أرجو كل من سافرت لأوروبا تدخل

[زعفران العتاب]

بسم الله الرحمن الرحيم

أنا بدخل بالموضوع دووووغري علي قولتهم بصراحه أنا تاويه أسافر أنا وزوجي أوروبا أول مره وبخاطري تساعدوني بختيار الدوله يعني كل وحده ترشح دوله بس على شرط تكون رايحه لها يعني ماتقول انا قريت عنها أو رفيجتي زرتها بصراحه أبي شئ مضمون .هههههههههه صج مومصدقه . وكل وحده تقول مميزات الدوله من :1الأماكن سياحيه
2ـمناحية الأمن
3ـوتقبلهم للعرب
4ـ تقبلهم للحجاب أو نقاب والله أنا أحاتي هذي النقطه أنا منقبه وماأدري شسوي
5ـ عن الأسعار
6ـ وأهم شئ الغه يعني الأنجليش موحيل شنو الطريقه نروح مع قروب أو نجيب مترجم يكون معنا في كل مكان
7ـ وأخيرا متي أحجز قبل سفر من تذاكر والفنادق وشنو تنصحوني فيه .

بنات أتمني التفاعل وتساعدوني

 

[خشف بدو]

هلا حبيبتي انا رايحه اوربا رحت فيينا وميونخ و زلامسي..
المهم فيينا خيال وزلامسي روعه بس بصراحه ميونخ ماعجبتني كلش يعني مافيها اماكن سياحيه واجد وموحلوة نفس فيينا وزلامسي..وعادي على النغاب انا منغبه وعادي كلش ماقطيته ولا احد قالي شي..
انا رحت مع قروب وبصراحه انصح فيه وبشده اولا راحه وامان ووناسه يعني تسولفين مع ناس وتكونين مطمنه وكفايه تقومين الصبح تلقين باص ينطرج ومرشد يودونج كل مكان انا اتكلم عن المكتب الي رحنا معاه مطتب الفضاء واذا تبين اي سؤال انا حاظره

 

[زعفران العتاب]

مشكوره يا قلبي ممكن رقم المكتب وبجم كلفتكم السفره

 

[خشف بدو]

حبيبتي الشخص 640 شامل التذكرة ةالاقامه والتنقلات من منظقه لي منطقه...كلفتنا السفره 2500
ماعندي رقمه تلقينهم بعمارة الدوليه مالت السفريات اسمهم الفضاء ترا معروفين

 

[زعفران العتاب]

مشكوره ياقلبي وما تقصرين

 

[بخـــارى]

رد : أرجو كل من سافرت لأوروبا تدخل

شوفي حبيبتي
بالنسبه للحجاب والنقاب الوضع عندهم حيل عادي واستغرب من الي يبالغون بهالشي ويقولون مايعاملونا زين
واللغه الانجليزيه تحتاجين الكلمات البسيطه
المناخ بالدول الاوروبيه متقارب ماعدا ايطاليا تعبر شوي ادفى منهم
انا رحت
هولندا
بلجيكا
المانيا(اغلب مناطقها)
الشيك
فينا
زلمسي
شلي حابه تستفسرين عليه انا حاضره

صج انصحج تروحين فيينا عالخطوط الوطنيه لانها دايركت ووقتها حلو ويعطونج 40كيلو لكل شخص
ومن فيينا تنطلقين على اوربا

 

[ريان4]

حبيتي اوربا عادي النقاب

واحسن دوله زلمسي

انصحج فيها

أنا رحت الشيك
ألمانيا

سويسرا

 

[ريان4]

أوربا نفس الشي

 

[ريان4]

جو أروربا كله نفس الشي

يا حلو جوهم عجيب

 

[زعفران العتاب]

مشكورين بنات وماقصرتوا

 

[كرز أخضر]

بما انها اول سفره لج انصحج تروحين النمسا.(العشق الذي لاينتهي)
...بس مو فيينا لانها حر وزحمه..الا اذا حجزكم ينزل فيها اقعدي يومين وفري باسواقها ..لاباس زوينه.وعقب .روحي القرى مثل كابرون..يووووو شي خيال,,اذا تحبين الطبيعه صدقيني بتمتعين عيونج بمناظر سبحان الخالق..وقريب منها شلالات كريمل والزحليقه الصيفيه وحديقة حيوان ..وتقدرين تروحين قمة كابرون بالتلفريك,,
بالنسبه للنقاب بتشوفين بعضهم يخزج باستغراب مرات بس مايضايقون بكلام او حركات.عادي طنشيهم...بس.انا افضل ماتلبسين اسود بأسود ...موفقه ان شاء الله

 

[زعفران العتاب]

مشكوره حبيبتي ماقصرتي

انا فكرت ألبس نفاب أبيض أو بيج مع ملفع بنفس الون أتوقع جذي يكون شوي مقبول موشاذ ولا شرايج

 

[Tender Heart]

رد : أرجو كل من سافرت لأوروبا تدخل

شوفي انا معظم دول اوربا رايحتلها لاتطوفين النمسا تحديدا زلمسي اوسويسرا واذا انتي الانجلش ممو ذاك الزود انصحج وبشده قروبات الرابيه ترى يمدحونها بس انا ماجربت ولا مره قروبات لان ادبر نفسي انا وريلي

 

[كرز أخضر]

رايي من رايج زعفران...جذي بيكون احسن من اللون الأسود...موفقه.. لاتنسينا بالتقرير والصور ان الله جعلنا من الحيين.

