أسماء من وافق وعارض 'القروض'

[‏ღLave♥nderღ]

الســلام عليكم

ليش نزلت هذا الموضوع

نزلته لهدف واحد

هدف تعرفون مواقف هالنواب اللي صوتم لهم

هدفي شوفوا شلون يتقلبون في مواقفهم ويبيعون الشعب اللي وثق فيهم ووثق في كلماتهم الرنانه ايام الانتخابات

يبون الشعب يتعب

يبونا طول عمرنا نتعب مع هالقروض

حلال على كل الدول اموال الكويت اللي تبني لهم مدن ومحطات كهربا ومستشفيات وبيوت وطرق وحرام عالشعب اللي الحكومه تبي تشتري الفوايد المجحفه اللي كسرت ظهره!!

قرة عينكم يالبنوك

عقب مااختبصتوا من هالقانون ونزلتوا اعلانات كلفتكم الكثير الحين تقدرون ترقدون وتامنون في بالمجس نواب ضد الشعب!

واتمنى مااشوفج يارولا دشتي على سكوب تتغنين بالوطنيه وتقولين ( انا مع هيدا الشعب الكويتي!!)

ومايسعني في النهاية الا ان اقول كما قال الجسمي في اغنيته الاخيره( آه من وعود الحريم ):dddds:

تنشر أدناه أسماء النواب الموافقين والمعارضين لقانو شراء قروض المواطنين، حيث رفض المجلس اقرار قانون شراء فوائد المديونيات رغم موافقة 32 نائبا بالمداولة الثانية مقابل 20 عضوا ، وذلك لعدم حصول القانون على أغلبية لإقراره.

وفي ما يلي الأسماء للمداولتين الأولى والثانية:




المداولة الأولى:

الموافقين:

1- أحمد السعدون

2- الصيفي مبارك الصيفي

3- جمعان الحربش

4- حسن جوهر

5- حسين مزيد

6- حسين الحريتي

7- خالد العدوة

8- خالد السلطان

9- خالد الطاحوس

10- خلف دميثير

11- دليهي الهاجري

12- سالم نملان

13- سعد زنيفر

14- سعد الخنفور

15- سعدون حماد

16- شعيب الموزيري

17- صالح عاشور

18- ضيف الله أبورمية

19- عدنان المطوع

20- عدنان عبدالصمد

21- عسكر العنزي

22- علي الدقباسي

23- غانم الميع

24- فلاح الصواغ

25- فيصل الدويسان

26- فيصل المسلم

27- مبارك الخرينج

28- مبارك الوعلان

29- محمد الحويلة

30- محمد هايف

31- مخلد العازمي

32- مسلم البراك

33- معصومة المبارك

34- ناجي العبدالهادي

35- وليد الطبطبائي

36- يوسف الزلزلة



غير موافقين:

1- أسيل العوضي

2- رولا دشتي

3- سلوى الجسار

4- صالح الملا

5- عادل الصرعاوي

6- عبدالرحمن العنجري

7- عبدالله الرومي

8- علي العمير

9- محمد المطير

10- مرزوق الغانم



الحضور : 54 ، الموافقة: 36 ، عدم موافقة 18 ( 10 أعضاء + 8 وزراء من الحكومة)

نتيجة التصويت في المداولة الثانية:

الموافقين:

1- أحمد السعدون

2- الصيفي مبارك الصيفي

3- جمعان الحربش

4- حسن جوهر

5- حسين مزيد

6- حسين الحريتي

7- خالد العدوة

8- خالد الطاحوس

9- خلف دميثير

10- دليهي الهاجري

11- سالم نملان

12- سعد زنيفر

13- سعد الخنفور

14- سعدون حماد

15- شعيب المويزري

16- صالح عاشور

17- ضيف الله أبورمية

18- عدنان عبدالصمد

19- عسكر العنزي

20- علي الدقباسي

21- غانم الميع

22- فلاح الصواغ

23- فيصل الدويسان

24- فيصل المسلم

25- مبارك الخرينج

26- مبارك الوعلان

27- محمد الحويلة

28- محمد هايف

29- مخلد العازمي

30- مسلم البراك

31- وليد الطبطبائي

32- يوسف الزلزلة



غير موافقين:

1- أسيل العوضي

2- خالد السلطان

3- رولا دشتي

4- سلوى الجسار

5- صالح الملا

6- عادل الصرعاوي

7- عبدالرحمن العنجري

8- عبدالله الرومي

9- علي العمير

10- محمد المطير

11- مرزوق الغانم

12- ناجي العبدالهادي



الحضور 52 ، الموافقة: 32 ، عدم الموافقة 20 ( 12 نائبا + 8 وزراء من الحكومة)

ملاحظات:

- النائبان خالد السلطان وناجي العبدالهادي في المداولة الأولى أيدا القانون، وفي المداولة الثانية رفضا القانون.

