لاحظت تباين أساليب التعامل مع الخادمه في مواضيع كثيره في المنتدى بعضهم تضربها ولاحول ولاقوة الا بالله وبعضهم معطينها الحريه بزياده فحبيت افيدكم بها الموضوع بدون افراط او تفريط
هل احتاج للخادمه
السؤال اللي لازم تسألينه نفسك قبل التقديم على الخادمه هل انتي فعلا بحاجه لها ؟؟
لاتقارني نفسك بالغير لان فلانه عندها خدامه ليش انا مااجيبها الخادمه شر لابد منه عند المحتاجات لها فعلا اللي بيتها كبير او موظفه او مريضه فالمساله مو تباهي بالعكس الخادمه تقيدك في كثير من حرياتك خاصه مع زوجك فلا بد انك تفكرين مليون مره قبل ماتدخلينها بيتك ، واذا قررتي تستقدمينها الافضل لك ماتاخذين خادمه احد متنازل عنها لانها يمكن تكون سببت مشاكل لكفيلها وتنازل عنها بدون مايبلغك والخادمه اللي تكون مشتغله بدولتك قبل افضل من اللي مااشتغلت والمتزوجه افضل من العازبه.
اول ماتوصل الخادمه
طبعا لازم تكونين مجهزه لها ملابس اللي تبينها تلبسها بالبيت وخارج البيت وكل المستحضرات اللي تحتاجها شامبو وكريم ......الخ
وافتحي شنطتها اللي جايبتها معها واسمحي لها تاخذ ملابسها الداخليه وادويتها واوراق الرسائل والاشياء اللي تشوفينها تحتاج لها فعلا وبعدين سكري الشنطه وقفليها وخزنيها في مكان ماتوصل له وبلغيها انك بتعطينها شنطتها اذا جاء موعد سفرها
التعامل مع الخادمه
ابدأي تعاملك معها بلطف وقولي لها اذا صرتي زينه في الشغل راح تصيرين مثل اختي >>لاتقولون تراها خادمه مابقى وماادري وشنو هي ادميه ولافضل بينها وبينك الا بالتقوى ومااحد يدري يمكن الزمن ينقلب لاسمح الله ونكون في مكانها.
استخدمي نظام العلاوات
قولي لها اذا اشتغلتي الشهر هذا زين راح ازيدك فلوس لاتحددين كم بتعطينها لانه يعتمد على ميزانيتك وعلى شغلها واذا كان عندك مناسبه وكان شغلها ممتاز اعطيها فلوس المبلغ اللي تقدرين عليه علشان تحس ان فيه احد قدر شغلها يعني دينار او اكثر ماراح تضرك غير انها صدقه والاجر عند رب العالمين.
عامليها كإنسان
اشتري لها ملابس بالعيد علشان تفرح والمحلات الرخيصه كثيره واللي بنظرك رخيص عندهم غالي
اشتري لها الاكل اللي تحبه لو مره بالسنه.
عامليها بجد
الجد مايعني صراخ وسب لا قولي اللي تبين بهدوء والفاظ محترمه.
المحظورات
لاتدخل غرفتك ابدااااا حتى لو كان فيها شغل كثير انتي بتلقين وقت تشتغلينه
لاتغسل ملابسك الداخليه واللانجري
لاتلبسين عندها ملابس مشخلعه لانه حرام
تعامل زوجك معها رسمي فقط
يعني الراتب والعلاوات انتي تعطينها والشغل انتي تأمرينها علشان ماتزود الميانه مع زوجك حتى لو كان يبي منها شغل روحي انتي وبلغيها.
علمي أطفالك احترامها
الاحظ كثير من الاطفال في المناسبات يتلفظون على الخادمه واذا قلنا لامهم تقول عااادي هذي خدامه !!
هذي الانسانه ماتركت بلدها واطفالها الا علشان تكسب رزقها فليه نعسر عليها ونسمح للاطفال بهذا التصرف غير انه سوء ادب راح يتمادون ويتلفظون على اي شخص ادنى منهم.
لاتهددينها بعقاب قوي
واهم شي لاتقولين لها ماراح تاخذين راتبك كامل لانها مغتربه علشانه والا أردج المكتب وغيره لان الاسلوب هذا لو نفع مع خادمه ماراح ينفع مع الثانيه وانتي او اطفالك لاقدر الله راح تدفعون الثمن
وكثيرما نسمع مأسي كلها بسبب تعامل الكفيل السيء مع الخادمه ولالالالالا تضربينها لانك راح تكسبين عداوتها غير الذنب العظيم اللي تحصدينه.
اسلوب العقاب
اذا اخطأت اول مره سامحيها واضغطي على نفسك وقولي هالمره راح اسامحك بس ماتعيدينها مره ثانيه هي راح تفرح واذا عادت الغلطه قولي اذا ماتبين تشغلين اوكيه راح أرجعج المكتب وراح تتنازل وترجع لشغلها او خلي التعامل معها على المكتب لان الخادمه اذا عصبت وكرهت الشغل راح تسوي اي شي علشان تسافر علشان جذيه اذا مانفع معها اي حل خليها تسافر افضل لك.
عند سفرها
طبعا تكونين جمعتي لها ملابس زائده عن حاجتك انتي واطفالك بس تكونين غاسلتها قبل وحلويات لأطفالها واحتسبي الاجر بس لا تفتشينها تفتيش شخصي احترام لكرامتها ارسليها في شغل طويل او عند بيت اهلك او جيرانك وادخلي غرفتها وفتشيها زييين بعدين اذا رجعت طلعي لها الشنطه اللي اخذتيها منها وخليها تحط اغراضها فيها وانتي تشوفين بس سوي نفسك انك بتساعدينها وخلي عينك عليها حتى تروح للمطار.
