أستفتاء أحسن دكاتره عيون يسون الليزك او الليز ؟

[مع حبي]

اللي أعرفه إن الدكتور مبارك العجمي ماشاءالله ممتاز

 

[منوره99]

بس تبين الرقم تامرين امر وهذا الرقم 1826826طبعا دقي رقم صفر تطلعج البداله وهم يحولونج علي سكرتارية الدكتور

 

[منوره99]

حبايبي انا بعد ماسويت العمليه بعدها بشهر والله لبست العدسات الملونه طبعا في فرق قبل البس العدسات الملونه الطبيه اللي تناسب نظري ولما انزلها من عيني ماشوف خير شر لكن الحين بعد العمليه والله يابنات دنيا ثانيه بلا نظاره ولاعدسات طبيه قبل النظاره وانا نايمه اكون لابستها طبعا وانا طالع التلفزيون انام وانساها ياما تكسرت نظارات وضاعت عدسات لكن الحين البس العدسات للمناسبات الزوارات وذا لبستهم احس انه في شي غريب بعد ماكنت استغني عنهم الله يابنات اقولها مره ثانيه بتحسين انج بدنيا ثانيه بس انج تروحون حق دكتور شاطر وبالتوفيق للي تبي تسويها عند اي دكتور

 

[شندوخه]

د سلطان المطيري

 

[مرق تفاح]

انا بعد ودي اسويها,,, يبيله والله:ada:

يمدحون اللربيعه ,,بس زحمهه على قولة البنات
وهم عبدالمطلب بهبهاني يمدحونه

بنات اللي سوت عند عبد المطلب بهبهاني ختقول لنا بجم؟؟؟؟؟؟؟؟؟؟؟؟




وعندي سؤال صج يقولون مع الوقت يرجع النظر يخف؟؟؟؟؟

وصج يقولون اللي فيه انحراف ما يصير يسوي؟؟؟ لاني فيني انحراف بسييط:0bee2e8d89:

 

[كيكة بالعسل]

مشكووووووورين بنات على تفاعلكم ونبي اللي سوت هم تعطيني رايها وتقولنا عن كل شي عشان نستفيد وشكرااا

 

[كيكة بالعسل]

منوره99 هالرقم رقم عياده منو بالظبط ؟

 

[منوره99]

مركز الربيعه الطبي اللي هو ملك الدكتور سامي الربيعه

 

[كيكة بالعسل]

مشكوووووووووووره وااااااااايد منووره
يلاااا بنااااااات وووييينكم قولولنا اللي سوت ليزك ولا ليزر شصار معاها وعند اي دكتورر عفييه

 

[كيكة بالعسل]

بناااااااااات وينكم شاركوناالااا

 

[وطنية2004]

نا سويتها عند سلطان امطيري بخيطان ممتاز

 

[كيكة بالعسل]

اممممممممممم وطنيه بجم سويتيها وشلون العمليه يعني شنو صار بالعمليه

 

[♥ąϻᴑŁ♥]

ريلي سواها قبل 3 سنين عند دكتور يوسف الظفيري بدار الشفا والله وايد مستاااااااااااانس منها ومرتااااح ..


وما طووول تقريبا 10 او 15 دقيقه ..

 

[♥ąϻᴑŁ♥]

اي وسواها ب 400 وشوي بس ماذكر جم كانت الكسور ههه ..

واول مراجعه بعد العملية ابلاش ..

 

[كيكة بالعسل]

هههههههههه دوم الوناسه حقج وحق ريلج انشاله ومشكوره حبيبتي على المشارركه وننطر باجي البنات
يقولون لنا ويفيدونا

 

[فراولة زوجها]

ان شاءالله بسويها عنده بس ابي ارقامه لوسمحتو

 

[غربــــة اِحساس]

كيكة انا سويتها عند الدكتور سلطان المطيري قبل سنة

العيادة في خيطان وكلفتني 400 دينار شاملة العملية والادويه ومراجعه شهر مجانا

انصحج فيه ماشاء الله شاطر ومحترم

ورقم العيادة 24741515

واهم شئ تحافظين على عيونج من بعدها تلتزمين بالقطرات وتبتعدين عن الاضاءه القوية

موفقة : )

 

[كيكة بالعسل]

مشكووره حياتي غربه
والله محتاره بين دكتور سامي الربيعه وبين سلطان المطيري
بس انشالله خيرر
بس غربه بعرف شنو سويتي اول مايتييله يعني قوليلي كل شي سويتيه من اول مره رحتيله
عشان نعرف

 

[غربــــة اِحساس]

الله يسلمج دقيت على العياده وخذيت موعد

بعدين قابلت الدكتور وفحص عيوني واذكر حطولي قطرات وقاسوا النظر وقالي حالتج تسمح بالليزك

بعدها فتحت الملف ودفعت عربون العملية

طبعا قبلها لازم تكونين على الاقل مولابسة عدسات لمدة اسبوعين

صدقيني سهالات انتى روحي ولاتحاتين وطبعا يوم العملية لازم معاج احد

واذا انتى موظفة العياده يعطونج طبيه مدتها 14 يوم

 

[مطيريه ماركه]

ما ازكي عليه

ســلـــطــان المطــيـري

خواتي وابوي والعايلة كلها عنده وان شاء الله انا بروح له

وعيادته بخيطان مثل ما قالوا البنات