~ أخْبِرينا مــاذا تقرأيـــن ؟

[حبيبت عبود]

انا توني مخلصه من رواية اهل الارض لمحمد النشمي ما عجبني مستوها مع انه كان فيها شي من ارض الواقع بس حسيت انه وايد اختصرها وما تحرك المشاعر عكس بنات الثنويه الي من صج هزتني

 

[حمام شاقني فنه]

رواية نجيب محفوظ حب فوق هضبة الهرم

روعه الروايه لاتفوتكم

 

[قهوة برية]

أقرأ رواية
(ماذا لو كانت واقعية )
للكاتب مارك ليفي

 

[مستمعة كويتية]

رواية (عبث الأقدار) للكاتب نجيب محفوظ
روايه جدا جميلة تدور أحداثها في فترة عصر الفراعنة​

 

[( روعه )]

شكرا حبيبتي على الموضوع الحلو ....

بديت قبل فترة بكتاب(( ريح بالك)) للدكتور عبدالله الملحم .. و تقديم د. طارق السويدان و د. ابراهيم الخليفي ....
الكتاب باختصار يتطرق لمهارات و فنون اكتشاف السعاده الحقيقيه و الاستقرار النفسي مهما كانت الظروف و العوائق و المشاكل أو المصائب اللي تعترض طريق الانسان .....
و شعار الكتاب ............لا شيء في الدنيا يساوي راحة البال ...............

بس للحين ما خلصته بس مبين انه حلو من بدايته .....

 

[Tutti-Frutti]

حـالـيـا قـاعـده اقـرا كـتـاب كـفـاحـي حـق هـتـلـر

الـكـتـاب شـوي فـلـسـفـي ويـعـطـي وايـد تـفـاصـيـل .. مـمـكـن بـعـض الـبـنـات يـلـقـونـه مـمـل مـثـلـي
يـعـنـي قـمـت اطـوف وايـد صـفـحـات بـس اعـرف زبـده الـحـجـي وخـلاص انـتـقـل حـق الـفـصـل الـلـي وراه

 

[Loutes]

كتاب الموهبة وحدها لاتكفي

 

[جبنة بيضة]

أنا الحين قاعدة اقرا كتاب احصل على ما تريد و استمتع بما لديك لجون جراي

و كتاب ثاني استانست عليه أكثر الطفل الذكي لتوني بوزن انصح كل ام تقراه و راح تكتشفين انه ولدج او بنتج عندهم ذكاء اكثر مما تتصورين

 

[شمع تحترق]

انا الحين اقري

المستحيل

ل دانيال ستيل


و ما اذكر اللي قبله

 

[C'est La Vie]

Doctor Zhivago by Boris Pasternak
سوها فيلم بطولة عمر الشريف وحاز على جوائز اوسكار

 

[راعية الطويلة]

لا تركزين على شكله ((أوي أوي))

بس ترى رواياته حققت نجاح مو طبيعي و أخرجوا له أفلام

أنا كنت أقرأ مؤلفاته((قصص قصيرة معظمها

بس جدا ممتعة

و مادري الترجمة لمنو ؟؟؟!!!!

بس موجودة إن شاء الله

​

 

[عيون منوعه]

حاليا قام اقرى بنات الرياض

 

[مزيـانه]

قاعده اقرى رواية (الاحتراق البطيء)

للكاتبة جولي جاروود

 

[مزيـانه]

7
7
7
7

بنات لحد يشتري الرواية المذكورة أعلاه

ترى فلم أمريكي ممل .. أحداثها مكررة و اتييب الماحي !! أمبيه لاعت جبدي .. كان ودي أشوح الرواية و ما أكملها .. بس كل شوي أقول لأ .. أخاف أكو شي يديد .. مستحيل أكو رواية بهالتفاهه هالأيام .. بس صج طلع في روايات تافهه من هالنوع .. انا عبالي انقرضوا!!!!




عالعموم الحين بديت برواية شيكاغو .. و ما يندرى شنو بتطلع؟

 

[C'est La Vie]

حاليا اقرا

Little Women by Louisa May Alcott

 

[sleeplessgirl]

توني مخلصله

Monday morning by Kathy Reichs عن طبيبه شرعيه و جرائم قتل

والحين بقرا توهم يووني 20 كتاب من

kare kano
عن بنت متفوقه وااايد بالمدرسه ليما يي طالب يطلع اشطر منها انا شفته انيمي بس ودي اقرا المانجا اكييد احلى

 

[sosotchino]

أقرأ حـــآلياً كتآب ..(كــوخ العــم توم)..
للكآتبهـ هآرييت ستآو

روآية تحكـي عن العنصريـة قبل حرب التحرير وَتبوح بمعانآتهم

 

[sosotchino]

7
7
7
7

بنات لحد يشتري الرواية المذكورة أعلاه

ترى فلم أمريكي ممل .. أحداثها مكررة و اتييب الماحي !! أمبيه لاعت جبدي .. كان ودي أشوح الرواية و ما أكملها .. بس كل شوي أقول لأ .. أخاف أكو شي يديد .. مستحيل أكو رواية بهالتفاهه هالأيام .. بس صج طلع في روايات تافهه من هالنوع .. انا عبالي انقرضوا!!!!




عالعموم الحين بديت برواية شيكاغو .. و ما يندرى شنو بتطلع؟

اذا تقصدين روآيه شيكآغو للكاتب المصري أعتقد اسمه علآء الأسواني فهي جداً تآفهه وأسلوبها قذر وماله هدف

أنا تحسفت اني شريتها بس جذبني الغلاف ويوم بديت أقرا ماتحملت بعد كم صفحته قطيته بالزبآله -_-

 

[بودي لوشن]

بصراحه خوووش موضووع
أنا للأسف ما اقرااا وااايد بس أنتوا شجعتوني
و ادعيلي اني استمر .. أنا قريت قبل كتاب لأبوو بكر الجزائري اسمه : هدا الحبيب محمد يا محب :
كلمه رووعه شوي عليه يتكلم عن كل شي بحياة الرسووول صلى الله عليه و سلم
أنا بغيت اسألج عن رواية بزوووغ الفجر للي قراهااا عن شنووو تتكلم ؟؟

 

[مزيـانه]

أمبيه بنات
لاااااااااااااااااء

انا منصدمة

ويع .. كرهت الروايات و سنينها

قريت شيكاغو جان تقلب جبدي ... لااااااااااااااااااااء .. روايه أتفه من التفاهه

أشكره الكاتب يبي الفلوس و الشهرة و خلاص

لا طعم و لا لون .. قلة حيا .. و تفاهة

كرهت الروايات المصرية .. كرهت الدنيا .. كرهت الكاتب .. و لا راح أشتريله رواية .. حتى اذا نزل كتاب توبه ما راح أشتريه .. ويع ويع ويع

نصيحة بنات .. لا تقرون له

انا من شفت ويهه و انا غاسلة ايدي منه .. شعبان عبدالرحيم على مثقف .. أمبيه لأ .. انا مصدومة