ان شاء الله تستفيدون من الموضوع واللي عندها اضافه ياليت تضيفها ونستفيد
هل احتاج للخادمه
السؤال اللي لازم تسألينه نفسك قبل التقديم على الخادمه هل انتي فعلا بحاجه لها ؟؟
لاتقارني نفسك بالغير لان فلانه عندها خدامه ليش انا مااجيبها الخادمه شر لابد منه عند المحتاجات لها فعلا اللي بيتها كبير او موظفه او مريضه فالمساله مو تباهي بالعكس الخادمه تقيدك في كثير من حرياتك خاصه مع زوجك فلا بد انك تفكرين مليون مره قبل ماتدخلينها بيتك ، واذا قررتي تستقدمينها الافضل لك ماتاخذين خادمه احد متنازل عنها لانها يمكن تكون سببت مشاكل لكفيلها وتنازل عنها بدون مايبلغك والخادمه اللي تكون مشتغله بدولتك قبل افضل من اللي مااشتغلت والمتزوجه افضل من العازبه.
اول ماتوصل الخادمه
طبعا لازم تكونين مجهزه لها ملابس اللي تبينها تلبسها بالبيت وخارج البيت وكل المستحضرات اللي تحتاجها شامبو وكريم ......الخ
وافتحي شنطتها اللي جايبتها معها واسمحي لها تاخذ ملابسها الداخليه وادويتها واوراق الرسائل والاشياء اللي تشوفينها تحتاج لها فعلا وبعدين سكري الشنطه وقفليها وخزنيها في مكان ماتوصل له وبلغيها انك بتعطينها شنطتها اذا جاء موعد سفرها
التعامل مع الخادمه
ابدأي تعاملك معها بلطف وقولي لها اذا صرتي زينه في الشغل راح تصيرين مثل اختي >>لاتقولون تراها خادمه مابقى وماادري وشنو هي ادميه ولافضل بينها وبينك الا بالتقوى ومااحد يدري يمكن الزمن ينقلب لاسمح الله ونكون في مكانها.
استخدمي نظام العلاوات
قولي لها اذا اشتغلتي الشهر هذا زين راح ازيدك فلوس لاتحددين كم بتعطينها لانه يعتمد على ميزانيتك وعلى شغلها واذا كان عندك مناسبه وكان شغلها ممتاز اعطيها فلوس المبلغ اللي تقدرين عليه علشان تحس ان فيه احد قدر شغلها يعني دينار او اكثر ماراح تضرك غير انها صدقه والاجر عند رب العالمين.
عامليها كإنسان
اشتري لها ملابس بالعيد علشان تفرح والمحلات الرخيصه كثيره واللي بنظرك رخيص عندهم غالي
اشتري لها الاكل اللي تحبه لو مره بالسنه.
عامليها بجد
الجد مايعني صراخ وسب لا قولي اللي تبين بهدوء والفاظ محترمه.
المحظورات
لاتدخل غرفتك ابدااااا حتى لو كان فيها شغل كثير انتي بتلقين وقت تشتغلينه
لاتغسل ملابسك الداخليه واللانجري
لاتلبسين عندها ملابس مشخلعه لانه حرام
تعامل زوجك معها رسمي فقط
يعني الراتب والعلاوات انتي تعطينها والشغل انتي تأمرينها علشان ماتزود الميانه مع زوجك حتى لو كان يبي منها شغل روحي انتي وبلغيها.
علمي أطفالك احترامها
الاحظ كثير من الاطفال في المناسبات يتلفظون على الخادمه واذا قلنا لامهم تقول عااادي هذي خدامه !!
هذي الانسانه ماتركت بلدها واطفالها الا علشان تكسب رزقها فليه نعسر عليها ونسمح للاطفال بهذا التصرف غير انه سوء ادب راح يتمادون ويتلفظون على اي شخص ادنى منهم.
لاتهددينها بعقاب قوي
واهم شي لاتقولين لها ماراح تاخذين راتبك كامل لانها مغتربه علشانه والا أردج المكتب وغيره لان الاسلوب هذا لو نفع مع خادمه ماراح ينفع مع الثانيه وانتي او اطفالك لاقدر الله راح تدفعون الثمن
وكثيرما نسمع مأسي كلها بسبب تعامل الكفيل السيء مع الخادمه ولالالالالا تضربينها لانك راح تكسبين عداوتها غير الذنب العظيم اللي تحصدينه.
اسلوب العقاب
اذا اخطأت اول مره سامحيها واضغطي على نفسك وقولي هالمره راح اسامحك بس ماتعيدينها مره ثانيه هي راح تفرح واذا عادت الغلطه قولي اذا ماتبين تشغلين اوكيه راح أرجعج المكتب وراح تتنازل وترجع لشغلها او خلي التعامل معها على المكتب لان الخادمه اذا عصبت وكرهت الشغل راح تسوي اي شي علشان تسافر علشان جذيه اذا مانفع معها اي حل خليها تسافر افضل لك.
عند سفرها
طبعا تكونين جمعتي لها ملابس زائده عن حاجتك انتي واطفالك بس تكونين غاسلتها قبل وحلويات لأطفالها واحتسبي الاجر بس لا تفتشينها تفتيش شخصي احترام لكرامتها ارسليها في شغل طويل او عند بيت اهلك او جيرانك وادخلي غرفتها وفتشيها زييين بعدين اذا رجعت طلعي لها الشنطه اللي اخذتيها منها وخليها تحط اغراضها فيها وانتي تشوفين بس سوي نفسك انك بتساعدينها وخلي عينك عليها حتى تروح للمطار.
ان شاء الله تستفيدون من الموضوع واللي عندها اضافه ياليت تضيفها ونستفيد
