*أم*خالد*
New member
- إنضم
- 20 أبريل 2008
- المشاركات
- 3,408
- مستوى التفاعل
- 0
- النقاط
- 0
السلام عليكم
شلونكم خواتي
الموضوع هذا اثرائي مو نقاشي
تبارك الرحمن وايد نسمع كل يوم كبلز يديد يتزوجون ومرات باليوم عرسين او ثلاث
وبعدين البنت تكتشف انه مو هذا فارس أحلامها
كانت عندها فترة الخطبه والشوفه مره ومرتين بس ما استغلتها
نبي هالموضوع يا خواتي العزيزات يكون مرجع لنا كلنا .. نحط فيه الأسئلة اللي نشوف انه البنت لازم تسألها الخاطب او المتقدم لها ..
طبعا امور الصلاة والالتزام الديني هذي اشياء أساسية وحتى لو الريال مايسويها ماراح يقول انا ما اصلي
ممكن تسئله انت وين تصلي .. عشان تتأكد واهلها يروحون المسيد اللي يروح له ويسئلون عنه عشان يتأكدون جان صاج ولا احم احم
انا بكتب الأسئلة بس ممكن تنطرح بأسلوب ثاني حسب الحوار
1) شنو رايك بالعبايه ؟
2) شنو الأشياء اللي تتمنى تشوفها في زوجتك المستقبلية ؟
3) عقب 10 سنين جدام .. شلون تتخيل حياتك راح تكون ؟
4) في الأمور المادية والاقتصادية .. شنو واجبي وشنو واجبك ؟
5) الوظيفة والسيارة والطلعات الترفيهيه مع الأهل او بعض الصديقات المقربات ؟
6) جم طفل تتمنى يكون عندك ؟ وأي مدرسة راح تدخلهم ؟
7) شنو أفضل طريقة لمواجهة المشاكل لو لا سمح الله حدث سوء تفاهم ؟
8) هل تؤمن بالتغيير ؟ انه الانسان ممكن يتغير وطباعه تتبدل ؟
9) اذكر بس عيب واحد في شخصيتك تتمنى تغيره ؟
اممممم بعد بعد يا أم خويلد بعد ؟
10) اغراضك الشخصية اللي تكون من الجمعيه منو يشتريها لك ؟
11) شنو اهيه هوايتك المفضلة واللي تتوقع راح تعيش معاك عمر طويل ؟
12) هل تحب الأعمال الحرفيه ؟ => هالسؤال ضروري مثلا اخترب شي بالبيت ممكن مرات الريال يصلحه بنفسه اذا اهو يحب يشتغل بايده مثل بايب مكسور او راس بلاك خربان إلخ
امممم يفضل انه الامتحان يكون شفهي مو تحريري
برأيكم شنو الأسئلة المهمه اللي البنت تسأل المتقدم لها ؟
شلونكم خواتي
الموضوع هذا اثرائي مو نقاشي
تبارك الرحمن وايد نسمع كل يوم كبلز يديد يتزوجون ومرات باليوم عرسين او ثلاث
وبعدين البنت تكتشف انه مو هذا فارس أحلامها
كانت عندها فترة الخطبه والشوفه مره ومرتين بس ما استغلتها
نبي هالموضوع يا خواتي العزيزات يكون مرجع لنا كلنا .. نحط فيه الأسئلة اللي نشوف انه البنت لازم تسألها الخاطب او المتقدم لها ..
طبعا امور الصلاة والالتزام الديني هذي اشياء أساسية وحتى لو الريال مايسويها ماراح يقول انا ما اصلي
ممكن تسئله انت وين تصلي .. عشان تتأكد واهلها يروحون المسيد اللي يروح له ويسئلون عنه عشان يتأكدون جان صاج ولا احم احم
انا بكتب الأسئلة بس ممكن تنطرح بأسلوب ثاني حسب الحوار
1) شنو رايك بالعبايه ؟
2) شنو الأشياء اللي تتمنى تشوفها في زوجتك المستقبلية ؟
3) عقب 10 سنين جدام .. شلون تتخيل حياتك راح تكون ؟
4) في الأمور المادية والاقتصادية .. شنو واجبي وشنو واجبك ؟
5) الوظيفة والسيارة والطلعات الترفيهيه مع الأهل او بعض الصديقات المقربات ؟
6) جم طفل تتمنى يكون عندك ؟ وأي مدرسة راح تدخلهم ؟
7) شنو أفضل طريقة لمواجهة المشاكل لو لا سمح الله حدث سوء تفاهم ؟
8) هل تؤمن بالتغيير ؟ انه الانسان ممكن يتغير وطباعه تتبدل ؟
9) اذكر بس عيب واحد في شخصيتك تتمنى تغيره ؟
اممممم بعد بعد يا أم خويلد بعد ؟
10) اغراضك الشخصية اللي تكون من الجمعيه منو يشتريها لك ؟
11) شنو اهيه هوايتك المفضلة واللي تتوقع راح تعيش معاك عمر طويل ؟
12) هل تحب الأعمال الحرفيه ؟ => هالسؤال ضروري مثلا اخترب شي بالبيت ممكن مرات الريال يصلحه بنفسه اذا اهو يحب يشتغل بايده مثل بايب مكسور او راس بلاك خربان إلخ
امممم يفضل انه الامتحان يكون شفهي مو تحريري
برأيكم شنو الأسئلة المهمه اللي البنت تسأل المتقدم لها ؟
