أرض فـــي احدى هالدول او .....

[عاشقة صلاله]

ارضين للبيع في صلاله للجادات فقط وحده في صحلنوت بجانب قصر علي ماجد والثانيه خلف مسرح المروج وكلهم بسعر 40,000الف ريال عماني

 

[نوااري الكويت]

حبيبتي انا واهلي شارين اراضي بعمان بمنطقه صحار وسعر الاراضي معقول حسي كبر القسيمه اكيد لكن شرط ماتبيعينها الا بعد اربع سنوات..هذا اللي احنا شارينهم..
و يختلف في اراضي سكنيه و استثماريه او صناعيه وانتي حسب رغبتج..
بس انصحج goooo صج شي يسوى وهم حق العمر يكون عندج شي اذا تحبين اعطيج رقم المكتب العقاري اللي
انتعامل معاه وثقه ..

ماعليج امر ياليت تعطين الرقم وكم خذيتو الاراضي

 

[قدساويه!!]

اي كنت شاريه بعمااان وحلوووه وبعد فتره بعتهاااا
انصحج بالامارات في كذا منطقه امدحوها لي

 

[موزة ام فارس]

بنات ديروا بالكم مو تصدقون كل شي تسلمون فلوسكم والله في ناس لا ذمه ولا ضمير اعرف وحده شرت شقه بمصر وودوها ووروها الشقه وسجلوا كل شي واخرتها قصوا عليها وماكو شي مسجل لها وهسالفه اكثر شي تصير في مصر مانصحكم البوق والجذب عندهم ع افى مين يشيل والاردن مانصحكم لايحبونا ولا يشتهونا كل يومين طاقين لهم احد من هلكويتيين ومكسريين سياييرهم استخيروا قبل كل شي وانصحكم بعمان ولا الخفجي دول خليجيه تكون

هذا الكلام اللي يبرد القلب وطالع بضمير

كلامج عدل والله وصاجه

 

[Marka Store]

لا تفكرين الا بعمان

خلي عنج الاردن وربعها

 

[LoloBlueStyle]

والله خوش موضوع
يليت اللي عندها معرفه باسعار اراضي الامارات وعمان والخفجي تقول لنا
رفع

 

[ملاك-77]

رفع

 

[مفرفشه عالاخر]

بليييييييييييييييز فيدوني بسالفه الاراضي

 

[suger_spice99]

بليييييييييييييييز فيدوني بسالفه الاراضي
up up

 

[كوييتيه_1980]

والله خوش موضوع
يليت اللي عندها معرفه باسعار اراضي الامارات وعمان والخفجي تقول لنا
رفع

تسلمووووووون حبايب قلبي على تفاعلكم


وياربت اتفيدونا وين بالامارات وعمان والخفجي

والاسعاااار حبايبي

( جاده جدا )

 

[miss Dior]

رد : أرض فـــي احدى هالدول او .....

وانا بعد بناااات افيدوونااا الللي جربت وشرت ارض تعطينا رقم المكتب

حطوه على العام عشان الكل يستفيد


وكم الاسعاار؟؟

 

[miss Dior]

رد : أرض فـــي احدى هالدول او .....

انا سمعت ان بالخفجي في اراضي رخيصه حييييل بحدود 3 الاف دينار ويمكن اقل بعد

صج هالخبريه والا لا ؟؟؟

 

[أوركيد]

اهلنا شروا بالطايف ...وااايد ارتفعت ماشاالله

همن الخفجي رخيصة ومضمونه..

عمان رخيصة..بس لي الحين ما اعرف احد باعها ..

اضمن شي ..أهلنا وحبايبنا الخليج فديتهم

اي وبعد الشقق بمصر مربحه وما تتعطل ..بس الله يطيحج بناس ثقة وما يبوقونج..

رفيجتي نصبوا عليها خذوا منها تقريبا 3000دينار ..وسحبوا الشقه من قبل لا تشوفها

 

[sweet.sweet]

وخري عن الاردن نصيحه بحكم خبرة زوجي العقاريه ترا الاردن كلش مو ثقه وكله جذب بجذب وزوجي له علاقات وايد بالاردن ما ينصحونه انه يستثمر عندهم لانه وضعهم احتمال يصير سيء مثل العراق ودينارهم بيطيح واذا طاح اطيح اراضيهم وخصوصا الاعلانات اذا لاحظتوا اراضي بالمفرق علي 300 و800 دينار هذي قصتهم قصه يقولج المفرق ارض كبيره الاردني اللي يملك فيها ما يعرف ارضه وين ويبي يبيع علي الناس ولا تقدرين تسورينها لانها ارض فضاء كبيره ضايعه فاحسن لج عمان والامارات اضمن لج

 

[whispers]

رد : أرض فـــي احدى هالدول او .....

سلام حبيبتي انا صراحه من اهل الخفجي وفي اراضي كثيره بس مشكلة الارض
الي ابي اقولك عليها هي اكثر من وحده تقريبا اربعه مسيومه بحدود المليون وسبع مائة ريال سعودي لانها مره كبيره وكثير اكويتين يبونها
بس مشكلة صاحبها يبي فيها مليونين وخمس مائة الف ريال اذا تبين اقدر افيدك اكثر

 

[الباسمه]

يمدحون اراضي الخفجي والحفر والرياض
ودقي على مكاتب العقار تحصلين اسمائهم في الوسيط
او حتى النت كتبي عقار السعوديه ويطلعون لج ارقام السماسره
موفقه

 

[حلوى كويتيه]

بنات في مكتب عقاري يبيع اراضي بلندن مساحتها 500 بسعر خمس الاف