أسوء وأحسن اداره مدرسيه (ابتدائي - متوسط - ثانوي)

[maraiem]

رد: فزعتكم تكفون

حبيبتي .. انا ما سمعت الا كل خير عن الصباحيه عموما .. مادري شقولج .. بس انتي توكلي على الله سبحانه .. ودام انج تبين تطيعين ريلج احتسبي الاجر عند ربج والله راح يبارك لج وترتاحين اكيد .. لا تحاتين والله معاج اختي

 

[nero]

رد: منو تشتغل في مدرسه ام الحكيم الفحاحيل ؟ او تعرف احد هناك

كتبي سؤالج حبيبتي لسرعة الرد

 

[كويتية فاهمة]

رد: منو تشتغل في مدرسه ام الحكيم الفحاحيل ؟ او تعرف احد هناك

إي حياتي كتبي السؤال ونقدر نرد..

انا لا في مدرسة بركة بنت النعمان بس أعرف..

 

[ارزاق مرزوق]

السلام عليكم ورحمه الله
بنات بغيت اسالكم عن ابتدائي بنات العدان شلون المدرسة من ناحية الادارة وقسم الاسلامية ؟؟؟؟؟؟؟؟؟؟
مع جزيل الشكر

 

[ميزان العدل]

شكرا أختي على ردج وتجاوبج السريع معاي ، وأنا قريت اليوم كلام وحدة من العضوات

تمدح مدرسة الصباحية اللي مديرتها اسمها نعيمة وهي مدرسة فيها ياريت تفيدني عن قسم العربي وأهم شي

رئيسة القسم تكفون أي وحدة مدرسة هناك تفيدني ماعندي وقت

 

[ليدي كويتية]

بنات احسن ثانويات منطقة الفروانية التعليمية
وشكرا يا وجدان على ردج
شلت ام الحكم بس الباجي من يعرف عنهم شي؟؟؟؟؟؟؟

 

[جود 2006]

حتى أنا أبي ثانوية زينه وطالباتها ممتازين في منطقة الفروانية التعليمية لا تنسون بنات أبي ثانوية زينة ؟؟؟

 

[مدرسة دين]

رد: فزعتكم تكفون

اشلونكم ياحلوات ،،،،،،،،،،،، أبي رايكم بنات في مدارس البنين الإبتدائي اللي بالصباحية لأني منقولة من صباح السالم

وأهل زوجي بهالمنطقة وزوجي معاند إلا بمدرسة الصباحية اللي يم بيتهم وانا أخاف تكون موشي وأنا توني متزوجة

وتدرون ماأعرف بمدارسها ، تكفون بنات الله يحقق أمانيها اللي تساعدني وتكون صادقه معاي بنصيحتها وأهم شي عندي

القسم ورئيسة القسم و أكيد المديرة تكفون ردوا علي بسرعة لأن زوجي بيروح للمراقب بكرة وعلى فكرة أنا مدرسة لغة

عربية ..
:gathering::stars:

ميزان العدل صراحة والله على ماأقول شهيد المدرسة حليوة والناظرة عسل والموجة ممتاز بس بس رئيسة القسم مايمدحوونها :krkrkr::krkrkr::krkrkr:
هذا من تجربة من أحد زميلاتي بالقسم .أختي تعالي يمكن رئيسة القسم تنتقل لان مدرسات القسم والادارة والموجة متأذيين منها.هذا الكلام الصحييح.​

 

[doooora]

معلمات الابتدائي - الأحمدي



معلمات الاحمدي المحترمات ،،،،،
نبي راي كل وحدة فيكم بمدارس الأحمدي من حيث الادارة الأقسام المعلمات الطلبة ،،،،عشان نفيد ونستفيد ،،،:ggdw:[/B]
مريم بودي
عقيل بن ابي طالب
رابعة العدوية
نورة راشد السيف
ملا صالح
هدية بنين
وربة
صهيب بن سنان
الرقة بنات
ريحانة
غزية
ابن حجر
أبو ذر الغفاري
الصباحية بنين
البخاري
عفراء بنت عبيد
فاطمة بنت الخطاب
الرباب
ليلى بنت الخطيم
الظهر بنات
.
.
.
الخ

 

[Om3aLaWi_q8]

محتاره

السلام عليكم

حبيباتي خواتي


انا ابي انقل اعيالي من مدرسة الى مدرسه في منطقة القرين وانا محتاره وخايفه ابي اسأل عن المدرسه
ابي الي يعرف عن مدرسة بدريه العتيقي الابتدائية بنات
من مستواها والمدرسه زينه ولا لا
وفي مدرسه ثانيه بعد مدرسة حسين العسعوسي الابتدائيه بنين

وارجو منكم ان تفيدوني إلي اعيالها في المدرسه او الابلات
ولكم جزيل الشكر

 

[ميزان العدل]

مشكورة أختي والله يجزاج خير على ردج علي وتجاوبج معاي بس إنتي متأكده إن القسم زين وبصراحه خفت

من كلامج عن رئيسة القسم لأن ما أحب أتعامل مع هالنوعية ، أتمنى تكون حقانية وتقدر لأني أحب اللي يقدرني

والمديرة سمعت أكثر من وحدة تمدحها أحلفج بالله تأكدين من معلمات القسم يعني كذا وحدة بخصوص رئيسة القسم

علشان أعرف

أتعامل معاها لأن زوجي عيني فيها تكفين ردي علي بسرعة ، ووراي سفر وما عندي فرصة وبصراحة أحاتي لأن

التقدير حيل يهمني :0bee2e8d89:

 

[مشغوله و محتاسه]

رد: ابي معلومات عن مدارس سعد العبدالله

مصختها مع هالموضوع انا ادري لوول

بس بنات بغيت مساعدتكم

ابي رياض الاطفال و مدارس الابتدائي بنين بقطعه 1 بسعد العبدالله ..