 

[زعفران العتاب]

إن شاء الله ومشكورين لكل من رد

 

[*احلام*الدجى*]

اذا تبين طبيييعه تسسسحر وهدوء وجو خياااال روحي زل ام سي برااد ومطر
والحلو فيها متروسه عرب خصوصا اماراتيين وكويتيين يعني عاااادي ما تستاحشين كلش
ومستوى المعيشه معروف باروبا اغلى من باقي الدول ... تقدرين تروحين من زل ام سي اماكن وايد بالقطار
و بالنسبه حق اللغه عادي المهم تعرفون الكلمات الاساسيه ... خلي في بالج زل ام سي قريه يعني ماكو مجمعات وتسوق واماكن مسكره كله حدايق ومحلات بالشارع وقهاوي على بحيره كبيره

هالحجي كله لما رحت لها بالصيف يعني الحين ثلللللج ومادري اذا فيها عرب .. اذا ناويه على سفرت صيف انصحج فيها رووعه

 

[+بسبوسة+]

شوفي اول شي انصحج اذا مرة اولا روحي قروب

تعارف ووناسة امن وامان...

لو يصير شي المكتب مسؤول عندكم..


وبالنسبة للنقاب عااااااااااااااااااااااااادي

بس بيج اوف وايت..جذي ألوان


وامري بلي تبينه من اسأله دزيلي عالخاص اخاف انساج وانا الحين لاهيه..

 

[زعفران العتاب]

اذا تبين طبيييعه تسسسحر وهدوء وجو خياااال روحي زل ام سي برااد ومطر
والحلو فيها متروسه عرب خصوصا اماراتيين وكويتيين يعني عاااادي ما تستاحشين كلش
ومستوى المعيشه معروف باروبا اغلى من باقي الدول ... تقدرين تروحين من زل ام سي اماكن وايد بالقطار
و بالنسبه حق اللغه عادي المهم تعرفون الكلمات الاساسيه ... خلي في بالج زل ام سي قريه يعني ماكو مجمعات وتسوق واماكن مسكره كله حدايق ومحلات بالشارع وقهاوي على بحيره كبيره

هالحجي كله لما رحت لها بالصيف يعني الحين ثلللللج ومادري اذا فيها عرب .. اذا ناويه على سفرت صيف انصحج فيها رووعه

مشكوره ياقلبي
وكل و أغلب البنات قالوا زلامسي وإن شاء الله إذغ مكتوبه راح أروح لها

 

[زعفران العتاب]

شوفي اول شي انصحج اذا مرة اولا روحي قروب

تعارف ووناسة امن وامان...

لو يصير شي المكتب مسؤول عندكم..


وبالنسبة للنقاب عااااااااااااااااااااااااادي

بس بيج اوف وايت..جذي ألوان


وامري بلي تبينه من اسأله دزيلي عالخاص اخاف انساج وانا الحين لاهيه..

مشكوره و ماتقصرين ....

 

[عضوة ذهبية]

رد : أرجو كل من سافرت لأوروبا تدخل

خواتي وينكم عن بولندا طبيعة وشعب راقي شحلاتها بالصيف جو عجيب وطيبعة روعة وخاصة المناطق المطلة على سلوفاكيا " جشن ، اوسترون ، بيسوا ، كاتوفيتسا " رحت انا وريلي وقلت بعد مارجعت خلاص كل صيف بولندا وانا مغمضة من كثر ماسحرتني طبيعتها وعجبني شعبها طيب ومومتطفل ورحنا منها بالقطار للمنسا وتحديدا فينا ومثل ماقلت اختي " كرز أخضر " حر وزحمة انا قعدت اقول هذي فينا اللي الناس خابينة عليها بس حق التسوق حلوة وتوصلين فينا في 4 ساعات وبالنسبة لبولندا لغتهم " بوليسكا " يعني بولندي بس تحصلين في الاماكن الرئيسة يعني المطاعم والفنادق ناس يتكلمون انجليزي وعملتهم " زلوتي " يعني 100 فلس كويتي واسعارهم قريبة من اساعارنا موغالين ومطاعمهم العامة محترمة طول سفرتي ماشفت سكاري ولا مناظر شاذة يعني حيل حيل تصلح لنا احنا اهل الخليج بس ماادري ليش الناس مايروحولها ،،، شوفي زوجي يقولي انحاشي عن اي مكان طاحو فيه العرب لانهم يخربون الديرة ويغلون اسعارها وحتى شعبها يصير مادي بس يبي يستفيد من وراج ،،، انشالله اكون فدتج