أزواجكم وعلاقتهم ببنات خالاتهم وعماتهم

[Kocheko]

السلام عليكووووووووووو جميعا
أزيكووووووووو يا حلوووين

هاليومين صايره فوزيه دريع على غفله حضرتى :ggdw: المهم بدخل لكم فى موضوع يبط الجبد نوعا ما بس قلت خلنا ناخذ افكار ونحس باحاسيسكم :eh_s(9):

المهم اليوم وانا اسولف مع وحده من صديقاتى المصونات عبر الهاتف ... واحنا نسولف فى امور الحياه .. مره وحده الاخت نطت على زوجها وتتشكى

المهم كانت تقووول ان بنات خلات زوجى بايخات ... قلت لها خير ليش تقولين جذى هذول اهله
قالت اى اهله بس بحدود الاحترام
قلت لها شلون فديتج
قالت لى من تشوف زوجى تقعد تشمخه وتتعافر وياه وتعضه وغشمره وضحك ماله داعى
قلت لها انزين
تقول وانا اغااار وصار لى مده ساكته
واليوم كلمت زوجى قالى هاى بنت خالتى وحسبه اختى ومتربين مع بعض ... :eh_s(14): ومن عمر واحد
قلت له بس عيب انتوا كبار وانا اغار ولى احترامى وهى ما تحترمنى ولا تتدلع عليه حتى على الفيس بوك .... تقول ودى اكفخها
وتقول من كلمت زوجى عصب وقال لا تدخلين بينى وبين اهلى ما باقى الا مره تمشينى والحين معصب وما يكلمنى .... ويقول لها اهلى اهم منج ... وماباقى الا انتى تفرقينى عن اهلى

الصراحه انا احتريت حدى لو مكانها شدختها بالطوفه وكسرت راسها ونزلت فيها عض مو تحب تعض هى انا بعضها بطريقتى نيائائائا
وانتن ماذا تفعلن ؟ :eh_s(9)::eh_s(9)::eh_s(9):

 

[خـورآفيــه]

مسخره تعضه بعد !! معقوله !!


عندي كلمتين صدقيني لو يحبهآ قآلها حآآآضر ولا تزعلين وبيقدر إحسآسهآ لأنه يحبهآ !!


الله يعينهآ صرآحه مجتمع زوجهآ مقرف

 

[غارقة بأحزانها]

شهالمسخرة عيب وحرام بعد
مايصير هذولة محرمين على بعض
ومافي شي اسمه حسبة اختي
عيل أهي خل تتغشمر مع ولد عمها وتقول حسبة اخوي
لا حبيبتي هذا محد يرضى فيه لا الشرع ولا العادات والتقاليد >> اشتطيت بس من الحرة
الله يعينها

 

[عاشقه رويشد]

واي اكره اللي جذي اعرف وحده تخيلو بنات بيوم ملجته دقت بنت خالته تسولف وياه وتغشمر ومصخره وضحك ولا جنه اللي يمه مره جنها حماره وفوق كل هذا لما زارت اهله يمدحون ريلها انه حلو وجذي واهوا الوضع طبيعي عنده ما تحملت تمت جم يوم وانفصلت عنه بس رفيجتج امبيه صج الله يعينها اتعافر معاه حده مصخره وليش يزعل عشان تغار والله شي يحرر خل تقوله انه صج تغااار عليه وماتحب تشوف جذي او كلمي بنت خالته او بنت عمه شنو يهال

 

[عشيقة وام زوجها]

شهالمسخرة عيب وحرام بعد
مايصير هذولة محرمين على بعض
ومافي شي اسمه حسبة اختي
عيل أهي خل تتغشمر مع ولد عمها وتقول حسبة اخوي
لا حبيبتي هذا محد يرضى فيه لا الشرع ولا العادات والتقاليد >> اشتطيت بس من الحرة
الله يعينها

معاكي مية بالمية
خل هي تتخشمر مثلة بعد وتشوف شنو بيسوي:eh_s(10):

 

[احبك ياحبي]

انا زوجي كان قبل الزواج جذي مو بنات عمه لا بنات العايله كلهم ميانه وضحك ومصخره ويوم تزوجته ماقام يسوي جذي انا قلتله ترا ماارضئ كلش بهسوالف وشوي شوي التزم ولوتشوفينهم شيقولون عني اهي غيرته وفرت راسه واهي غيور وجذي شهلمصخره ولا متزوجات بعد قطيعه

 

[دمرت كياني]

وااااااااااااااي
لو انا فناقرر وبوكسات لا تقوووولوووووون أنثى مادري شنو ماعندي تفاهم أييب أخواني يعرفون شلون تعض بعد
ليش اهي ماعندهـا كلمه على ريلها :/