منو تفيدني بأساميهم ؟؟


:klhfl:

و شكراا لكم

 

[مدرسة دين]

مشكورة أختي والله يجزاج خير على ردج علي وتجاوبج معاي بس إنتي متأكده إن القسم زين وبصراحه خفت

من كلامج عن رئيسة القسم لأن ما أحب أتعامل مع هالنوعية ، أتمنى تكون حقانية وتقدر لأني أحب اللي يقدرني

والمديرة سمعت أكثر من وحدة تمدحها أحلفج بالله تأكدين من معلمات القسم يعني كذا وحدة بخصوص رئيسة القسم

علشان أعرف

أتعامل معاها لأن زوجي عيني فيها تكفين ردي علي بسرعة ، ووراي سفر وما عندي فرصة وبصراحة أحاتي لأن

التقدير حيل يهمني :0bee2e8d89:

حبيبتي أذا أنت مدرسة
تشتغلين وتخافين ربك
أضمني الأمتياز في جيبك لان في المدرسة الصباحية أبتدائى بنين
اللي تشتغل بضمير وذمة وتحظر ووسائلها كاملة وتصون لسانها عن القيل والقال
ولايهمها كلام البعض وصاحبة خير
أن شاء الله موفقة وهذا الكلام للمدارس الاخرى بعد
.بس القسم حلو
.وأذا جيتينا بجيج وأسلم علييييييييك هههههههههههههههههههههههههههه​

 

[ميزان العدل]

مشكورة هههههههههههههههههههههههههههه

 

[جود 2006]

وينكم محد يعرف شي عن ثانويات الفروانية شدعوة

 

[تعبت وله]

احلى مدرسه ابتدائى بالصباحيه زياد بن لبيد تههههبل

 

[¤§ زيتونة §¤]

بنااااااااااااات تكفووووووووووووووووووون الاحد براجع باورااااقي ريحووووووني تكفووووووووووووون



احسن مدرسة من بين هالمدرسات :

هيلة بوطيبان
الحسناء بنت معاوية
الصالحية
حصة الحنيف <<< سمعت ان عدد الصفوف زاد الى 30
كلهم متوسطة بنات​

حبيبتي نجمة
هيلة بو طيبان تهبل
ناظرتها العسل تقاعدت السنة مسكينة تعبانة حدها وتبي ترتاح وتتعالج عسى ربي يشفيها ويعافيها اللهم امين

وكل مرحلة فيها 6 صفوف

والاقسام كلهم يهبلون ماشاءالله عليهم


حصة الحنيف حلوة بعد بس مادري عن ناظرتهم الي يت هالسنة يمدحونها بس مادري صج ولا لا الله اعلم

بس وكيلاتهم صايرين متشددين حيل بكل الامور



وموفقة حبيبتي

 

[نود الجنوب]

رد: ابي معلومات عن مدارس سعد العبدالله

في مدارس جديدة رح تفتح على السنة هذي وأسمائها أحمد الياسين ومحمد الجنيدل وهي ابتدائي بنين ومدرسة لطيفة ابتدائي بنات وأتمنى انى قدمت شئ يفيدك

 

[مشغوله و محتاسه]

رد: ابي معلومات عن مدارس سعد العبدالله

:ggdw:


طبعا افدتيني ... شكرا لج اختي

اذا تعرفين أي قطعه يكون تمام

 

[Cool Teacher]

رد: معلمات الابتدائي - الأحمدي

معلمات الاحمدي المحترمات ،،،،،
نبي راي كل وحدة فيكم بمدارس الأحمدي من حيث الادارة الأقسام المعلمات الطلبة ،،،،عشان نفيد ونستفيد ،،،:ggdw:[/b]
مريم بودي
عقيل بن ابي طالب
رابعة العدوية
نورة راشد السيف
ملا صالح
هدية بنين
وربة
صهيب بن سنان
الرقة بنات
ريحانة
غزية
ابن حجر
أبو ذر الغفاري
الصباحية بنين
البخاري
عفراء بنت عبيد
فاطمة بنت الخطاب
الرباب
ليلى بنت الخطيم
الظهر بنات
.
.
.
الخ

الملا صالح لالالالالالالالالالالالالالالالالالالالالالالالا والف لا انحاشي من هالمدرسة ولا تقربين صوبها سيئه بكل معنى الكلمة الادارة والمدرسات والطلبة اختى كانت فيها وانحاشت منها وطلبت نقلت وقالت حتى لو ماوافقوا على النقل استقيل ولا ارجع لها

ماعرف هدية بنين لكن اعرف هدية بنات مدرسة زينه وممتازة

واعرف الصباحية الابتدائية اختي فيها وتمدح المدرسة وايد