أدعولي وأبي رايكم عساكم للجنة

[لمى...]

ليش فرطتي بعمرج معاه الله لايبلانا مافي منه اي حاجة

لامن مصرف ولامن رجولة ولامن عز ولامن {{{{{{{أمان}}}}}}

ليش ضيعتي عمرج معاه ؟؟؟؟؟؟؟؟؟؟؟؟؟

تلاحقي نفسج لانج اذا صبرتي اكثر من جذي راح تندمين على سنين عمرج يكفي اللي ضيعتيه معاه......

الله يعوضج ويعوض صبرج خير.............

احتسبي سنين عمرج اللي راحة في الأجر ...............

وتلاحقي على نفسج الانسان مايعيش الا مرة ....................

حددي مدة تضبطين فيها وضعج وتستعدين لما بعد الطلاق وبعدين توكلي على الله ............

والخيرة فيما اختاره الله .............

 

[!الجادل الصعب!]

اذا بتقدرين تعيشين انتي وعيالج بشكل احسن
من غيره تطلقي شتنطرين ؟!
لكن اذا تطلقتي وماعندج مكان تروحين مانصح
بالطلاق
خليج عنده واعزلي نفسج وعيالج عنه
والله يهديه لج ولعيالج يارب

 

[سعوديه ربشه]

اختي حرام شرعا تعيشين مع واحد مايصلي حتى يجيبلك البلاوي دامك انتي الي تصرفين على بيتك وعيالك وش حاجتك فيه انهيه من حياتك عشان ماتحسفين راتبك وفلوسك عليه قال الرسول ص العهد الذي بيننا وبينهم الصلاة فمن تركها فقد كفر هذا كافر فاسق نظفي حياتك منه الله يرزققك ويعوظك خير

 

[صادقة بكلمتي]

السلام عليكم بنات مبارك عليكم الشهر ,, بنات أنا في أمس الحاجة لدعواتكم حقي بهذا الشهر الفضيل بأن ربي يساعدني ويصبرني وأبي رايكم ,,, بنات ما ابي اطول عليكم انا تزوجت رجل مدمن وكنت واهلي مغشوشين فيه من امه الي قالت عنه ملتزم ومتدين واهو مدمن المهم انا الحين متزوجة من 13 سنة وعندي ولدين بنات ريلي مدمن لكل انواع المخدرات هرويين وحشيش وغيره وعاطل عن العمل من 12 سنة وانا وايد تعبت اصرف عالبيت ومحرومة من كل شي معاشي كله يطير عالبيت ولا تهنيت فيه واهو مفصول وممنوع من السفر واهله مثله واردى واردى بعد وعليه قضايا وحالته من اسوء لاسوء بنااااااااااات انا صبرت عشان قلت امكن يتعدل الوضع لوجود الاولاد وصبرررررررت واااااااايد وانحرمت حتى المعاشرة الزوجية محرومة منها لانه مدمن وعاجز جنسيا بسبب المخدرات الحين عمري 37 انهارت اعصابي كل يوم مشاكل وحوووووسة ونجرة ما كو تفاهم ابد وانتم تعرفون المدمن الحين بنات فعلا افكر بالطلاق بس اخاف على اولادي اخاف يمر الزمن واكبر واتحسف على عمري ابي شوركم بنات على فكرة اناااااا صليت استخارة اكثر من مرة للطلاق وما صار شي ابي رايكم بنات وابي دعوااااااااتكم والله احس بذل ما بعده ذل من كل صوب مشتته

