السلام عليكم أنا بغيت أقولكم شغله لاحظتها في تجمعنا هذا ، نسأل يمين ويسار عن المدارس بس ما انتبهنا لشغله مهمه .إن المدرسة هي مجموعه من الناس مختلفين فيهم الزين والشين والنص نص يعني محد كامل ليش ما نتوكل على الله ونرضى بالمكان زينه وشينه ونثبت نفسنا وربج ما يظلم أحد إسألوني عن تجربة ياما انظلمنا في مدارسنا وعملج اول وتالي لربج ونفسج ، حابه اسمع رايكم
فديتك دلع مطيرية صادقة والله انا (كنت نفسك).. بس في نقطه حياتي :
مهما كنت شاطرة ومبدعه اذا انوجدت في مدرسة ادارتها سيئة ورئيسة قسمهم ماتهتم فيهم ولا تدري عنهم
راح يموت طموحك وابداعك (وهذا اللي صارفيني في بداية التعيين).. وراح تحسين ان عملك كله ضاع هباء منثورا .. لان في ناس ماتقدر ...
اللي يسالون دايما يحاتون مديرة ورئيسة قسم ترى هالثنتين لازم تسالين عنهم .. لان اذا نفسيتك ما ارتاحت صعب تبدعين يا غلاي انت
وياما رئيسات اقسام مادروا وين الله حاطهم وضاااع القسم .. طيب ليه اضيع سنوات من عمري بدون لا افيد ولا استفيد؟
اضافة الى ان في ادارات ورئيسات اقسام يبخسون من حق المعلمات لا سيما في التقرير.. فتتساوى اللي اشتغلت باللي صاكتهم غياب ولا تقدم انشطة ولاهم يحزنون
ويبدأ مبدأ (( إن حبتك عيني ماضامك الدهر )) ترى انا مريت بهالسوالف ولو ان خبرتي قليلة بس الناس اللي مريت عليهم
تعلمت من ظلمهم والبعض من طيبهم وامانتهم ... فشنو المانع ان الوحده تسال عن مدرسة ادارتها زينة
ورئيسة قسمها عسل عشان تنتقل منها ترتاح من الناحية النفسية فتبدع بالناحية العملية ...
وهذا هدف الموضوع هذا .. وجزاها الله خير اللي حطته وثبته وتتابعه فديتها ..
ويارب يا دلع ما تصادفين الظالمات من الادارات ورئيسات الاقسام ... ربي يوفقك غلاااي انت
