أدز صورتي؟

[ودي ... ودي]

بنات بغيت آخذ رايكم بموضوعي , آنا عرفت واحد من ثلاث اشهر وقالي عنه كل شي ودازلي صوره وحتى بطاقته المدنيه واهوا يحبني وآنا بعد أحبه بتقولون شالموضوع ؟؟

آنا أقولكم يبي ادزله صوري أو يشوفني بمكان؟؟؟ , بنات لحد يزف آنا والله بنت ناس وزينه مالي بالخرابيط بس حبيته صج مو لعب وبداية علاقتنا كانت إعجاب المهم آنا محتاره أدزله صوره لي ...

لإن يقول ما أقدر أخطب عمياني لازم أشوفج !!!!!!



اشرايكم بنات آنا حيل محتاره لإني اخاف على نفسي واهلي مهما يكون حتى لو أحبه ونيته صافيه وجاد بالموضوع احس صعبه مو قادره أدز صورتي كلش

 

[قطوطه حلوه]

رد : أدز صورتي؟

شوفي موضوووعي بنفس القسم واتعضييي

 

[جوووووووووريه]

نصيحه لادزين صورتج بعدين اتحسفين يهددج فيها وساعتها تقولين ياليتني ماسويت اللي سويته شنو 3 شهور ولاشي انج اتعرفين انسان اذا الوحده تزوجت زوجها اللي اهو زوجها ماتعرفه الا بعد سنه من الزواج فمبالج بواحد مايربطج فيه شي اذا يبيج ويحبج يتقدملج ويشوفج الشوفه الشرعيه وكل شي نصيب مو يجي بطرق ملتويه

 

[*ρ!ηк яσѕє*]

رد : أدز صورتي؟

لا حول ولا قوة الا بالله .. الله يهديج بس

 

[البيرق العالي]

رد : أدز صورتي؟

الله ياخذة اللهم اني صائم

 

[أحب ترابها]

لا يا حبيبتي انتي شفييييج ...؟ شلون تدزيين صوورج ؟! اصلا لو اهو يحبج صج جان يا و اخطباج بدون لا صوره ولا شي وحزت الخطبه بيشووفج ..!
وبعدين شلون اهو ما شاافج و بداية سالفتكم اعجاااب ؟! > حبيبتي هاذي سوالف شباب هالاياام .. اهو صبي وشايل عيبه اكيد بيجذب عليج ويدز لج صوره و بطاقته > ليش ان مثل ما قلت لج صبي وشايل عيبه و انتي بنت يعني شراح تسوين > اذا بتنشرين صوره بيكون الامر عنده اكثر من عاادي .. و مراح تقدرين تقولين لاخوانج او لأبوج السالفه > واهو عارفه هالشي اكييييد ...!
و لا تقولين يحبني ونيته صافيه > لو يحبج ونيته صافيه جان مثل ما قلت لج ياا و خطبااج ..!
انا اقوول قوليله : آسفه انا بنت نااس وما ادز صوري لأي احد و اذا صج تحبني ادخل البيت من بابه و تعال اخطبني ..! > صدقيني حزتها بترتفعين بعينه ! > على الاقل لما تزوجوون وانتي دازه صورج اكيد كله بيشك فيج او يعايرج و يقولج انتي دزيتي صورج وانتي مادري شفيج وغيره من هالكلام ...!
اي والله وانا اقووول شوفي موضووع قطوطه حلوه واخذي العضه والعبره ...!
والله يستر عليييج حبيبتي .. وانا ما قلت هالكلام الا لمصلحتج ويالييييييت ما تدزين صورج > لمصلحتج ..!

 

[ودي ... ودي]

قلتله تعال بيتنا وشوفني ... يقول إشلون ايي البيت , يمكن ما تعجبيني أو آنا بالشوفه ما أعجبج جذيه بيصير إحراج وحتى أمي بتزعل علي , لإني إشلون أقولها عنج وبعدين اقول خلاص ما ابيها , آنا ابي أخطب وآنا موافق من ناحيتي

 

[حصــgص..~!]

^
^
^ يعني أشكره يقص عليييج و الله مادري شلون انتو يا البنات !!


