شوربة الخضار :
المقادير :
كل الخضرة الموجودة بالبيت بس مقطعة صغااار او مفرومة ..
انا احط ..
جزر مبشور - كوسا - بطاط - ذرة - بصل
اذا تحبون معكرونة الحروف او شعربة .. انا اشوف ماله داعي لأني اصلا ماحبها ..
اذا تحبون بعد قفشتين شوفان وايد مفيد ..
مكعب ماجي او 2 حسب الكمية اللي مسوينها .. ان احط 2 لأن اسوي وايد كل البيت يحبها ..
6-8 قلاصات ماي ..
بهار شوية ..
فلفل اسود - ليمون ..
نص قلاص ماي مذوب فيه نشا علشان يعطي ثقل للشوربة .. كمية النشا حسب الرغبة اذا حسيتوا الشوربة خفيفة زيدوا النشا ..
الطريقة ..
ما تبي شي ..
تفوحون الخضرة بالماي .. مع الشوفان
مع الماجي والبهار ..
لي استوت الخضرة ..
تحطون المعكرونة شوي تستوي ..
بعدين الماي اللي مذوب فيه النشا ..
تخلونها تطبخ شوي لين تثقل ..
اخر شي تصبون عليها ليمون ..
وبالعافية ..
ترى اليهال يحبونها لأن كلشي مبشور ما تبين معالمها .. ولذيذة ..
شوربة البروكلي .. (وااااااايد مفيدة البروكلي غني عن التعريف)
المقادير ..
بروكلي طازج او مثلج
مكعب ماجي ..
شوفان .. حسب الرغبة قفشة او قفشتين كبار كافي
كريمة كي دي دي ..
جبن .. اي نوع (قلاص - مثلث )
جبن شيدر مبشور
ملح - بهار
الطريقة ..
تفوحون البروكلي مع الماي والشوفان والماجي ..
تالي بالخلاط مع الجبن..
لي خلطتوه .. تردونه على النار ..
تحطون الكريمة .. والجبن الشيدر ..
واذا تبونه ثقيل ماي مذوب فيه نشا ..
تطبخ شوية لين تثقل .. تعادلون قياس الملح ..
وبالعافية ..
وتضيفين عليها جبن مقصص وتخلطين
