أسراري وأسرارك في الطبخ....هيا نفيد ونستفيد.. لاحرمك الله الاجر

[غلا عيوني بنتي]

يعطييييج العافيه يا صااحبة الموضووع المثمر والثري بنفس الوقت

 

[لاتهجري القرآن]

لااله الا الله

 

[&دلوعة القمر&]

يعطيكم العافية بنات

 

[السما الزرقا]

ماشاء الله موضوووووووووع روووووعه انشالله في ميزان حسنااااتكم
بستفيد من خبراااتكم >>>انا عليييييميه
ومشكوووورين

 

[*beathana*]

يعطيج العافيه موضوع مفيد صراحه

اممممممممم اللي اعرفه وتعلمته من تجاربي

الدجاج نترسه طحين ونخليه شوي تالي نغسله عشان زفرته

الستيك لي طبخنا نخلي النار صغييييييييييييييييييييييرة ونغطيه عشان تطلع طرية حدها نفس الشي صدور الدجاج

البيض نضيف شوية حليب عشان يخفف من زفرته

الربيان مانطبخه مع الحمسة على طول استغرب من اللي يسوون جذي

لازم نفوحه اول مع ثوم وبصل وبهارات عدله تالي نشخله عشان ماية وزفرته تروح

 

[جوويره]

اذا تبين الثوم بسرعه يتقشر نقعيه في ماي وقشريه تلقيينه بسرعه يتقشر

 

[العجوزوعيالها]

جزاكم الله خير
مششششششششششششششكورين

 

[لاتهجري القرآن]

رفع

 

[اوووفر]

تسلمووووون
رفع لعيوووونكم

 

[لاتهجري القرآن]

أسراركم روعة يا بنات...
وهذه اضافتي اليوم ومن اسراري في الطبخ ولا تنسوني من دعواتكم ..
اللوز بامكانك ازالة قشره بسهولة عند غليه بالماء غليه واحدة فقط...
نضيف للصلصة قفشة سكر (بديل الكتشب)
نضيف ملعقتين قيمر لنصف كاس حليب (بديل للكريمة)
نسوي شيرة ونضيف لها ملعقة كاكاو بودرة وتحرك معا (بديل للهرشي )
نغطي ورق العنب بشرائح طماط قبل طبخه تمنع اسوداده عند فتحه ...
السر في كفته هشة يعني مو لصتك هو خلط لحم غنم مع لحم عجل يتم التعادل بينهم ...

 

[أنهار الكويت]

يعطيج الف عافية صاحبة الموضوع وحرم ايدج النار يا رب

الصراحة جدام اسراركم احس ان ما عندي اسرار

والله قريت الموضوع من البداية وعجبتني احلى معلومة بالنسبة لي معلومة الورق عنب احط فوقه طماط لان تبنبط جبدي صج يسود يزاج الله الف خير

لي عودة لي تذكرت سر من اسرار الطبخ ...

 

[james546613]

غسل الدياي بالخل له فائدة التخلص من اثار المواد الكيمائية الي تضاف الى طعام الدياي ....اضيف دائما لمرق اللحم مجموعة من الشبنت والكزبرة والنعناع والحبك واربطهم بغصن النعناع يضيف نكهة اعشاب الى الصلصة .... اضيف زعتر للسلطة وايد طعمة حلو مع السلطة الخضراء...اسلق البطاط وبعدها احطة بماء مثلج يزال القشرة بسهولة .... اذا سويت عجينة بيتزا اضيف لها ثوم وحبك ومردقوش ...الدياي الشوي اضيف له روز ماري .... احب احط حلبة مطحونة مع القبوط ... استخدم الشكر البني في عمل الكرامل وصوص الشوكولاته ...اذا سلقت الدياي مع الاعشاب اخذ مايه واحطة في قوالب الثلج واستخدمة كمكعبات لعمل الشوربات وغيرها ... احب احط حمام بالبهارات عند طبخ محشي ورق العنب ... ماادخل المايونيز في طبخاتي واستخدم البديل اللبنة مع القشطة والثوم .... اذا سويت بسكوت مااحب احط شكر استبدلة بالدبس .....واذا تذكرت راح ارجع لكم ومشكورين على الطرح الجميل وجزاها الله خير الي افتحت الموضوع

 

[NoAaRy]

اذا طبختي الرز وشرب مويته بس طلعت المويه مو كافيه والرز حب

حركي الرز بالسكينه على خفيف واعصري ليمونه او نص على حسب كمية الرز وغطيه ..



<<<< شرح عقيم بس ان شالله تكونو فهمتو علي

 

[قمر2009]

من اسرار طبخي مافيه زفره كلش كلش اذا غداي دجاج او لحم اطلع الدجاج بالليل واحطه بره والصبح القاه ذااايب من الثلج وينزل كل الدم اللي متجمد واغسله واتبله بالبهارات والخل والليمون والطحين والملح واحطه بالثلاجه لحد مايجي موعد طبخ الغداء طريقه حلوه جربوها


واللي تبي تفتك من قص البصل تجيب قزازه مع قطاتها العلب نفس مالات البخور القزاز وتقطع بصل واجد او ثوم او خضرتج الشبنت او البقدونس مايخرب وحطيهم بالثلاجه وتفتكين من القص كل يوم طبعا كل شغله بقزازه بروحها الشبنت بروح والبقدونس بروح راح ترتاحين وقت الطبخ بس بطلي الثلاجه وركبي غداج بسرعه


