أسألتكم واستفساراتكم - حياكم الله

[الصابرة المحتسبة]

العفو ماسويت شي

 

[emeiy]

السلام عليكم بغيت استفسر عندي بنت اختي معاقه ظمور بالمخ ترضع بزر بلبطن وتحرك وتقلب بس ماتحبي او تمشي وحاليا اسنانها متسوسه وين نوديها اي دكتور حتي لو خاص مومشكله وصج معاشها٢٧٠بسواختي جايبه لها سستر على حسابها هل لها شي نراجع لها لان اختي موعارفه شي

 

[الصابرة المحتسبة]

وعليكم السلام

هلا أختي بخصوص علاج الأسنان ترى في حكومي ممتازمثل اللي ببنيدالقار والعدان وتقدرون تعالجون خاص
والحقوق اللي لها:معاش للخادم او السايق تقدم طلب

وراتب للأم اذا كانت غير موظفة

واذا كان المعاق ٤سنوات ومافوق ويستخدم البامبرز يستحق صرف كوبونات مجانا
لوحة للسيارة للوقوف بموقف المعاقين
الدراسة مجانا بالمدارس الخاصة والحضانة
الأجهزة التعويضية

 

[emeiy]

شنو احسن عياده خاصه هي بصباح الناصر وين تروح حكومه

 

[روضة الطيب]

السلام عليكم

بغيت اسال ولدي عنده توحد والهيئه شنو تصنف اعاقة التوحد هل متوسطه ولا بسيطه وهل هي اعاقه دائمه

ولدي عمره سنتين ونص وخصوصا ان ولدي مايتواصل مع احد ومايخاف من شي يعني اذا كان يمشي وباب السكه مفتوح يطلع وماينتبه للسيارات نهائيا كانه مايشوف ولا يسمع مع ان سمعه ممتاز

وهل يصرفون له راتب للخدامه ولا لا خصوصا انا موظفه وابي خدامه خاصه له

 

[الصابرة المحتسبة]

شنو احسن عياده خاصه هي بصباح الناصر وين تروح حكومه

هلا أختي مافهمت سؤالج!

 

[روضة الطيب]

ليش محد رد علي

 

[الصابرة المحتسبة]

وعليكم السلام

هلا أختي تاخذين التقارير الطبية الحديثة وتراجعين الهيئة وتفتحين ملف لاستخراج شهادة اعاقة واللجنة تقرر درجة الإعاقة

وعلى حسب النتيجة يستحق المعاق خادمة او سايق

الدراسة مجانا بالمدارس الخاصة
تخفيف ساعتين من العمل لأحد الوالدين

 

[تراب الجنه]

السلام عليكم ورحمة الله وبركاته
اختي الصابرة المحتسبه انا من السعوديه واحب اعرف افضل المراكز عندكم تكون تعليم وسكن داخلي فيها
لاني حابه اسجل ولدي وبنتي عندهم تخلف ومدحوا لي التعليم في الكويت لحالاتهم
​

 

[الصابرة المحتسبة]

وعليكم السلام

أسأل وأرد عليج

 

[تراب الجنه]

تسلمي اختي الصابرة المحتسبه ابي المنطقة والمكان وكل شي ​

 

[تراب الجنه]

اختي الصابره المحتسبه ماعطيتيني خبر فيه او مافيه
​

 

[معلمة علوم]

اهلين اختي الصابره المحتسبو ربي يجعله بميزان جسناتج
اليوم تفاجاءت ب القرار حق التامينات تقاعد المكلف بالرعاية حاطين شرط جديد ما كان موجود و اهو كتاب من وزارة الداخلية ان المعاق يعامل معاملة الكويتي و انا كويتية مقدمة علي تقاعد بس ينتي مو كويتية سعودية الجنسية و كان في شرط بس ملغينة اللي اهو احضار جنسية الام الكويتية اذا كان الطفل غير كويتي اليوم ارفضوا طلبي اني اتقاعد قالوا الغي تقاعدج لان في شرط ناقص بسال ممكن اروح لوزارة الداخلية وهل في مجال يعطوني الكتاب علما باني عندي حكم من المحكمة بالحضانة

 

[دانة الدنيا@]

السلام عليكم ورحمة الله وبركاته
يعطيج العافيه اختي الصابره على مجهودج......حبيت اسال بدل الخادمه او السايق بينزل باثر رجعي او لا لاني شفتهم بالهيئه معلقين اوراق كاتبين فيها انه مو بائثر رجعي واذا بقدم عليها لازم اجيب صورة اقامه للاثنين ولا واحد كفايه....

 

[الصابرة المحتسبة]

السلام عليكم ورحمة الله وبركاته
اختي الصابرة المحتسبه انا من السعوديه واحب اعرف افضل المراكز عندكم تكون تعليم وسكن داخلي فيها
لاني حابه اسجل ولدي وبنتي عندهم تخلف ومدحوا لي التعليم في الكويت لحالاتهم
​

دورت ولقيت الجمعية الكويتية للمعاقين في حولي بس الأفضل إنج تتصلين عليهم والخدين منهم المعلومات اللي تهمج.




الجمعية الكويتية لرعاية المعاقين

الدولة: الكويت المحافظة: حولي رقم الهاتف: 22631277 - 22631407 - 22631510 - 22632343 الفاكس: 22642630

 

[الصابرة المحتسبة]

اهلين اختي الصابره المحتسبو ربي يجعله بميزان جسناتج
اليوم تفاجاءت ب القرار حق التامينات تقاعد المكلف بالرعاية حاطين شرط جديد ما كان موجود و اهو كتاب من وزارة الداخلية ان المعاق يعامل معاملة الكويتي و انا كويتية مقدمة علي تقاعد بس ينتي مو كويتية سعودية الجنسية و كان في شرط بس ملغينة اللي اهو احضار جنسية الام الكويتية اذا كان الطفل غير كويتي اليوم ارفضوا طلبي اني اتقاعد قالوا الغي تقاعدج لان في شرط ناقص بسال ممكن اروح لوزارة الداخلية وهل في مجال يعطوني الكتاب علما باني عندي حكم من المحكمة بالحضانة

هلا أختي مادام الأم كويتية فالمعاق يتعامل معاملة الكويتي ونفس الشي بالنسبة للقرارات

راجعي وزارة الداخلية واخذي كتاب منهم وإن شاءالله ربي يسهل أمورج.

بشريني

 

[الصابرة المحتسبة]

السلام عليكم ورحمة الله وبركاته
يعطيج العافيه اختي الصابره على مجهودج......حبيت اسال بدل الخادمه او السايق بينزل باثر رجعي او لا لاني شفتهم بالهيئه معلقين اوراق كاتبين فيها انه مو بائثر رجعي واذا بقدم عليها لازم اجيب صورة اقامه للاثنين ولا واحد كفايه....

وعليكم السلام
هلا وغلا

ينزل راتب واحد وليس بأثر رجعي

والتقديم لخادم واحد

 

[تراب الجنه]

السلام عليكم
شكر كل الشكر لك اختي الصابرة المحتسبه
ماقصرتي والله في ميزان حسناتش
يارب يطول بعمرش ويخليش كل الشكر والتقدير والاحترام لش​

 

[loook]

ماهو تاريخ نزول بدل السائق كل شهر فى البنك ؟

وهل يعتبر منمن تعالجو من السرطان معاقين ؟

 

[الصابرة المحتسبة]

وعليكم السلام أختي تراب الجنة وجزاج الله خير على الدعوة ولج مثلها يارب