الله يرفع عنج و لا يبلانا ...~


حبيبتي ديري بالج تدزين صورتج و ربييييييييييييييي كل الشباب جذابين لا تقولين يحبني و مادري شنوو ترا يقص عليج ..~


انتي ما تخافين على سمعة أهلج


و ابوج و امج اللي وا ثقين فيج تجازينهم بهالشي ...~

سمعـــــــــــــتج سمعــــــــــــــــــــــتج سمعـــــــــــــــــــــــتج !!!


واذا صصج يبي يخطبج و ما يقدر يخطبج الا لما يشووفج قولي له في شي أسمه نظرره شرررررعيه خليه يشوفج و عند أهلج و بين أمج و أبوووج ...~



خاآآآآآآآآآآفوا على سمعتكم يا بنات ترا السمعه اهم شي بالبنت و اذا خسرتيها خسرتي عمرج كله و الصبي عيبه بجيبه البنت مثل الزجاج اللي تكسر ماآآآآآآآ يتصلح وربي ما يتصلح !!!

ترا اللي قاعده تسوينه حرآآآآآآآآآآآآآآآآآآم و احنا بشهر رمضان

الله يهديييييييييييييييج ياااااااااااااااااااااااارب و خلي عنج سوالف الحب و تووووبي ...~

 

[حتى الكره فيني]

شوفي موضوع قطوه حلوه واتعضي

وحبيبتي اذا اهو يحبج ما يهمه الشكل

ديري بالج

 

[لمسة اناقه]

حبيبتي بعد الصوره بيعد يهدد فيج طلعي معاي ولا افضحج ومن هالامور صدقيني نصيحه ديري بالج تحطين رقبتج بايده واذا اهو شايفج وكان بينكم اعجاب فماله حق يطلب صورتج
واذا كانوا اهلج مايرضون انه الريال يجي يشوفج بوقت الخطبه وطبعاااا بنات انتوا تدرون انه في اهل مايرضون خليه يشوفج بمكان عام مو خش ودس وبعدين راح تعرفين صج اذا اهو شاريج ولا لاااااا
اهم شي لاتعطينه ممسك عليج ودزين صورتج

 

[ودي ... ودي]

أدري أدري ولو عادي عندي جان دزيتها ومن زمان , بس لإني أحبه صج وأتمناه وأبي حياتي لو انكتب بينا نصيب تكون بالصح مو بالغلط وكلها شك وحساسيه زايده ,,

انزين ساعدوني شنو يقول لأمه ؟ عشان ييي واهيا عارفه انه يبي يشوفني وان ما صار نصيب ماكو احراج؟؟؟

 

[Loutes]

رد : أدز صورتي؟

لالالالا انتبهي

 

[ms.al7lwa]

رد : أدز صورتي؟

حييتي انتي اكثر وحدهـ راح تنـــدمين بعديين صدقيني ..
لانهـ كل قصص و " خرفات " الشباب جذي ..
لا تدزين لاشي ولا تكلمينهـ بالمرهـ احسن ..

 

[أحب ترابها]

شووفي حبيبتي انا اقولج شتسووين عندج طريقتين ..
الاولى ..
انج ما تردين عليه اذا دق بعدين بعدها بفتره قصيره شووي اذا دق ردي عليه واكيد بيقولج ليش ما تردين .. قوليله انا ما ارد ع واحد يلعب علي وانا خلااص ما ابي اكلمك وانا شاريه ثقة اهلي وانت تلعب علي > واذا كااان صاج بكلامه و صج يحبج بيي بيتكم ويخطبج !
واذا انتي مو مقتنعه بكلامي عندج الطريقه الثانيه ..
خل ييي بيتكم ويخطبج واذا ما عجبتيييييه يقولج ان ما يبييج وانتي حزتها ارفضيييه وبس تخلص السالفه وانسييييييه ..
الله يستر عليج حبيبتي !

