السلام عليكم ورحمة الله وبركاته
حبيباتي بغيتكم تفيدوني بموضوعي جزاكم الله خيراً
زوجي مسوي عملية تنزيل الخصية وهو عمره 8 سنوات ونزل الخصية الثانية وعمره 10 سنوات وراجعنا دكتور حازم الرميح ومن البداية قالنا إن الأمل ضعيف لأن نسبة الحيوانات المنوية ( صفر ) ولكن كان أملي بالله كبير
وعطا زوجي حبوب ومن بعد الحبوب عطاه أبر ولكن بدون أي فايده فحولنا لدكتور مسالك بوليه لتحديد موعد لسونار الخصية وتحديد موعد لعملية فتح الخصية ، ورحنا للدكتور الله يسامحه وحبط زوجي بشكل كبير وقاله إن انت مامنك أمل وحتى العملية ماله داعي تسويها ولكن إحنا أصرينا نبي نسويها عسى الله يكرمنا ونلقى لو حيوان منوي واحد ، بس إحنا ألحين مانبي هالدكتور .. والحمدلله عندي يقين بأن الله له حكمه في كل شي .. وعسى أن تكرهوا شيئاً وهو خير لكم
بس زوجي يبي يغير الدكتور لأن كلامه كلش ما كان مريح
وأبي همتكم معاي اللي تعرف دكتور زين للمسالك البولية وبأي مستشفى
وإذا فيه أحد من البنات زوجها مر بنفس مشكلة زوجي ياليت تفيدني
وعسى الله يرزق كل محرومه بالذرية الصالحة ويرزقني معاها :yaaaaaarb:
