أسوء وأحسن اداره مدرسيه (ابتدائي - متوسط - ثانوي)

[أم علاي]

رد: أحسن وأسوء ادارة مدرسيه لجميع المراحل الثلاث

السلام عليكم


بنات انا تعيين يديد وتوني باشرت اجراءاتي

وانشالله بعد جم يوم بيخيروني بالمدارس .. انا ابتدائي مبارك الكبير !!


شنو المدارس اللي تنصحون فيها ؟؟؟


قسم الانجليزي بالذات

 

[شيرازية 85]

رد: أحسن وأسوء ادارة مدرسيه لجميع المراحل الثلاث

هاي بنات ابي اعرف احسن مدارس العاصمة ابتدائي اللي سامعة عن ميسلون القادسية او لولو الربيعة بالسرة او اللي بالضاحية تقولي عفية وما تبخل علي ناطرة منكم الردوووووووووووود

اي نسيت انا تربية بدنية

 

[دلالي1]

رد: معلمات المنطقة العاشرة ... ساعديني ادعيلك ..

بنات ابي اسأل عن مدرسة فاطمة عبدالله على الحقان بالفنطاس
حبيت ارعرف ادارتها وعن قسم الفنية والطالبات كويتين او لا​

 

[أنـوآر الـكويـت]

رد: أحسن وأسوء ادارة مدرسيه لجميع المراحل الثلاث

تصدقون

انا بكلية التربية ثاني سنة

وخرعتوووني شدعوة عليكم ليش هالكلام ؟

والله لو يرد الزمن فيني ماأدخل التربية شفيكم جذي

انتووووا ابلات يعني مربيات أجياال

لا تخربون الموضوع كل وحدة تقول رايها ولحد يعلق علية وخلاص

 

[أبلة كويتية]

رد: أحسن وأسوء ادارة مدرسيه لجميع المراحل الثلاث

بنات بغيت مدرسه بيان الابتدائيه ومدرسة جميله بنت عباد الابتدائيه بنات ومدرسة لبابه بنت الحارث ابتدائية بنات في حطين

تعاون الاداره ومستوى المدرسه وقسم الانجليزي ورئيسة القسم ياليت تفيدوني على الخاص والله محتاره ماادري وين اقدم؟؟

أنصحج بمدرسة لبابة بنت الحارث بحطين

لبااااابة وبس :ada:

 

[شيرازية 85]

رد: أحسن وأسوء ادارة مدرسيه لجميع المراحل الثلاث

بنات تعرفون عن مدرسة اصبيان ابتدائي زينة تابعة محافظة العاصمة ؟
في مدرسة بالقادسية اسمها صقر الشبيب زينة ولا لا ؟

واذا في مدارس بالضاحية زينة ؟

تكفون ابي مساعدتكم لا تطنشوني

واهم شي يكون قسم التربية البدنية زين وما تكون المدرسة كبيرة ولا فيها شغل وايد

اتشرط بعد

 

[كويتية عيمية]

رد: أحسن وأسوء ادارة مدرسيه لجميع المراحل الثلاث

شيرازية 85

عندج مدرسة ابن سينا ابتدائي بنين بالدعية فوق الممتازة على حسب ما سمعت

وفي الرشيد بالدسمة بس هذه مو سامعه عنها

 

[nero]

رد: أحسن وأسوء ادارة مدرسيه لجميع المراحل الثلاث

تنبيييييه

الرجاء الالتزام بادب الحوار واحترام الراي الاخر

هالفتره راح تكون فتره ذروه للموضوع

لو سمحتو يا معلمات نبي افاده ما نبي هواش

 

[أبلة كويتية]

رد: أحسن وأسوء ادارة مدرسيه لجميع المراحل الثلاث

تنبيييييه

الرجاء الالتزام بادب الحوار واحترام الراي الاخر

هالفتره راح تكون فتره ذروه للموضوع

لو سمحتو يا معلمات نبي افاده ما نبي هواش

مشكورة حبيبتي
إي خلي في رقابة شديدة على الموضوع
لأنه الصرااحة عيب إللي قاعد يصير
الأسلوب إللي إنحذف فعلا كان مو أسلوب مربيات أجيال

المنتدى مفتوح والكل يقراه عيب التشهير والتجريح بالناس
وإن كان صحيح
ما يلفظ من قول إلا لديه رقيب عتيد
من ستر على عبد ستر الله عليه يوم القيامة

هدوووا يا أبلاتي العزيزات وخلوا الكل يستفيد بأسلوب راقي
لاتزعلوووون كلامي لصالح الجميع :tek:

 

[شيرازية 85]

رد: أحسن وأسوء ادارة مدرسيه لجميع المراحل الثلاث

وينج كويتية عيمية شفتي رسالتي عالخاص

 

[مطيرية]

رد: أحسن وأسوء ادارة مدرسيه لجميع المراحل الثلاث

مرحبا يامعلمات
طلب ورجاء حااااار والله يوفق الي بترد علي
أنا معلمة اجتماعيات ابتدائي وأبي أفضل مدارس الفروانية من حيث الادارة ورئيسة القسم والطلبة أو الطالبات وأكرر تكفون رجاء حار

 

[أبلة لولوة]

رد: أحسن وأسوء ادارة مدرسيه لجميع المراحل الثلاث

السلام عليكم

الاخت الي سألت عن مدارس العاصمة ابتدائي بنين

يقولون مدرسة سعد بن عبادة بالعديلية و الشايع بالشامية وصقر الشبيب بالقادسية زينين

وعن مدارس الفروانية سمعت ان مدرسة الاندلس بنات زينة

كمدارس بشكل عام لكن قسم البدنية بالذات الله اعلم

والله يوفقكم ..

 

[shoagsalah]

رد: أحسن وأسوء ادارة مدرسيه لجميع المراحل الثلاث

والله العظيم الذي لا اله الا هو والوقفة اللي بوقفها امام رب العالمين يوم القيامة اني ماشفت ناظرة احسن من ابلة فوزية ويشهد ربي انا الحين [B]معاها كم سنة ان كل اللي سوته في المدرسة من جهدها الخاص ولا كلفت ولا وحدة منا احنا او الاداريات ان نسوي شي لاماديا ولا حتى متابعة وكل شي تسويه تتعب عليه اهي ووكيلتها عشان لا تضغط علينا بشي وحولت المدرسة جنة بس احنا مايبين بعينا شي !!! شنو ما يسوون لنا ما نشكر بس نقول هات هات هات عمرنا مانقول خذ خذ !!!! ترى احنا نعطل في الجمعة ونداوم الاحد نشوف المدرسة متغيرة 180 درجة ...واحنا ماندري عن هوى دارنا ولا لنا اي دور بس ندخل حصص ونسوي شوية انشطة حق التواجيه ...كلنا كويتيات ووافدات .... ووالله العلي العظيم ان احنا في معاذة اكثر ابلات مرتاحين في الكويت كلها ولا عندنا نقل زايد ولا غيره واكثر من 90 بالميه من الابلات يحبون الناظرة ووكيلتها بس فيه ثنتين حاقدين لاسباب يعرفها كل اللي في المدرسة وعشان جذي المدرسة كلها تكره هالثنتين ويحشون فيهم حش ووحدة فيهم اهي نقطة نظام اللي الكل مايواطنها وهي تعرف زين شيقولون عنها بس المشكلة ان هي اتطلع حرتها باسمها المستعار من الناظرة لانها ماتقدر تصك حلوج المعلمات اللي مالهم حجوة الا هي . والله اللي يداوم عندنا يتعلق بابله فوزية وما يبي ينتقل واعتقد في الاجتماع اللي سوته بين حق الكل الابلات شلون كلهم كانوا معاها لدرجة ان بعضهم بكى من التاثر وكلهم بعد ما انتهى الاجتماع سبوا اللي متكلمين عنها .... ونصيحتي حق اختي luck girl لا تردين على هالثنتين ابدا حتى لو يسبون ابله فوزية وكل إناء بما فيه ينضح . وابلة فوزية مو محتاجة احد يدافع عنها ...تبالرك الله الكل شايف شغلها وعارفه ترى الشمس ما تتغطى بالمنخل وبعدين الرسول اللي هو الرسول ماسلم من الحاقدين تبين ابله فوزية تسلم ؟؟؟؟ انا عن نفسي ما راح اكتب بعد ولا حرف حتى لو سبوني انا شخصيا وارجوج يااختي بس ردي على اللي يتكلمون بالحق مو على اللي يدرون الحق وينكرونه واصلا اللي يدور على الاصلاح ما يشهر بالناس في المنتديات .....لا ...لو اهو صاج جان دخل على الناظرة وقال لها اللي يضايقها .....او جان فشلو الناظرة في الاجتماع العام لما فتحت الموضوع ...بس تذكرين شلون هالثنتين ما تحجو ولا بحرف ....شطارتهم بس بالمنتدى وانا اتحداهم في المنتدى انهم يدشون على الناظرة ويقولونلها على اللي مضايقهم ....بس مستحيل يسوونها لان فعلا في مدرستنا ماكو شي مظايقنا الا الاشياء اللي تجي من الوزارة والناظرة ماتقدر تغيرها ..يعني حالنا حال المدارس الثانية ...بسنا دلع ياحسين نبي نشتغل ... لا وكل ما حد سال ابله فوزية شلون صارت المدرسة كذا حلوة ردت ..بجهود معلماتي !!!! والله انج بنت حلال ...معلماتج مالهم دور بس ييجون المدرسة ويلقون كل شي جاهز علشان بس يدخلون الحصص ويشرفون ... انا عن نفسي و80 معلمة اعرفها اقول لو ابلة فوزية وابله نوال تركوا المدرسة ..احسن ان الوزارة تسكر معاذة لان ماكو احد كفو يمسكها وسالوا اللي قاعدين مكان ابله زهرة هالايام ........ بسنا تعليق يااختي luck girl وخللي ابلة فوزية تشتغل و تعلمنا السنع قبل ماتتقاعد ... ويارب اشوف اليوم اللي ينفضحون فيه اللي يبون الشر لها واضحك عليهم واذكرهم ان الله يمهل ولا يهمل وبسسسسكم جذب وافترا ترى الله مايطق بعصا وعلى فكرة فيه مفاجئه صغيرة لهم خلال الايام الجاية ...انشاالله تكون واجججججججد حلوة. ياجماعة اذا ابلة فوزية اساءت لكم ...انتو كونو احسن منها وراوونا اخلاقكم العالية وطيب اصلكم !!!!!! وعلمونا السنع ياسنعين وعلى فكرة انا متأكدة انكم الحين راح تحقدون عليها بزيادة وراح تكتبون المعلقات في ذمها من غيرتكم ان فيه ناس تدافع عنها .... بس ترى ياحبايبي اهي مو صوبنا ترى احنا اللي رادين عليكم ....وجان زين تراسلوني على الخاص لان الكلام اللي بقوله راح يصدمكم وراح يخليكم تعرفون طيبة ناظرتكم وشنو الي سوته لكم انتو بالذات اهي وابله نوال ....... luck girl استحلفج بالله بعد لاتجادلينهم علشان اختنا ضحاوي.[/B]