- النائبان د.معصومة المبارك وعدنان المطوع في المداولة الأولى أيدا القانون ، وفي المداولة الثانية انسحبا من الجلسة مع بدء التصويت

 

[حنوووونهـ]

حسبي الله ونعم الوكيل على كل وااحد فيهم ماوافق

 

[‏ღLave♥nderღ]

امين

حياج الله

 

[ن لبا عيونج ن]

اغلب اللي موموافقين شوفيهم من التجار وشبعانين
شعليهم من باقي الشعب ان شاء الله يحترقون اهم شي المصلحه المشتركه

حسبي الله ونعم الوكيل

 

[كرميلا]

حسبي الله ونعم الوكيل

 

[هاردلك ياحظي]

استغقر الله ... انا مادري شلوون عينهم قويه .. ومادري شلوون الناس تصوتلهم !!!!!!!

انا وحده ماحب سالفة القروض وضدها بس لو افكر فيها حرااام في ناس حيل متاذين منها ...

 

[اروى77]

يافرحه ماتمت
الله يعوض المقترضين خير..والله يعطيهم طولت العمر ويسددون

 

[sara al3soola]

الاخ معصومه بالله عليها هذي سوات تسويها ؟؟ تنحاش :RoadRunner:

انا رولا دشتي بياعه كلام انصدمت فيها اهي والدكتوره اسيل وكملتها سلوى الجسار مافي ولا وحده اوقفت مع هالقانون

اما خالد السلطان مايبي يسوي معروف قبل لا يتوكل من هالدنيا

اما ناجي عبدالهادي & عدنان المطووع لاتعليق الشرهه عاللي صوتولهم وحطوهم بهالمجلس

مااقول الا كفايه بسكم لعب بمشاعر الكويتيين ذليتو شعب طول عمره رافع راسه بهالسالفه اللي مصيرها نفس مصير قضيه البدون... الى مالا نهاااااااااااااااااايه

 

[Hello_kitty]

بصراحه انه مع عدم اسقاط !!ومع اسقاط الفوائد فقط!!

صج دولتنا الحمدلله بلد خير وغنيه وما عليها قاصر بس ما يصير يعيش طول عمره المواطن الكويتي جذي!!

يعني الواحد ما يصير يروح ويحط على نفسه قروض وديون وكل شوي سياره وكل شوي سفره وصرف وبذخ وعقب ما استانس وشبع ولعب

ولي صار عليه قرووووض يقعد وطاح الفاس بالراس وتعالي يا الحكوووومه دفعي عني!!


يدخلون البورصه واهم ما عندهم اي خلفيه ولا خبره ويقطون فلوسهم فيها ولي خسروا ولا انزلت البوووورصه يحاسبون الدوله

وتعالوا ساعدونا تعالوا دفعوا عنا!!! ماصارت دوله!!

يعني اقتصاد الدوله ميزانيتها ما فكرتوووووووا فيهم؟؟

يعني الحمدلله احنا عايشن احلى عيشه ومو قاصرنا شي والناس تحسدنا على الخير العز اللي احنا في والدوله ما قصر ت معانا بشي

بس ما يصير اسلوب الا مسئووليه والإستهتار اللي نعيشه!!

يعني بعضهم من سمع بسالفه اسقااااااط القروض على اوله ما بقى قرض ما خذاه ما بقى سياره ما شرااااها!!

وبعدين القضيه ما فيها مساواه بين الشعب يعني اللي عندهم قروض راح يستفيدون واللي ما عندهم!!؟؟

انه ما اقول ان ما في ناس فعلا مظلوووومه ومحتاجه مساعده وظروفها صعبه بس في طرق ثانيه نساعدهم فيها ونتبنى مشاكلهم وحلها

وبالنهايه احنا بدوله ديموقراطيه وكل واحد يقول رايه بحررررررريه والإختلاف بالراي لا يفسد للود قضيه

 

[ليالي نجد]

الله ابخص بالخفايا والنوايا والله يفرج لكل مكروب

 

[sara al3soola]

