أستثقلته

[Kocheko]

صباح الخير وكل عام وأنتم بخيير ..

بنات موضوعي أو سؤالي هو تقدم لي واحد أكبر مني ب 17 سنة لم يسبق له الزواج .. طبعا أول ما شفته بالمقابلة مادش قلبي كللللش حسيت بثقل حسيت روحي أبي المقابلة تخلص ويرد بيتهم .. أنا قلت ما بستعيل وبستخير أكثر من مرة .. بس كل مرة أستخير أتضايق منه أكثر لدرجة لما أمي تكلمني ها شلون ؟ شقلتي أعصب ..

مادري هالشي طبيعي .. ولا أنا أبالغ ؟

واللى تزوجت هل حست بهالأشياء قبل الزواج أو لاء ؟ :eh_s(4):​

 

[جنون هاجري]

الله يرزقك ويوفقك

 

[وَدَقْ]

حبيبتي الاستخارة بعدها الراحة او الضيق مو دليل على اي شي
واحيانا الشيطان يوسوس لك ويضايقك عشان يشتت افكارك
لان اكثر مايكره ابليس ارتباط اثنان بالزواج
الاستخارة حبيبتي يعني خلاص انتي استخرتي القادر على كل شي
وعلام الغيب
وكلي امرج له واللي يصير سواء تزوجتيه او لا هو بيكون باذن الله الخيره

اذا مافيه سبب شرعي قوي
وافقي وتوكلي على الله
بس اسئلوا عنه عدل
بكل مكان بمنطقته
وجيرانه ومكان عمله
حتى امام مسجد منطقتهم اسئلوه
وعسى ربي يوفقك وييسر امرك

 

[ياهم لدي رب]

اللي قبلي كلامها صحيح
وهذا اللي بقوله ان صلاة الاستخاره هو تختارين شيء اما القبول او الرفض ونفذي هذا الشيء اذا ماكان خيره لج الله سبحانه بعدل الامور
مثلاً قبلتيه والله يدري انه مو خيره لج راح باذن الله يتفرقش الموضوع يا اهله يا اهلج يا منه اهو اتمنى فهمتيني


عموما غالبا البنت في هذي الفتره تصير متوتره واعصابها تالفه انا كنت جذي

 

[M!ss CoLoRz]

جوابج في احساسج

 

[أم حسوون]

مع ودق كلامها عين العقل.

 

[Combat]

اتقولكم اكبر منها ب١٧سنه
حبيبتي فرق العمر بينكم كبير

 

[Sosota_20]

17 سنه وااايد

اذا انتي توج شباب ومافي سبب يجبرج تتزوجينه وخصوصا تقولين مارتحتيله ومافي بينكم علاقة حب خلاص مو لازم يتم هالزواج
يعني لو 10 سنين نمشيها بس مادري احس الفرق وايد
وجهة نظري وانتي براحتج الي يناسبج سويه

 

[Kocheko]

أحبكم كلكم بنات .. وشكرا على ردودكم ونصايحكم
بصراحة بعد أستخارتي وتفكيري .. وقعدتي مع الشخص مرة ثانية كللش ما أقتنعت فية حسيتة مراهق في نهاية الأربعين .. وجرئ جدا معاى وهالشي اللى ما حببني فية من البداية ..
ورغم عن حالته المادية الممتازة الا ـن ما تزوج للحين وهو عمره 49 ... حسيته يبيى وحده اتييب له يهال وبس .. فأنا ما وافقت :eh_s(9)::ggdw:
والخيرة فيما أختاره الله :eh_s(15):
​

 

[صاحبة الكلمة]

دامج استخرتي و قلبج للحين كارهه الجواب باين