أدعولي وأبي رايكم عساكم للجنة

[شرقاوية وافتخر]

السلام عليكم بنات مبارك عليكم الشهر ,, بنات أنا في أمس الحاجة لدعواتكم حقي بهذا الشهر الفضيل بأن ربي يساعدني ويصبرني وأبي رايكم ,,, بنات ما ابي اطول عليكم انا تزوجت رجل مدمن وكنت واهلي مغشوشين فيه من امه الي قالت عنه ملتزم ومتدين واهو مدمن المهم انا الحين متزوجة من 13 سنة وعندي ولدين بنات ريلي مدمن لكل انواع المخدرات هرويين وحشيش وغيره وعاطل عن العمل من 12 سنة وانا وايد تعبت اصرف عالبيت ومحرومة من كل شي معاشي كله يطير عالبيت ولا تهنيت فيه واهو مفصول وممنوع من السفر واهله مثله واردى واردى بعد وعليه قضايا وحالته من اسوء لاسوء بنااااااااااات انا صبرت عشان قلت امكن يتعدل الوضع لوجود الاولاد وصبرررررررت واااااااايد وانحرمت حتى المعاشرة الزوجية محرومة منها لانه مدمن وعاجز جنسيا بسبب المخدرات الحين عمري 37 انهارت اعصابي كل يوم مشاكل وحوووووسة ونجرة ما كو تفاهم ابد وانتم تعرفون المدمن الحين بنات فعلا افكر بالطلاق بس اخاف على اولادي اخاف يمر الزمن واكبر واتحسف على عمري ابي شوركم بنات على فكرة اناااااا صليت استخارة اكثر من مرة للطلاق وما صار شي ابي رايكم بنات وابي دعوااااااااتكم والله احس بذل ما بعده ذل من كل صوب مشتته

 

[زوجة عزيز]

واااااااااااااااااي الله يكون بعونج ويصبرج وياجرج على صبرج ويعوض صبرج خير ان شاء الله صج ان ابغض الحلال عند الله الطلاق وما احب انصح احد به لكن اللي مثل حالتج وزوجج ماتنلامين والله توكلي على الله الله يوفقج

 

[sweetable]

اللله يكون في عونج
ما تخافين على عيالج يتربون على ايد ابو جذى ؟!
مادري شقولج
استخري والله يكتب اللي فيه الخير

 

[انا لحبيبي .]

لا حول ولا قوة الا بالله العلي العظيم ،

طيب اذا محرومه الفلوس منه كزوج ، ومحرومه المعاشره الجنسيه ومحرومه كل شي ، شو فايدته بحياتك ؟؟

لو في شي واحد ايجابي الواحد ما بلومك ، بس مافي ولا شي ايجابي بحياتك من ناحيته

 

[ELFAD3Ah]

الله يساعدج
بس حطي في بالج المدمن عمره مايترك المخدرات وانتي عندج اولاد واهو مدمن و عاجز جنسيا وعاطل عن العمل
شنو بتتريين منه انا اقول طلعي عيالج من هالجو وعيشي حياتج
الله يوفقج

 

[Q8NONA]

اختي ليش ما تتصلين على لجنه خاصه تعالج الادمان من المخدرات وموجود رقمهم فى الجرايد تتصليين عليهم وتقوليهم مشكلتج ووتاكدي انهم يتعاملون معاج بكل رحابه صدر ومعلوماتج تكون بمنتهى السريه فلا تخافين من الفضايح واهم راح ياخذونه ويعالجونه عندهم لانه فيه وايد ناس تعالجو من المخدرات وصارت حياتهم طبيعيه
فنصيحتي لج لا تتركين حالته لانها صعبه حيل وعيالج يشوفون ابوهم فى هالمنظر وراح ياثر عليهم اذا اكبرو
والله يعينج على الي انتي فيه وماجوره عليه وادعليه بالهدايه والله يشافيه بلى فيه

 

[يا كويتنا]

انا برأي تعيشين مطلقه ولا تعيشين هالعيشه المهينه


كافي الصراخ والصوره السيئه اللي قاعدين اعيالج ايشوفنها من ابوهم


انا اقول بس نقطه وسطر جديد



ويمكن بالطلاق يصحااا


واسأل الله العزيز القدير ان يفك ضيقتج وياجرج ويخليج لعيالج

 

[.،:"$الـعـوبــــة$":،.]

لا حول ولا قوة الا بالله العلي العظيم ،،


شي يعور القلب والله العظيم !!