أقووول الحبيب يتغشمر معاها جذي ...؟؟؟؟

 

[MissChoco]

لا صج صج مصخره!!! اصلا حرام مايجوز مايحل لها ،،
ختقوله هالشي حرام انتا ماتحل لها


احنا صج نقعد ونسلم على عيال عمامنه وخالاتنه بس بحدود الادب والاحترام*

 

[مناير البيت]

أدب سيس على قولة اهل تركيا :d
حرام ومايجوز
الله يهديهم بس ​

 

[بحرينيه كوول21]

انه زوجي كان يحب بنت خاله وعلاقتهم ماتعدت المسنجر لمده شهور بسسس ومو دايم يشبك
عاد هالحجي من زماان على ايام اهوه باول ثنوي وبعدين صار مايدري عنها واهيه انخبطت وراحت في سبيلها
دشيت عليهم طبعا انه ماخذته عن حب صارت كلله اتطالعني وتسوي لي حركات الحمدلله والشكر
وعقبها اكتشفت ان بنت عمه تحبه بعد بس اهوه ماكان معبره>>>اشعنده روميو العيله ههههه
بس اهو من خذاني يعرفني ان اغار عليه لان اعرف نياتهم اللهم ياكافي صار سلام عليكم السلام

 

[&هند&]

الحمدلله ماعندنا هالمصخره لان حرام قبل لايصير عيب ،،،

 

[ام سليمان 2008]

قله ادب شنو وين قاعدين بنات خالته واهله ومتربين مع بعض بس حدود الاحترام شهالمصاخة <<<<< انفعلت ههههه

الحمدلله ريلي وبنات خالته بينهم احترام سلام وعليكم السلام وبس وحتى هو مايقعد وياهم فديت قليبه

 

[فتون777]

الحمدلله زوجي ماعنده خوات والاعمات خاله وحده وماتت الله يرحمها وماعندها بنات وبنات عمه ثنتين متزوجين اخوانه الحمدلله انا عصبيه موت والله لوصار مثل موقف زميلتك كان انعض اهوا مو البنت والله لأطلع الدم

 

[فتون777]

الحمدلله زوجي ماعنده خوات والاعمات خاله وحده وماتت الله يرحمها وماعندها بنات وبنات عمه ثنتين متزوجين اخوانه الحمدلله انا عصبيه موت والله لوصار مثل موقف زميلتك كان انعض اهوا مو البنت والله لأطلع الدم وقريبته الله يخلي كيد النساء اخليها تشوفنا بمكان تروح مكان ثاني

 

[PuPa^^SWeeT]

سوري بس قوية

شنو اتعضه و اتشمخه ؟؟؟؟؟؟؟؟؟؟؟؟؟؟؟؟؟؟

جم اعمارهم


مادري ماتصدق السالفة قوية

اتييب المرض


ماني عارفة شقووولج

<<< اخترعت ( اكو ناس جذي عاد )

 

[الشيخة@]

مولهدرج احنا صج تقعد مع عيال خوالناوعمامنا
بس ماتوصل للمصخره هذي
وشنو اهي ابد من مرة يعني المره مالها مكانه خاصه عند الزوج

 

[Tom ♥ Jerry]

,


الصراحه عيب تعضه و تشمخه و تلمسه
اصلا حرآم بمجرد آنهآ تمسكه

علاقه ريلي بـ بنات العايله " مجرد سلام سلام وبس "
بس انا غير هههه احنا نظآمنآ فري شوي
الكل يتغشمر و يظحك و نسولف بس مآ نجيس بعض يعني !
:/

 

[white**angel]

حداااا عيييب وين قاعدين تعضه
احنا واااايد مع بيت خالي لدرجه انه نتغشمر وكل واحد يضغط الثاني بس ماتوصل لي قلة الادب كل شي باحترام
انا اقول خل تقعد معاا وتفهمه انها تغار علي بهدوووء وانه هالشي حرام قبل لا يصير عيب

 

[pusy cat]

ماااايجووووووووووووووووز

بنت الخال وبنت العم ووو الخ مو من المحارم

شهالناس اللي يألفون لهم دين بروحهم اسمحيلي بس ترى هالنوعيه ينقال عنهم هيلق لا دين ولا مذهب

خل تقوله عادي اتغشمر مع ولد خالتي ونعضض بعض ونشمخ بعض ؟؟

ترى هم ولد خالتي حسبة اخوي !!

استغفرالله العظيم

 

[Kocheko]

هههههه شفتوا شلووون فى ناس تفكيرها غرييييب مسكينه شدعوه مو متنرفزه هى
ما تعرفون ريايلنا يحللون كل شىء لهم لو هى تسوى هالحركه من زمان طلقها