أسوأ مطعم في الكويت..

[buffy]

انا بالنسبه لي اسوا مطعم تريدر فيكس
وهارديز زكنتاكي زبرجر كنج ومطعم البستان اللي بساس وبرج الحمام و عبدالوهاب وفيش ماركت الله يزيد النعمه وفيه واااااااااااااااااااايد بس ماني ذاكرتهم لاني ادشهم مره وبعدين انساهم

 

[سنابل]

قصر البردوني

السلطة يابوها ذابلة و فيها طعم ريحة الثلاجة !!!

 

[^^المهره^^]

كنتاكي طبعا
استغفر الله
وروبي تيوزداي تسممنا منه كلنا وبايام متفرقه يعني مو بيوم واحد

 

[majeeeed]

اكيدالله يزيدالنعمه واكيد مايبيله كنتاكي وابل بيز وهارديز ونايف وناندووز وبرقر كنج استغفرالله
والمطاعم النظيفه المجربه واللي ماشفنا منها شي
ماكدونلد والكلحه وشلييز وبيتزاهت وشرمبي والمطعم الخليج الصيني اللي بحولي الصخره اللي بالسالميه ومطعم تال اللي بالبدع....................... وفريج اصويلح بس دسم شوي
والله يكافينا شر الامراض يارب

 

[الحــور]

اسواْ مطعمين عندي

كنتاكي وهارديز

الله يديييم النعمه

 

[Om Ghalia]

أسوأ مطعم بالنسبة لي اهو: قصر النخيل من ناحية القعدة.. سيئة جدا ! كان الصراحة يهبل بس مادري شصرله !

 

[ام حلومي]

تري النعمه زواله حمدووو ربكم
بالنسبه لي مطاعمنه انظيفه بنات ليمن سافرت السعوديه ورحت الامارات والله مطاعمنه انظييييييييييييفه وفييهاا لذه
هناك الهمبرقر محروووقه

 

[ام الحوراء زينب]

الصنوبر ماعجبني مادري ليش
نايف استغفرالله بايت
ماكدونالدز كل ما اكله يحوشني مرض مرا حاشني التهاب بالمعده ومرا تقلص بالقولون
وللحين اكله لوووووووووووول
الفايز استغفرالله

 

[flowerlife]

اسوأ مطعم بالنسبه لي : روبي تيوزداي << اكله مو زود و شوي اسعاره غاليه على مستوى الاكل عنده

و برج الحمام ...


اما احسن مطاعم عندي : فرايدايز و شيليز و و ماكدونالدز و لانوتر
و نينــــــــو << امووووت فيه

 

[ReeM ^ Style]

هارديز كانت تلوع جبدي منه بس الحين تسنع والاكل صار فيه اميه اميه
اسواء مطعم فطاير على الطاير كل مانطلب منهم الاكل بارد وماينوكل والشبس اتقول حاطينه بفريزر اهو صج حلو الاكل اذا اخذتيه من عندهم مو توصيل
مطعم كابوريا روعه بس مره اكلت منهم وجبة لذيذه وصار فيني اسهال مكرم السامع

ابل بيز مو ذاك الزود
وهذا اللي يحضرني حاليا

 

[ام فوااز]

اسوأ مطعم نايف و الطازج
تسممت منهم الله لايبارك فيهم

 

[ام فوااز]

اي وبعد اللي يلوع الجبد روبي تيوزدي
يلوع الجبد وزفر

 

[الملالة]

مطاعم الوجبات السريعة على اختلاف انواعها تلووووووووع الجبد

 

[اميرة-الاحجار]

بيرقر كينق وكنتاكي ومغل محل .. ماحبهم ولو شنو ماطبهم ولا اطل منهم

 

[ياعشيري جعلك السلال]

مطعم ميجانا

الي في الكوت


ضيم زفر مو طبيعي

بس قعدته حلوة

 

[toooot]

اسوة مطعم اللي دخلت الاكوابااااااارك مكان حلووووو
والاكل قليل مو ذاك الله يديم النعمه

 

[بقايا همس]

طبعا مطعما هارديز استغفر الله اكلهم موشي كلش واذكر مره طلبت جاتني الوجبه كلها ماي ولاعت جبدي وعاد حدث ولا حرج شنو سوين فيها الله اعلم وفي طبعا مطاعم مثله واردى....

 

[زوجي نظر عيوني]

اسوء مطعم وتوبه بعد اروح له بو مزيان المغربي اللي في برج جاسم المنيو شي واللي انا شي والسلطه زفره والمقبلات لنا من غير خبز والطاوله اللي يمنا بخبز استغفر الله لوعه
ونايف بعد ماحب اكله
وباباجونز كنت اتنسى فيه وللحين احس زفرت اجنحة الدجاج لما امر صوبه

واحسن المطاعم التسيمو اللي في برج النصار صج روعه

 

[الثمينه]

مطعم مراااكش اللي بأبراج عاليه وغاليه

و


مطعم فريج عقــااب



اســـوووء مطعميـــن اكلهم يالله لك الحمد بس

 

[ناسـفــه^البـرقــع]

مرة طلبت من الطازج اللي بالفروانيه سحور
طالبين عيش ودجاج والله العظيم يا بنات ان الاكل من كثر ما هو بااااااايت الدجاجه لازقه ومحفور شكلها على العيش

وقيصر اللي بالفحيحيل.....وماكدونالدز صج يهبل بس مرات لازم الطلب ناقص

شكلنا بنصفى على توست محشي جبن وبفك سفينه وعصير سانكيست :krkrkr:​