حبيبتي 13 سنة ناطرة ؟؟؟؟؟ الله يعوض عليج جان لازم خطواتج تكون غير تكون اقوى العمر مو بايدينا لكن الله يفرج همج ويرزقج انتي وعيالج عن هذا الصبر وريلج الله يشافيه بس حبيبتي دام اهله مو شي ولا انتو ولا ولدهم يهمهم توكلي على الله وبلغي عليه علشان ياخذونه علاج مو سجن شنو تنطرين خليها اخر فرصة لج معاه اهي العلاج عندج بنات قاعدين يكبرون ولا سمح الله المخدرات تلعب بالراس الله يستر عليكم ولا تخافين يخذونهم علاج وان شاء الله يهذا الشهر الفضيل يتشافى من اللي فيه وياما ناس ردوا احسن وترا مو كل ما استخرنا لازم ننطر شي نشوفه ولا بيصير ممكن الله يوخر الشر عنا على اهون سبب ا يقرب الخير عنا بدون نحس بشي فكري بعيالج وبنفسج وبهالانسان اللي فقد اهليته كانسان طبيعي ولو ما تبيه وتبين الطلاق عطيه اخر فرصة لوجه الله واهي العلاج واله يكتبلج اللي فيه خير وصلاح امييييين وتقبلي مروري:yaaaaaarb:

 

[FeShinGoOo]

لا حول ولا قوة الا بالله اصلا هالبيئه فاسده حرام عيالج يعيشون ويكبرون عند ابو بهالشكل ..!!!!!!!!!! ذنبهم برقبتكم

 

[حبيبي مالكني]

حبيبتي انتي صايره حق عيالج الام والابو
اشتبين فيه
ليش للحين انتي على ذمته
اختي طلبي الطلاق
وعيشي حياتج وربي عيالج احسن تربيه بعيد عن هالابو الفاسد
وليش تفنين عمرج مع زوج ما يقدرج ومحسوب عليج ريال
ابتعدي
هاي اهو كلام العقل
الي ما يخاف الله ينخاف منه
وطريج الادمان طويل
اختاري تبتعدين بختيارج قبل لا يكون ابتعادكم مو بختيارج
نهاية الادمان اما موت او موت
وريلج اختار الموت
بس انتي اختاري الحياه

 

[دوووووووووووبا]

يارب يفرج همج ويهون عليج مصيبتج
ويحفظ لج عيالج ويهدي لج زوجج
ماحبيت اقولج شي يهدم لج بيتج ياقلبي بس دعيت لج مابي اطلع من غير رد

 

[أم توتو]

الله يعينج اختي وييسر امرج ويفرج همج انا مع البنات الطلاق هو الحل وماكو احد ضايع انتي الحين بحسبه المطلقه ولج حق تطلبين الطلاق حتى لو اهو مارضى يطلق عسى ربي يخليج لعيالج ويعوضونج خير

 

[اميره1980]

ليش ما تحاولين تعالجينه ؟؟
اذا رفض بلغي عليه
في جهه معينة يمسكونة و يعالجونه غصبا عليه و ما يعاقبونه اذا احد من اهله بلغ عليه او بلغ عن نفسه بس ما ادري وين

يمكن مركز علاج الادمان

 

[خالف تعرف]

ياحبيبتي اذا قررتي تنفصلين سوي الحركه الي قلت لج ياها منتي خسرانه ولا شي عل وعسى يتعالج وتفتكين واذا قلب الدنيه خلاص بعد

 

[هولنديه اياكسيه]

الابو زيين مع عياله ؟؟
يعني يحسون بحبه ؟؟
اذا الابو مايدري عن عياله فالطلاق افضلج
لان يعتبر وجوده وعدمه واحد

العيال بيتربون وبيكبرون وباجر كل واحد يشتغل ويتزوج ويفتحله بيت

استخيري اكثر من مره وربي يسهل امورج ان شاءالله

 

[شرقاوية وافتخر]

كل البنات الي شاركوني وغيرهم الله يجزاهم خير والله يا بنات ما كو فايدة مغيب طول الوقت ومخدر ولا نفعة منه الا وجود البيت الي يسترني عن الناس بس بس انا نفسيا تعبت اشوف العالم مرتاحين وانا بروحي كل شي بروحي لو يصير لنا شي ما يدري عنا وين اورح ويا ايي ما يدري لو يشوف ريال بالبيت عادي عنده انا محسووووووووووووووووبة عالمتزوجين

 

[شرقاوية وافتخر]

ضحيت وبعت من الذهب مالي عشان يتعالج وسويت كل شي وصبرت بس بس تعبت جد تعبت اخاف اطلق ويتزوج وحدة ما تخاف الله تاخذ البيت هذا خووووووووفي بس