن حياته واللي مر في بصراحه وايد حلو وهذي صورته اهوه اللي تحت واذا خلصت ببلش بالثاني

 

[عهود الحب]

حاليا هابة بالروايات
يعني بعوض الرومانسية المفقودة بحياتي
وربي مايسلطني اختار الا روايات الجاسوسية والمخابرات
قاعدة أقرا حاليا

وخلصت

رواية لغز الاسكندرية
رواية تهبل بس طويييييييييييلة وانا حلفت الا اخلصها وخلصتها بثلاث اسابيع

وخلصت روايتين لهيثم بودي

الفنار نايس وحلوة و كأنج تقرين قصة قصيرة بمجلة
جان زين مطولها ومزود بالتفاصيل

الدروازة انصح الناس الوسواسيين مثلي
مايقرونها
عقبها خذيت ايام ما اجيس احد حتى بناتي تعقدت صراحة


وحاليا اقرا رواية ذكرى الابنة المفقودة

لما اخلصها اقول شنو انطباعي عنها


انا دايما أقرا كتب

بس سمعت نصيحة عضوة هني

وحبيت اقرا روايات يمكن افرفش شوي واستفيد

 

[وهج الحب]

السلام:
انا كنت اقرأ رواية المنتظرة لكاتبة اسمها كاتلين ماك غوان ..لكن يوم وصلت اكثر من الربع اشتريت رواية بزوغ الفجر ...والحين خلصت من بزوغ الفجر رجعت البارحة وقريت 100صفحة من المنتظرة وما بقى لي الا شوي وباخلصها
هذه الرواية اللي خلصتها

[/url

وهذه الرواية اللي بين يدي وباخلصها بأذن الله عن قريب
[url=http://www.0zz0.com]

 

[أم روعة]

حاليا اقرا رواية شقة الحريه لغازي القصيبي وناويه انشالله بس اخلص منها اقرا النسيان . com

 

[نماين]

خوووش موضوع اللحين قاعدة اقرا كتاب ( فن البساطة ) كتاب حلو وقاعدة اقراه برواااأة

 

[SARA_912]

بنات عطونا نبذه عن الكتاب ورايك فيه عشان نستفيد
انا اقرا حاليا الشقيقات >>>>>رووووووعه عن اربع شقيقات ناجحين في حياتهم يجتمعون في بيت العايله ويصير حادث يغير حيات العايله

 

[~حكايـة طمـوح~]

مممم هالايام اقرا كتب المدرسه LOoOoOoL

طيب صمود الكتب الي عارضتهم يشوقون من وين شاريتهم ...؟؟؟؟

 

[lailosh]

حاليا اقرى كتاب لعة الجسد حلؤ يعلمكم شلؤون تفهمؤن الناس من حركاتهم

ؤرؤايه girl missing
ؤالله حلؤه تشؤق

 

[أشبـاهـ المطـر]

أقـرأ النسيان وايدي على قلبي
النسخـة إلكترونية وعمري ماجربت أقرأ
بالأنترنت كتب عشان جذي ماني مـرتاحـه أبداً
ولالحين ماخلصتها ولا أنا دائماً أحطم أرقام قياسية
بالقراءة لووول



شكـراً ,,,

 

[بمبة المفترسة]

قاعدة اقرأ كتابين مع بعض
الاول الادلة على نجاة والدي الرسول من النار
والثاني عن الحجاج بن يوسف الثقفي وانه مو سفاح كما يعتقد الناس كتاب حلووو صراحة

 

[بنوتة طموحة]

حاليا أقرا كتاب

كلمات خارج حدود الزمن

الدكتورة سعاد الصباح

الكتاب نظام مقالات تتكلم فيه عن كافة جوانب الحياة

ووايد حلو صراحة

جذي تحسينه كأنه سوالف أو فضفضة

 

[al-musk]

الحين قاعده اقرا مئة عام من العزلة...مايحتاج الكاتب مبدع وافكاره خلاقه ومتنوعة وكل شوي يفاجئنا بشي..

 

[الجوهرة بن تركي]

حاليا اقرا كتاب عن الدولة العثمانيه

ومرة اكتشفت ان الدولة العثمانيه لها دور كبير في التوسعه الشرقية والغربيه ونشر الاسلام والفتوحات التي تمت على يد العثمانيينن وفتح قسطنطينيه على يد محمد الفاتح والصراحة شخصية محمد الفاتح عجبتي كثير لانه هو الشخص الذي خصه الرسول عليه الصلاة والسلام في حديثه عن فتح القسطنطينيه هو وجيشه فهنيئا لهم

وبيدى الثانيه كتاب قاعده أالفه يعني بيكون من تاليفي الثاني

وشكرا على هذا الموضوع

 

[baby soul]

حالياً اقرأ كتاب عشاق الحياة لـ سيد عطوة

 

[vogue grl]

وناسه خوووش موضوع يسلمووو

 

[vogue grl]

حاليا اقره كتاب:هل لديك مقومات النجاح .. الناجحون يكشفون كيف وصلوا للقمه
للكاتب:بيل بوجز

حاط مسيرة مشاهير بكل مجالات وشلون انجحوا وشنو نصايحهم اهوا مسوي مقابله معاهم كلهم مثل دونالد ترامب ورينيه زلويجر وبوبي براون وسير ريتشارد برانسون وبروك شيلدز والخ

 

[^_^ lollipop ^_^]

انا بهالفتره قام اقرى كتابين ... الراهب الذي باع سيارته الفراري > الكاتب روبن شارما
وكتاب للكون اله >> للكاتب الدكتور صبري الدمرداش


ومشكور للموضوع

 

[دلع السلاطين]

انا قاعده اقرا كتاب ذاكره الجسد لى احلام مستغنامي
روايه من ايام الثروه الجزائريه للحين ماخلصته ولحد الحين الكتاب روعه