 

[معشوقة الكل]

رد : رد: أدز صورتي؟

أدري أدري ولو عادي عندي جان دزيتها ومن زمان , بس لإني أحبه صج وأتمناه وأبي حياتي لو انكتب بينا نصيب تكون بالصح مو بالغلط وكلها شك وحساسيه زايده ,,

انزين ساعدوني شنو يقول لأمه ؟ عشان ييي واهيا عارفه انه يبي يشوفني وان ما صار نصيب ماكو احراج؟؟؟

لا لاتدزين صورتك وقولي له تشوفني بالشوفه الشرعيه واذا اهلج مايعترفون بهالشي خلاص اذا خطب خليه يشوفج بمكان عام وبالنسبه لحق امه عادي خليه يقول لها انا ابي اتزوج وببالي وحده شفتها واعجبتي وعرفت عنها كل شي بس لايقول اني كنت اكلمها

او خليه يقول اخت رفيجي اذا اهو مهتوي ويبيج صج راح يطلع الكلام
شدعوى ريال طول بعرض مايعرف يفاتح امه بالموضوع

 

[ودي ... ودي]

شووفي حبيبتي انا اقولج شتسووين عندج طريقتين ..
الاولى ..
انج ما تردين عليه اذا دق بعدين بعدها بفتره قصيره شووي اذا دق ردي عليه واكيد بيقولج ليش ما تردين .. قوليله انا ما ارد ع واحد يلعب علي وانا خلااص ما ابي اكلمك وانا شاريه ثقة اهلي وانت تلعب علي > واذا كااان صاج بكلامه و صج يحبج بيي بيتكم ويخطبج !
واذا انتي مو مقتنعه بكلامي عندج الطريقه الثانيه ..
خل ييي بيتكم ويخطبج واذا ما عجبتيييييه يقولج ان ما يبييج وانتي حزتها ارفضيييه وبس تخلص السالفه وانسييييييه ..
الله يستر عليج حبيبتي !

مشكوره حياتي مشكوره آمين يارب ويستر عالجميع , خلاص آنا قررت إني ما راح أدز صورتي , يحبني يدخل البيت غيره ماكو بس أخاف اتراجع ,, يارب يارب قوي قلبي

 

[ودي ... ودي]

رد: رد : رد: أدز صورتي؟

لا لاتدزين صورتك وقولي له تشوفني بالشوفه الشرعيه واذا اهلج مايعترفون بهالشي خلاص اذا خطب خليه يشوفج بمكان عام وبالنسبه لحق امه عادي خليه يقول لها انا ابي اتزوج وببالي وحده شفتها واعجبتي وعرفت عنها كل شي بس لايقول اني كنت اكلمها

او خليه يقول اخت رفيجي اذا اهو مهتوي ويبيج صج راح يطلع الكلام
شدعوى ريال طول بعرض مايعرف يفاتح امه بالموضوع

احنا عادي عندنا الشوفه وهذا اللي بيصير بقوله ,,, مشكوره حبيبتي

 

[مهـــا]

اذآ بيشـوفج يطق البآب على أهلج ويشوفج قدآمهم

ليمـتى مآتعلمــون الغلط من الغيــر ؟؟؟

بنت النـآس والمحترمـة مآتعرض نفسـهآ لأحد إلآ قدآم أهلهآ وبرضآهم

تتوقعيـن شنو ردة فعـل أهلج إذآ درووو ؟

بدعيلج من قلبـي
ان الله يقـوي قلبـج ويبعد عنـج الشــر يآرب بس انتـي كونـي حذرة ولآتفكرين ترسليـن صورتج

 

[أحب ترابها]

لا انشالله الله يقوووي قلبج > بس ما اوصييج ع صلاة عشان حزتها صج راح يقوى قلبج ومارح تدزينها ..!
والحمدلله انج اقتنعتي ..

 

[رزنامه2010]

بنات انتم شسالفتكم كل يوم وحده طالعه لنا انا احب وصورتى وخرابيط والمشكله ان انتم مو صغار وتدرون ان الشباب يلعبون عليكم وين في واحد يحب وحده ماشفاها وانتى مصدقه ان بخطبج حبيبتى اهو بس بعرف اللي يكلمها حلوه ولا لا عشان اذا مو حلوه بهدج ويدور وحده ثانيه مايبي يضيع وقته يعنى لا زواج ولا بطيخ



وسورى على ردى بس صج استغرب من هالبنات اللي تفكيرهم جذى والله يهدى الجميع