أفضل صالون لصبغ الشعر (الـكـل يـشـارك)

[نفيشه]

مشاركة: أفضــــــل صالـــــون لصبـــــغ الشعـــــــر

انا توني صابغة في بيربل ديزاين مال زهراء القاسم وايد عجبتني الصبغة اللون اللي ابيه بالضبط صبغت لي وحده لبنانية مع اني كنت صابغة من قبل وصبغتي طايلة بس كلش مو مبين وايد نظيف شغلها سوت لي خصل وبيس وضبطته مع اللي قبل فصار متداخل مايبين وماحس طولت لم اكنت اصبغ بالشيراتون كنت اطول وايد اكثر
يعني ابتدت في شعري اربع ونص خلصنا الساعة 6 خصل وبيس طبعا
واسعارهم اذا تعديل للصبغة ب35 انا عدلتها بس من فوق بهالسعر واذا كامل اكيد اغلى

 

[جونا]

مشاركة: أفضــــــل صالـــــون لصبـــــغ الشعـــــــر

انا حالتي حالة صبغت شعري اسود وبغيت افتح لونه شريتلي صبغة فاتحة من الجمعية وحطيتها
جذور شعري صار لونهم اشقر والباجي ظل اسود
وقبل لا اصبغ سألت عند صالون قالولي انسي شعرج ينصبغ!
تهقون فيه حل حق مشكلتي من غير سحب لون

 

[amooosha]

مشاركة: أفضــــــل صالـــــون لصبـــــغ الشعـــــــر

السلام عليكم

رد على الاخت جونا

انا صارتلي نفس مشكلتج قبل 4 سنوات تقريبا

بس شسويت صبغت شعري عنابي قامج كانوا هابين فيه وقتها
عقب

صبغته بني قامج ليمن وصلت للون اللي ابيه

نصيحه لا تسحبين لون ترى شعرج بينهري ويتقطع حرام

 

[جونا]

مشاركة: أفضــــــل صالـــــون لصبـــــغ الشعـــــــر

السلام عليكم

رد على الاخت جونا

انا صارتلي نفس مشكلتج قبل 4 سنوات تقريبا

بس شسويت صبغت شعري عنابي قامج كانوا هابين فيه وقتها
عقب

صبغته بني قامج ليمن وصلت للون اللي ابيه

نصيحه لا تسحبين لون ترى شعرج بينهري ويتقطع حرام

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مشكورة بعد عمري على ردج
انا مثل ماقلتي اخاف من السحب لان بروحه شعري وايد صاير ناشف يعني مو ناقص
دقيت على صالون لافينوس قالتلي اصبغلج ياه صبغة وحدة بس ألوان الكستنائي
بروحلهم على الاقل تعدل شعري بدال ما اهوة كوكتيل طبقات​

 

[Harmony]

مشاركة: أفضــــــل صالـــــون لصبـــــغ الشعـــــــر

جوانا روحى صالون لامود اليرموك عند راضية تسنع شعرج شوف عيني وحدة من تخبص الصبغ و الحنا صاير لون شعرها درجات اخضر مسكينه سنعته لها راضية بدون سحب لون و طلعته لون كاكاو اينن ما شاء الله لدرجة المره مو مصدقة قعدت اتبحلق بالمنظرة و تقولب براسها

 

[نملة^فاصلة]

مشاركة: أفضــــــل صالـــــون لصبـــــغ الشعـــــــر

تبين تصبغين اشقرات روحي لابلوبيل انا صابغه نفس الصوره اللي حاطتها بالضبط ونفس القصه تعرفين اشكثر مدوخيني على اللون

 

[Om Khaloody]

مشاركة: أفضــــــل صالـــــون لصبـــــغ الشعـــــــر

أنا أصبغ بصالون كريستال عند نور الرومانيه ومنى السوريه بعد أتينن

 

[جونا]

مشاركة: أفضــــــل صالـــــون لصبـــــغ الشعـــــــر

هارموني مشكورة
نملة فاصلة : اللون عجيب بس مايلوق البلاتيني على كل وحدة وانا بني يقولولي مايصير هالمرة اشقر وين صاير لابلوبيل وعند منو حق المستقبل وااي ياربي ما اتوب من الاصباغ شكلي راح اصلع اخر شي :/

 

[كويتية كول]