كلنا مع عدم اسقاط القروض بس القانون شراء الفوايد اللي كسرت ظهور الناس البنك المركزي اهو اللي غلط لما فتح المجال وسوى تسهيلات وصار معاش الكويتي مايصفى منه دينار اشلون مايساعدونه واهما السبب في دماره ؟؟

عالاقل يشترون الفوايد ويسوون اعاده جدوله للقسط بحيث ان ماتتعدى 35% من الراتب مو الراتب كله طاير جذي حرام هم الناس تبي تربي عيالها تبي تاكل مايصير جذي.. وبطريقتهم هذي ماراح يبقى كويتي فبيته الكل بينسجن والسبب الديون والنتيجه والطامه الكبرى دمار على كل المستويات يكفي ان العايله تتفكك وان رب الاسره لما يكون بالسجن بنظركم حل؟

بالعكس لا اهو اللي دفع ولا اهو اللي ربى عياله

انا حيل متعاطفه مع هالفئه لان والله خراب بيوت اللي قاعد يصير

 

[ام عيون فتانة..]

انا مع عدم اسقاط القروض .. و لا الفوائد

و كلام رولا دشتي بسكوب كان كلام مقنع بخصوص صندق المعثرين و المعسرين و حل راضي تماما

النواب اللي صوتوا مع الاسقاط مايعرفون شنو هالطبخة و د.رولا دارسة اقتصادد و افهم اللي موافقين يبون يشترون مشاعر الشعب و اهم يدرون انه مستحيل تطيح القروض و الفوائد

ترى اهلي كلهم عندهم قروض عشان لا تقولون بس اسقاط القروض و الفوائد احسه مو فير ..

 

[مــ_ــا مــ_ــي]

اللي تقول كلنا مع عدم اسقاط القروض اقول لها منو انتم ....؟ تكلمني عن نفسج وبس ..

الكويت دايما ما تقصر مع دول الغير
سواء دول اسلاميه او غير اسلاميه

الحين كاسرين خاطرهم العراق ويبون يعمرونها ويطيحون الديون عنها
ورافضين يطيحون ديون الكويتين اللي اهي اقل بكثير من ديون العراق ؟؟؟

وبصراحه من بعد عينه امير القلوب الكويت ماهي مثل قبل

كل شي صاير للأسوء
اول شي البورصه طايحه
وانقطاع المياه
والغلاء المستمر

والكويت مو ناقصها شي ولله الحمد ديرة خير ونعمه
مافيها شي اذا اسقطوا الديون وخلوا الشعب يعيش مرفهه حاله حال غيره

صرحنا مثل عين عذاري تسقي البعيد وتخلي القريب..

وخيرنا لغيرنا ويليت الي نساعدهم حامدين ربهم إلا حاسدينا ومو عاجبهم لكن لو الخير لآهل البلد والمواطنين كان الخير بيزيد لآن شكثر مواطنين بحاجة لتحريرهم من قروضهم واكيد بيبين بعيونهم لانهم اهل خير ونعمة ، لكن الشكوى لله شنقول غير الله كريم انشالله وتتحقق الامنية باسقاط القروض .... والله يحفظ دولتنا الحبيبة

 

[مــ_ــا مــ_ــي]

انا مع عدم اسقاط القروض .. و لا الفوائد

و كلام رولا دشتي بسكوب كان كلام مقنع بخصوص صندق المعثرين و المعسرين و حل راضي تماما

النواب اللي صوتوا مع الاسقاط مايعرفون شنو هالطبخة و د.رولا دارسة اقتصادد و افهم اللي موافقين يبون يشترون مشاعر الشعب و اهم يدرون انه مستحيل تطيح القروض و الفوائد

ترى اهلي كلهم عندهم قروض عشان لا تقولون بس اسقاط القروض و الفوائد احسه مو فير ..

يعني انتي الحين ىتدرين شالطبخه... وشنهي رولا اللي تتكلمين عنها .. خل تتكلم بلهجه ديرتها اول مو كويتيه وكلامها لبناني .. لا تقولين عايشه بلبنان وامها لبنانيه ومدري شنو اغلب الكويتين امهاتهم اجنبيات لكن مو مبني على عيالهم ولا تأثرو بخوالهم ونسو عمامهم . تكلمي عدل مره ثانيه والاعضاء اللي صوتو مع اسقاط القروض عسى الله يوفقهم ويرزقهم اما اللي ماصوتو ربي يسدها بوجيههم مثل ما سدوها بوجه الناس ماهم خسرانين شي اذا وافقوو والا يعنني الفاهمين .. والا صندوق المعسرين شنو طراره السالفه خل يخلون صندوقهم لهم عشان يلهفون منه على كيفهم ااما اذا اسقطو القروض افلسو من الصندوق وماكو بوووق