استخيري وبس ،،


​

 

[دلع العتبان]

انا اقول ياقلبي الله انعرف بالعقل يعني من الاول شفتي انه مدمن سيده تطلقي ماكو امل من مدمن لانه مايقدر يطلع من الدوامه اللي عايش فيها فنصيحتي استخيرري وطلبي الطلاق لايجيج شي اكثر من هالمصايب بعد وربي يفررررررررج كربتج قريب وتوج صغيره ياقلبي والعمر قدامج لاتقولين كبرت ومدري شنو واستعيني بالصلاه والدعاء

موفقه مالج حل غير الطلاق

 

[شرقاوية وافتخر]

مشكورين كل الي ردوا على والله يعطيكم الخير والله يا بنات ادري الشكوى لغير الله مذلة بس تعبت وما لي غيركم ومترددة وخايفة استخرت وااااايد والي قلته ما يعبر ابد عن سوء حالتي وما خليت شي مااا سويته حتى بشاير الخير وعلاج برة الكويت بس الفترة الاخيرة فكرت بالطلاق من التعب والذل والله ذل ماااا بعده ذل انا بنت خير وعز ومعاه احس بالذل بعيون الناس ادعووووووووووووووووووولي الله يرحمكم

 

[شرقاوية وافتخر]

ادعووووووووووووووولي بنات هالوقت وقت اجابة الله يخليكم

 

[متى افرح]

وااي حزنت عليك والله

بس ماعرف شنو اقولك ياقلبي ربي يساعدك

بس سؤال؟؟هو يصلي؟؟يصوم؟؟ لان اللي مايصلي شلون العيشة معااه

 

[أعرفك نفسي]

انا انصحج تشاورين عيالج ،، فعلا انتي ما قلتيلنا اعمارهم
اذا اعمارهم بين ٩ و ١٠ افتكر واعين ويفهمون
قوليلهم يما انا وابوكم مشاكلنا وايد ،، وانا افكر انفصل عنه ونطلع احنا نعيش بروحنا
شوفي شنو ردهم ،، اذا تقبلوا ردي استخيري وان كانت زينة كان بها
وان ما كانت زينة خلاص اكيد
وانا قصدي من هذا عشان ما تتسرعين وعيالج يكرهونج لاني اللي فهمته من كلامج انج متعلقه فيهم وتبين حضانتهم
الله يقملج اللي فيه الخير ، والله يهدي زوجج ان شاء الله ويرتاح قلبج

 

[قصة وفاء]

حبيبتي ماأدري شنو اقولك
اطرقي ابواب السماء كل ليله بترتاحين ادعي واشكي لله صدقيني بترتاحين
وحطي ببالك ان الاب إذا مدمن الأطفال يتأثرون كثيييير
وابكتب لك رقم شيخ ثقه يقدر يساعدك وابدعييييلك الله يفرج همك يارب
فرج همها يارب فرج همها يارب فرج همها

 

[شرقاوية وافتخر]

بنات الله يجزاكم كل الخير والله يفرج همكم ,, بعد عمري ما شفته يصلي ولا يصوم واختي وفاء مشكورة حيل بس شلون ممكن يساعدني انا ما خليت شي بالدين ولا اشرطة عشان يخاف من الله بس ما كو فايدة ويا ليت اهله يساعدووون ما فيهم خير ابد ومرة ثااااااانية مشكورين وايد

 

[شرقاوية وافتخر]

والله يا بنات انا حيل تعبت ودعيت ودعيت وايد والله ما خليت دعاء وعرفت الله عدل وتمسكت بديني بس صرت بالفترة الاخيرة احس اني خلاص لازم افك عمري خايفة اكبر ويمر الوقت احس ولا لحظة فرح شفتها معاه ومحسوبه عالمتزوجين

 

[بريـق]

الله واكبر ولا حول ولاقوة الا بالله

تطلقي وعيشي ماكووو فايده من شخص مدمن

واقرئي هالدعاء
ياجامع الناس في يوم لا ريب فيه اجمع بيني وبين تيسيير اموري والفرج

 

[شرقاوية وافتخر]

جزاج الله خير اختي بريق وكل البناااااات وهذا الدعاء دايم ادعيه

 

[خالف تعرف]

مستفيده منه بشنو هذا سواد وي
شوفي التصرف الصحيح تودينه المكان الي يعالجونه بالسر عاد هذا ،وين لا اعلم
وخلال هالفتره تتبرين منه متى ما تعالج وصار خوش ريال رديله
لاكن لا يصرف ولا يعاشر ولا قدوه حسنه حق عياله ولا شي ليش عايش عيل؟
وليش صابره عليه بفهم
بالعكس اذا عياله بعدو عنه اخير لهم
وحتى وظيفه ماكو ؟
انتي فكري بالانفع وصلي استخاره


او فكره ثانيه اشوفها بالافلام نطريه ينام
وطلعي وقفلي الباب عليه
خليه يفرفر يناقز يصارخ يبي جرعه يبي شي ماكو بالايام دام ماعده حتى دوام واذا طخ ونام بطلي الباب وحطي اكل وردي اقفلي الباب
هذا الي اعرفه

 

[شرقاوية وافتخر]

اختي خالف تعرف ما اقدر اسوي جذي يهد الدنيا وعلاج راح ورد وانتكس اكثر من عشر مراااااات