مشاركة: أفضــــــل صالـــــون لصبـــــغ الشعـــــــر

جونا بالشعب البحري يم دونت كنج ويم صالون سمايل للمنيرة عاشور قبال حديقة الشعب
والله انا صبغت بكرستال عند رنو موطبيعي حلو بس شوي خصل كانو بس نهيبه خذت مني 85 دينار

 

[جونا]

مشاركة: أفضــــــل صالـــــون لصبـــــغ الشعـــــــر

مشكورة كويتية كول
كلهم نهيبة بس انا مشكلتي ان شعري 3 الوان الجذور فاتحين على ذهبي وبالنص بني غامج والاطراف اسود وانا الحين فقدت الامل بس ابيه بني لون واحد مابي خصل مولازم حتى فكرت ارد اصبغه اسود بس مو حلو علي كلش لان لون شعري الاصلي مو اسود
رحت لافينوس عند سونيا شافت شعري قالت اغملج الجذور واطلعلج خصل ضعاف تبين شعرج افتح بس انا مو مقتنعة يعني الاطراف راح تظل سودة وبعد ماحب الخصل الضعااااف احس جنه الشعر محترق

 

[نملة^فاصلة]

مشاركة: أفضــــــل صالـــــون لصبـــــغ الشعـــــــر

حبيبتي هارموني صالون لا بلوبيل اذا دشيتي راح تشوفين شغالين على الصبغ ولازم تحجزين وهو خلف حديقة الشعب بالضبط بجانب صالون سمايل مال منيره عاشور.

 

[نملة^فاصلة]

مشاركة: أفضــــــل صالـــــون لصبـــــغ الشعـــــــر

نسيت شغله ثانيه واهي لون شعري ما ينصبغ من اول مره لا على ثلاث مرات هاي لايت وكل مره ازيد الخصل بس روعه اللون وايد سكسي صدقيني .

 

[hassawia]

مشاركة: أفضــــــل صالـــــون لصبـــــغ الشعـــــــر

احسن صالون للصبغ سفير صج غالي بس كل وحده تشوفه تسالج وين انتي صابغه شعرج

 

[حبيب قلبي]

مشاركة: أفضــــــل صالـــــون لصبـــــغ الشعـــــــر

بنات شنو الون الى الحين هابين فية غير البنى الكاكاوى لانى تونى صابغته ابى اغير .

 

[مستقبلي احلى]

مشاركة: أفضــــــل صالـــــون لصبـــــغ الشعـــــــر

بنات صالون ديزيريه
اي صوب بالضبط ويا حبذا لو بعد تلفونهم

 

[أسيل]

مشاركة: أفضــــــل صالـــــون لصبـــــغ الشعـــــــر

انا ابي اصبغ خصل بس على لون شعري الاسود طبيعي بس مو حييييل اسود يعطيج على بني غااااامج بس محتاره اي لون وشنو الموضه بالخصل والصبغ وشنورايكم بلونين خصل على لون الشعر الاسود طبيعي

 

[نوار***]

رد: أفضــــــل صالـــــون لصبـــــغ الشعـــــــر

منو تعرف وحده تصبغ عدل في البيت (خدمة منازل) في المنطقة العاشرة لأن كل اللي أعرفهم صبغهم مو حلو؟

 

[مجرد شعور]

رد: أفضــــــل صالـــــون لصبـــــغ الشعـــــــر

مرحبا بنات

خووووش موضوع ... ابي مساااااعدتكم .. فديتكم ...

بعد شهر عندنا عرس واول مرة بصبغ ... ابي اعرف شنو اللون اللي اصبغه؟؟

علما بان لون بشرتي لا ابيض ولا اسود حنطاوي فاتح

ولون بدلتي نحاسي مع بدجاني ..؟؟

بانتظاركم بنات وبانتظار فزعتكم

 

[كويتية كول]

رد: أفضــــــل صالـــــون لصبـــــغ الشعـــــــر

نجمة شنو بتصبغين على لون بدلتج خخخ
بنات منو تعرف التركيه الي تشتغل بالشيراتون شغلها حلو والله لا
نجمة اسفه عمري امزح معاج ترى ياقلبي موتزعلين .

 

[ألماس]

رد: أفضــــــل صالـــــون لصبـــــغ الشعـــــــر

السلام عليكم ورحمة الله وبركاته

ومشكورين خواتي على الموضوع اللي صج يستحق الطرح

بس ممكن تقوليلي Dancing ^ Queen

وين مكان صالون لوريزون أو رقم تلفونه

إذا ما عليج أمر حياتي​