أدز صورتي؟

[i'am THE ONE]

قلتله تعال بيتنا وشوفني ... يقول إشلون ايي البيت , يمكن ما تعجبيني أو آنا بالشوفه ما أعجبج جذيه بيصير إحراج وحتى أمي بتزعل علي , لإني إشلون أقولها عنج وبعدين اقول خلاص ما ابيها , آنا ابي أخطب وآنا موافق من ناحيتي

:0bee2e8d89: اللي يحب ما يهمه الشكل المفروض حب روحك و اسلوبك صح ؟؟

 

[Miss.6Mo7]

إي دزي صورتج ..


ويُـفضل تكون صورة عآئليـة ..


سؤآلج غريــب , وآلآجآبـة معروفة إذآ كنتِ إنسـآنة فآهمـة وإنتِ إمبيـن عليج عآقلـة ..

آلله يستر عليج وعلى آلكل إن شـآءآلله

 

[عيون السواهي]

ترى امبين انج تحبينه والي يحب مايشووووووووف عيوب حبيبه بس نصيحه اذا دزيتي صورتج بطيحين من عينه واذا تبينه صج يحبج ويخطبج دوسي عليييييييه ترى الرياييل كل مادستي عليه زاد غلاج وحس انج غاليه ومو رخيصه وسلامتج اسئلي وحده خبرررررررررره بالحيااااااه

 

[تحداها بشر]

رد : أدز صورتي؟

صدقيني راح تندمين لا

 

[خباري مطر]

رد : أدز صورتي؟

نصيحة لا تدزين راح تنفضحين ويحط صورتج بالفيس بوك و يوتيوب وينشرهم ويسوي عليج فوتوشب وبلاوي بعضهم مايعطون خير



وهذي نصيحتي لك وانتي كيفج

 

[^^ريهام^^]

هذا يبي يلعب

لا تطرشين صورتج

خليه يجي يشوفج بالدوام من بعيد

او يجي لبيتكم ويشوفج

اذا اعجبج وعجبتيه خير

واذا لا ما يشوف شر

 

[درة أهل الطولات]

رد : أدز صورتي؟

واااااااااااااااي بس حرام عليكم

بنات ليش الغباء؟؟؟؟؟؟؟؟؟؟؟

يعني واحد يقولج طرشي صورتج اطرشينهااا

لو افضحج ووزعهاااااااااا


شنو الحل بعدين؟

وين عقلج حبيبتي ؟؟

بيخطب عمياني لا طبعاااااااااااااا




امبييييييييييييييييييييييه


يطرش امه وخواته يشوفونج بيتكم

وبس

اصحوا بنات اصحوااااااااااااااااا

 

[lovely jojo]

انتي من صجج ديري بالج

 

[سعادات]

لا ذزي انها مصيدة /// لو صادق رطق الباب لو شافك وما عجبتيش حصل خير هكذا انتي تعرفي شو في نيته / كل بنت تكلم رجال عن الحب وووو عبر النت انه بس يستانس بها ويحاول يقيدها بحجة /// وهذه غلطة البنت

 

[العذرااااااااء]

رد : أدز صورتي؟

الله ياخذة اللهم اني صائم

اشكره صبي وزين بعد انك تعترف تقول صائم يعني موو صاايمه

هذولاااا انتم يالشباااب ماادري شنوو تبوون بالبنااات وداااش عررررررض

 

[أم قـمبر]

ديري بااالج تدزينها
اذا اهو يحبج راح يحب شكلج مهما كان
يعني شنو يعني
يعني لو كنتي جيكره بيهون مثلن وماراح يحبج
ما عليج من هالخرابيط
قوليله انا مو قدر ادز صوورتي
وبالعكس يمكن تكبرين بعيينه جذي
او يكون اختباار منه بيشوف عادي عندج وله لاا
انا موعرف الريال ولا اقدجر احكم على علاتكم
بس فيه بعض الرياييل يدرون انه نقطه ضعف البنت الزواج وبس ايبونلها طااري الزواج يدرون انها مستعده تسووي كل شي

فمن الممكن يكون ماخه حجه انه موقدر اخطبج عمياني عشان صوورتج
ديري بالج على نفسج اختي
وأنتي أبخص
وبالتوفيق

 

[حمام شاقني فنه]

لآ

مآله داعي تطرشين

 

[marimor]

ايييه حبيبتي عادي دزيهااا عشان يفبرك صورتج وينشرها
لاترددين دزيها دزيها

 

[هيبة ملك]

البنات ماقصروا

وإذا يبيج يجي يخطب ويشوفج شوفه شرعية

 

[دلوعه دجــه]

خلاص اذا مايبي يحرج امه جدامكم
ماقدامه الا هالحل
:
يدز وحده من خواته او امه تشوفج بمكان عام او بالجامعه او بعرس
وهم يوصلون المعلومات كلها له >>ودامج عجبتي امه وخواته اكيد بتعجبينها
واذا اوكي من ناحيه امه وخواته يخطبون ويشوفج بالشوفه الشرعيه وجدام اهلج
لان صدقيني اذا مادخل احد من اهله امه او ابوه بالسالفه معنااااااته جذاااااااااااااااااااااب وقاص عليج

وبس ....

 

[زهراء الركابي]

رد : أدز صورتي؟

لا ادزززززززززززززززززين صورة


اذا اهو صاج ويبيج


خلي يشوفج بمكان مو بروحج لازم يكون حد معاج

 

[Flower20]

رد : أدز صورتي؟

دزي صورتج دزي عشان باجر تيين تبجين عندنا

مكو فايدة فيكم يالبناات ما تتعظووووووووووون

 

[حياة بابا]

رد : أدز صورتي؟

لا ياحيااتي لا ترسلين له صوورتك مهما كاان !! يمكن يجي يوم يهددك فيها ! والافضل بعد تتركين هالسوالف والله بتندميين لو اهلك عرفوا انك تكلمين ولد بتتدمر حيااتك وعلى شنو ياربي علشان ولد !!
والله يهديك

 

[تبطي عظم!]

لحظه لحظه..!!

انتي من صجج..!!

مصدقته يعني...!!

انا بس قريت كلامج ما اقتنعت بعذره شلون انتي سامعه الكلام مقتنعه انه صاج..!!

شنو شعورج لو هددج بصورتج..!!

شنو ردت فعلج وفعل اهلج لو انفضحتي ونشرها..!!

شنو شعرج لو قالج ماعجبتيني..!!

حبيبتي تكفين تكفين تكفين لا تسوينها واذا يبييج يجي بيتكم يخطب رسمي

عجبتيه يتم الموضوع ماعجبتيه يقول حق اهله ابيه بس يقولج ماعجبتيني وانتي ارفضيه وخلصنا..!!

قوليله هالحركه مارضى اعرفي هو قاعد يلعب ومو صاج الكلام المعسول ماشاء الله عليهم شباب الكويت ماينتوصون عليه

يلفونج لف بالكلام ولا قلتتيله اخطبني وراج طول ساقه بالنحشه ههههههههههه

الله يهديج بس..!!

 

[M!Ss Un!VerSe]

تدرين اهو دز صورته وبطاقته عشان يبيج تثقين فيه وتتطمنين عشان يبي تدزينله صورتج.

حياتي الريال ما يحوشه شي .. اذا في احد بينفضح فأهو أنتي وبس.. الريال حتى لو سوا شي وصادوه يدفع كفالته ولا سجن جم شهر

وطلع منها ويكمل حياته عادي ام البنت لي انفضحت تنزل راس اهلها بالأرض ومحد يطل بوييها بعدين..

ديري بالج..