مرحباااا حبايب قلبي ,, عسى ربي يهدّي الأوضاع عندكم و يهدي بعض الفئات آللي تسعى إلى زعزعة الإستقرار و الهدوء ^_^
بصراحة ,, وجهة نظري كانت ما تختلف عن وجهة نظركن .. أنا ودي أتنرفز من آللي صار و ودي أهاوش و أعصّب و أقول كلام كثير
و أجرح غيري ( طبعًا بما إني بشر و أنظر للموقف بنظرة قاصرة ) .. بس سكت ,, !!
سكت لما تذكرت إن الرسول صلى الله عليه و سلم ( آخى بين المهاجرين و الأنصار )
و خلّى المهاجرين يشاركون الأنصار في بيوتهم و ورثهم و حتى زوجاتهم ! كيف يعني زوجاتهم ؟
يعني إذا كان الأنصاري متزوج ثنتيــن ,, و المهاجر ( أعزب ) ,, فإنّ الأنصاري يطلّق وحدة من حريمه ( عشان يزوّجها للمهاجر )
هذا المبدأ آللي أراد تحقيقه الرسول صلى الله عليه و سلم ..
عشان كذا قلت أسكت أحسن لي .. لا يصير كلامي حجة علي في يوم الحساب ..
خلني أحتفظ بوجهة نظري لنفسي لأنها مبنية على العاطفة ( و القومية ) و الشرع فوق الكل ,
أقسم بالله العظيم ,, لو كان هذا الوضع صاير في السعودية .. كنت أبقول هذا نفس الكلام هذا آللي قلته هالحين ,,
الله يهديني يا رب و الكل و الجميع و يعيننا على التأسي بالرسول صلى الله عليه و سلم ^_^
احترامي و تقديري
ترانيم القصيم