انا قبل العيش مايضبط معاي كلش كنت اكثر الماي غلط قللي الماي فوق العيش حده حده وقصري على النار واذا شفتيه حب زيدي شوي من الماي اللي شلتيه وحطي هيل وزعفرا ن منقع بماي ورد:33_1185028183:

الدجاج اذا خلص طبخ حطيه بالفرن وعصري فوقه ليمونه ورشي فلفل اسود وصلصه الصوياااااا روووعه ​

 

[nono78]

عند قلي كبة البطاط لضمان عدم تفتتها

وضع ملعقة نشا بالزيت قبل القلي

 

[أنهار الكويت]

عند قلي كبة البطاط لضمان عدم تفتتها

وضع ملعقة نشا بالزيت قبل القلي

يعطيج الف عافية على هالمهلومة عقدتي كبة البطاط وانا حسبالي انا ما اضبطها
بجرب طريقتج برمضان ...

 

[مدام سامجه]

ماشاء الله عليكم من جد ربات بيوت معلومات مفيده الف شكر

 

[لاتهجري القرآن]

غسل الدياي بالخل له فائدة التخلص من اثار المواد الكيمائية الي تضاف الى طعام الدياي ....اضيف دائما لمرق اللحم مجموعة من الشبنت والكزبرة والنعناع والحبك واربطهم بغصن النعناع يضيف نكهة اعشاب الى الصلصة .... اضيف زعتر للسلطة وايد طعمة حلو مع السلطة الخضراء...اسلق البطاط وبعدها احطة بماء مثلج يزال القشرة بسهولة .... اذا سويت عجينة بيتزا اضيف لها ثوم وحبك ومردقوش ...الدياي الشوي اضيف له روز ماري .... احب احط حلبة مطحونة مع القبوط ... استخدم الشكر البني في عمل الكرامل وصوص الشوكولاته ...اذا سلقت الدياي مع الاعشاب اخذ مايه واحطة في قوالب الثلج واستخدمة كمكعبات لعمل الشوربات وغيرها ... احب احط حمام بالبهارات عند طبخ محشي ورق العنب ... ماادخل المايونيز في طبخاتي واستخدم البديل اللبنة مع القشطة والثوم .... اذا سويت بسكوت مااحب احط شكر استبدلة بالدبس .....واذا تذكرت راح ارجع لكم ومشكورين على الطرح الجميل وجزاها الله خير الي افتحت الموضوع

ما شاء الله تبارك الله عليج أختي..اسرارج جدا رائعة وصحية ومميزة..
بس شنو قصدج بحمام في بهارات ورق العنب...
وترا أفكارج وايد روعة ونبي الباجي الله يسلمج ويوفقج يارب
والشكر موصول لباجي الخوات ربي ما يخليني منهم....
وعلى طاري الحلبة في القبوط تراا الحلبة المطحونة اساسية عندي في البهارات تعطيها نكهة الكاري وما نكثر بس ذرار منها على كشنة الدياي واللحم وحتى المعجنات والبطاطس المقلي تعطي نكهة ولا اروع والكثير غافلين عنها ..
وامس سويت لعيالي بيتزا وحطيت على راس الملعقة حلبة مع صلصة البيتزا ..انينو عيالي على الريحه والطعم ...والنكهة شبيهة بنكهة الشبس الجاهز اللي يموتون عليه يهالنا...

 

[غموض الصمت]

السلام عليكم و رحمة الله و بركاته
الله يعطيج الصحة و العافية ((لاتهجري القرآن))
على طرح الموضوع الشيق
اللي اتمنى انه نستفيد منه كلنا
وما شاء الله البنات كالعادة مو مقصرين
في مشاركاتهم و اضافاتهم
احبكم خواتي في الله
و عسى الله يجمعني و اياكم في جنات النعيم
طريقتي بالسمك اول ما يوصلني اكت عليه ملح خشن
و اتركة ساعة تقريبا قبل ما اغسله
بعدين ابدا اغسله و انظفه عدل
حتى انه كذا وحده تسألني تقول ما شاء الله
السمك مالكم كلش ما فيه زفره
الله يرحمها امي هي اللي علمتني هالطريقة

 

[لاتهجري القرآن]

السلام عليكم و رحمة الله و بركاته
الله يعطيج الصحة و العافية ((لاتهجري القرآن))
على طرح الموضوع الشيق
اللي اتمنى انه نستفيد منه كلنا
وما شاء الله البنات كالعادة مو مقصرين
في مشاركاتهم و اضافاتهم
احبكم خواتي في الله
و عسى الله يجمعني و اياكم في جنات النعيم
طريقتي بالسمك اول ما يوصلني اكت عليه ملح خشن
و اتركة ساعة تقريبا قبل ما اغسله
بعدين ابدا اغسله و انظفه عدل
حتى انه كذا وحده تسألني تقول ما شاء الله
السمك مالكم كلش ما فيه زفره
الله يرحمها امي هي اللي علمتني هالطريقة

آمين الله يرحم والدتج ويجعل مثوانا ومتواها جنات النعيم ..ويعل ها المعلومة الطيبة اللي افدتينا فيها تكون اجر وخير لميمتج الله يرحمها..