 

[شيرازية 85]

رد: أحسن وأسوء ادارة مدرسيه لجميع المراحل الثلاث

مشكورة ابلة لولوة وما قصرتي على الرد
وعفية بنات اي وحدة بمدرسة بالعاصمة بنين زينة تقولي لاني تعبت وادور واهم شي يكون عدد فصولها شوية وقسم البدنية يكون زين وايد

وتسلمون

 

[كويتيةch]

مدارس فهد الاحمد

السلام عليكم بنات انا بطلب منكم طلب اللي تعرف مدرسة هند بنت اثاثة اللي بفهد الاحمد او حمد سليمان الجراح بعد في فهد الاحمد ترد علي هل الادارة زينة اولا تكفففففففففففففففففففون ......... لاني بنقل

 

[طموحي ما له حدود]

رد: أحسن وأسوء ادارة مدرسيه لجميع المراحل الثلاث

هالفتره راح تكون فتره ذروه للموضوع

ليش وش صاير عشان تكون هالفترة ذرووة ؟؟؟

 

[مشغوله و محتاسه]

رد: مدارس فهد الاحمد

ادارة سليمان الجراح يمدحونها و ناظرتهم محترمة و خوووش وحده الله يوفقها و يوفقج

 

[كويتية عيمية]

رد: أحسن وأسوء ادارة مدرسيه لجميع المراحل الثلاث

اي شيرازية رديت عليج

 

[فديت حمودي 2010]

رد: مدارس فهد الاحمد

هند الكل يمدحها بس الجرااااح؟؟؟؟؟؟؟؟؟؟؟؟؟؟؟؟؟؟؟؟؟؟؟؟إنحاشي

 

[مرمريتوو]

رد: أحسن وأسوء ادارة مدرسيه لجميع المراحل الثلاث

بنات الله يخليكم
ام القرى الابتدائيه بالرميثيه شلونها
وشلون قسم الاجتماعيات خصوصا و مدرستهم الاولى
تكفوووووووون عندي تعيين يديد و ابي اتطمن على البنيه
بليز