 

[عقارية]

كلهم نفس الشيء :s141:

 

[AbRo0oH Q8]

اللي تقول النواب الي وافقول ..ما يدرون شالطبخة ؟؟؟
بالله هذا اسلوب ..ترى الملافظ سعد ..
و بعدين النواب اللي ما يدرون شالطبخة احنا موصلينهم للمجلس و اهم يمثلونا <<لا يكون بعد احنا ما ندري شالطبخة ..

 

[ام عيون فتانة..]

اول شي انا قلت رايي باحترام و ماغلطت .. يعني ماله داعي كلمة الملافظ سعد الله يسامحج .

انا عند رايي النواب اللي مصوتين موافقين على اسقاط القروض و الفوائد .. يدرون انه هالقانون ماراح يمشي و لا راح يتفعل

تدرون شنو يعني يسقون القروض و الفوائد يعني هذا يهد ميزانية الدولة و ياثر عليها اغلب الكويتيين مقترضين و مبالغ مو هينة

و اللي شافت مقابلة رولا دشتي بسكوب و افتهمت كلامها راح اتعرف انه صندق المعثرين و المعسرين ماشي بس بشكل بطيء قاعدين ياخذون فئة فئة و انتهوا من شريحة مو هينة مقترضين و كانت فاهمة الموضوع و تتكلم بطريقة واقعية

مو متخبطة و لا قاعده تدغ دغ مشاعر الشعب

هذا رايي انا قاعده اقوله باحترام .. و انا و امي و ابوي و خواتي و اهلي و وايفي كلهم عليهم قروض و منقصة ظهورهم

بس العدل عدل و الصح صح

 

[عهود الحب]

هذي تاليتها الحريم دشوا المجلس والحريم دشوا المجلس
مافيهن خير والله للأسف لا للشعب الكويتي ولا لروحهم
حتى معصوووووووووومة !!!!!!!!!!!
صدمتي بمعصومة قوية والله

بس شكوانا لله

 

[Turquoiseya]

بصراحه انه مع عدم اسقاط !!ومع اسقاط الفوائد فقط!!

صج دولتنا الحمدلله بلد خير وغنيه وما عليها قاصر بس ما يصير يعيش طول عمره المواطن الكويتي جذي!!

يعني الواحد ما يصير يروح ويحط على نفسه قروض وديون وكل شوي سياره وكل شوي سفره وصرف وبذخ وعقب ما استانس وشبع ولعب

ولي صار عليه قرووووض يقعد وطاح الفاس بالراس وتعالي يا الحكوووومه دفعي عني!!


يدخلون البورصه واهم ما عندهم اي خلفيه ولا خبره ويقطون فلوسهم فيها ولي خسروا ولا انزلت البوووورصه يحاسبون الدوله

وتعالوا ساعدونا تعالوا دفعوا عنا!!! ماصارت دوله!!

يعني اقتصاد الدوله ميزانيتها ما فكرتوووووووا فيهم؟؟

يعني الحمدلله احنا عايشن احلى عيشه ومو قاصرنا شي والناس تحسدنا على الخير العز اللي احنا في والدوله ما قصر ت معانا بشي

بس ما يصير اسلوب الا مسئووليه والإستهتار اللي نعيشه!!

يعني بعضهم من سمع بسالفه اسقااااااط القروض على اوله ما بقى قرض ما خذاه ما بقى سياره ما شرااااها!!

وبعدين القضيه ما فيها مساواه بين الشعب يعني اللي عندهم قروض راح يستفيدون واللي ما عندهم!!؟؟

انه ما اقول ان ما في ناس فعلا مظلوووومه ومحتاجه مساعده وظروفها صعبه بس في طرق ثانيه نساعدهم فيها ونتبنى مشاكلهم وحلها

وبالنهايه احنا بدوله ديموقراطيه وكل واحد يقول رايه بحررررررريه والإختلاف بالراي لا يفسد للود قضيه

صاجة ناس واجد ماخذين قروض عبط وحق اشياء كمالية يقدرون يستغنون عنها
اسقاط الفوائد اوكي
بس القروض لأ

 

[الكادي 1981]

ولله أحترنا وضعنــا وماعاد نعــرف الصــج والجــذب