أشلون تقسمين معاشج؟؟؟؟

[mahawe]

أنا صراحه أبي أسافر بصيف وقايله أبي أيمع من هشهر ومن قبل فترة كنت قاريه موضوع حق وحدة من العضوات عن كيفية تقسيم المعاش فيليت أتساعددوني بلييييييزززززز

 

[CaRaMeLaH]

أنا بعد بيمع من معاشي بس أبي أخلص من الجمعيه إلي داشتها
شنسوي كل شهر يطلع شي
وهالشهر بقط على سيارتي موديتها الوكاله سيرفيش ومادري شنو فيها خربان
حبيبتي سيارتي

أنا مره قريت وحده تشيل مبلغ من معاشها
وتقسم باجي معاشها بأظرف حق مصروف كل إسبوع
أربع اسابيع بأربع أظرف
وكل إسبوع تبطل ظرف

ونصيحه إذا عندج سياره دقي على بترو نت وطلبي مالت البنزين
أنا عندي هوندا أكورد سته سلندرآخذ بطاقه 15 دينار ورسومها نص دينار
يعني تشترينها 15 ونص وتعبين سيارتج ب 15 دينار
تكفيني طووووووووووول الشهر
هذي تفيدج حتى لو فسفستي فلوسج ماتحاتين بنزينج
ولا تطرين تاخذين من الفلوس إلي خاشتهم
وأحسن لج سوي إستقطاع من معاشج خشي أو دشي جمعيه تفيدج حق السفره

 

[supermarket]

الموضوع خاص بالعضوة

@الرسامة@

وان شاء الله تلقينه سوي سيرج

 

[كيوت_25]

هذا الرابط حبيبتي و ادعيلي

http://www.q8yat.net/showthread.php?t=3809&page=1

 

[mahawe]

مشكورين ومااقصرتوو على الردود الطيبة والله ينولكم الي في بالكم يارب

 

[أحب ترابها]

انصحج ادشين جمعيه وتستلمينها آخر وحده علشان تسافرين فيها علي طول علشلن ماتصرفينها باشياء ثانيه

 

[SILVER ROSE]

مشكورين

 

[درة الكويت*2]

واايد فكرتج حلوة كراميلا أقصد فكرة أظرف اللأسابيع

 

[درة الكويت*2]

يعطيكم العافية على الموضوع الحلو
أنا عن نفسي داشة في جمعية واسوي استقطاع من معاشي لحساب التوفير اللي ماقدر اسحب منه بسهولة ، لكن عندي مشكلة في تنظيم مصروفات الجيب والنثريات مااعرف شلون أرتبهم ،، يعني باقي المعاش يروح مثل شربة المية كأنّ مافي بركة
استغفر الله العظيم وأتوب اليه