أفـــكـــارنـــا لخـــبرة .. اســرتي .. واقـــاربي .. وجــيرانــي

[ابيار]

حبيبتي عهود الحب مثل ما تعودنا منج ما تقصرين

بس شنو افكارج للحلقتين ؟
احس مخي مقفل

 

[عهود الحب]

اهمية المنزل


تستدلين من خلال قصة يعني تحطين مشكلة للطفل حتى يحلها
كنت مجهزة مثير قصة بالصور المنسدلة على خلفية ثابته عندي

الخلفية لونين يعني سما و ارض

انزل صورة طفلة بالحديقة ويلعب معها العصافير والارانب
في نهاية النهار
عاد العصفور لعشه والارنب لجحره
وظلت الطفلة وحيدة بالحديقة


أحست بالخوف وفجأة سمعت صوت مخيف [ ارفقه بصوت رعد ]
وامطرت السماء [ انزل غيوم ومعاها قطرات مطر ]
ماذا تفعل ؟
الاطفال بيحلون المشكلة بذهابها للبيت



لازم تكون نبرات صوتج معبرة عن الفرحة بالاول ثم بالمفاجأة والخوف من الوحدة والمطر

رددي معاهم دخول المنزل

البحث بالاركان عن مصورات تعبر عن اهمية المنزل
من خلال لعبة
اي لعبة عندج انتي معلمة عيالج عليها يلعبونها معاج ويحضرون لج المصورات
بعدها لاااااازم تناقشين الصور صورة صورة وتتركين للطفل فرصة يعبر عن الصورة باسلوبه
تدخلين بالوطني من وفر لنا البيوت ؟
اذا عندج مجسمات بيوت وزعيها عالاطفال بداخلها اوراق فيها اسئلة
اسألي الاطفال هالاسئلة كمراجعة للنشاط


ممكن تحطين اغنية بيتي كبير بيتي صغير بيتي اكبر من بيتك ] اغاني الحضانة قبل اذا تعرفينها

ممكن تلعبون مسابقة تركيب صورة بيت او تركيب الصور المعبرة عن اهمية المنزل



اما اذا كان قصدج الحلقة عن صورة بيت
فخطوات الصورة معروفة

 

[KG-Teacher]

ابي منبه لدرس يتعرف على صورة جده
يحترم من هم اكبر منه سنا
يشارك بمسابقة جماعية مع زملائة

ابي منبه غير عن النظارة و العصاية ياربي احس اليهال ماراح يوصلون الى انهم من ادوات اليدة بسهولة لان اليدات الحين مو مال عصي ونظارات


وابي سير الحلقة بليييييييييييييز​

 

[عهود الحب]

حبيبتي يالغالية
يتعرف على صورة جده ؟؟
صعبة شوي
لأنه كل واحد من الاطفال له جد غير
يعني الدرس مادري اخاف ينتقدونج
المشرفة شافت اهدافج


اذا قصدج تحققيق هدف صورة جد فمن الافضل تبتعدين عن صور الاشخاص صعبة مثل ماشرحت لج
اختاري صورة اسرة أو بيت افضل

 

[KG-Teacher]

حبيبتي يالغالية
يتعرف على صورة جده ؟؟
صعبة شوي
لأنه كل واحد من الاطفال له جد غير
يعني الدرس مادري اخاف ينتقدونج
المشرفة شافت اهدافج


اذا قصدج تحققيق هدف صورة جد فمن الافضل تبتعدين عن صور الاشخاص صعبة مثل ماشرحت لج
اختاري صورة اسرة أو بيت افضل

اشكرج على الرد حبيبتي عهود

وايي شافت اهدافي ووافقت عليهم



انا اقدر اغير بس صورة بيت قدموها الاسبوع اللي طاف

يعني اذا بحط صورة اسره او جيران او اصدقاء

شنو ممكن احط لهم منبه احسهم صعبين ياربي:eh_s(1):

 

[عهود الحب]

اذا شافتها ووافقت عليها امرها غريب :/


صورة بيت روعة وسهلة
وهم صورة اسرة احلى واحلى

 

[عهود الحب]

انا حطيت مثيري
صورة اسرة مغلفة حراري ومقطعتها اجزاء صغيرة
وعن طريق لعبة ركباناها
داخل برواز يعني اطار الصورة

وفي طريقة ثانية صور اشخاص مظللين بس الصورة لازم داخل ملف او مغلفه وتظللينها
بالوان السبورة وتمسحين شوي شوي كل مايطلع شخص تناقشينهم الين يصبح عندج عدة اشخاص
ويتوصلون الى انهم اسرة

 

[وحده من العرب]

السلاااااااااام عليييييكم

شلونكم شخباركم ..

عندي حلقة يوم الاحد : يتعرف على اقاربه /يحرص على صلة الرحم/ينفذ تعليمات المعلمه

وحدي متوهقه مادري شلون اسويها تكفوون ساعدوني

 

[شمووووع الليل]

عندي مطبخ الاحد شنو اسوي للخبرة اسرتي وربي متوهقة

 

[Miss Spone]

عندي حلقة يوم الاحد : يتعرف على اقاربه /يحرص على صلة الرحم/ينفذ تعليمات المعلمه

نفس الاهداف وانا معلمة يديدة محتاجة افكاركم الحلوة

 

[الخوحه]

عادي يا قلبي يا عهوود خيرها بغيرها

وانتي اصلا ما تقصرين مع الكل الله يجعله في ميزان حسناتج يارب ويوفقج دنيا واخره

بنات عندي درس يتعرف على صورة جيران شنو اقدم منبه

 

[Eva-SS]

انا بعد درسي عن الجيران واحتمال كبير تدش علي الناظرة ودي بمنبه حلو

 

[fofowa_q8]

قوه بنات

انا درسي صورة جيران ودي بمنبه قوي وحلو

ويزاكم الله خير

 

[fofowa_q8]

المطبخ تقدرين تسوين التوسته على شكل بيت

 

[شمووووع الليل]

عندي حلقة يتعرف على مفهوم الجوار والاجتماعي يحافظ على ممتلكات الجيران والحركي يبني بيت من المكعبات

 

[الحياة]

حلوة تسوينها مثل قصة حق الجوار وتخلينه انه في بيت يم بيتنا بابه مفتوح والناس لاللي داخله مو موجودين شنسوي لازم نبلغ الشرطة ويسالنا الشرطي منو هذيله بنقولهم جيرانا
وفي قصة بالبرمجيات عن الجوار نفس هالفكرة حرامي ونط البيت حلوة تفيدج

 

[Ťђё Ĕηđ]

بناااااااااااات درسي يتعرف على مفهوم الجوار ويشارك زملائه بالمسابقات ويبني بيت من المكعبات

واللي يعاافيكم شنو ممكن اسوي منبه ؟؟؟

بعدين شنو ممكن اتكلم عنه ؟؟؟

والمسابقات شنو احط ؟؟؟؟

 

[شمووووع الليل]

نفس درسي بس الاجتماعي غير ياليت احد يساعدنا

 

[Ťђё Ĕηđ]

وينكم بنااااااات ؟؟؟

 

[*candygirl*]

اي حتى انا يتعرف على مفهوم الجيران
ماني عارفه شسوي مخي مقفل
الي قالت على المغناطيس اشلون نحط شريط مخناطيس بالورقه البيضه قصده نحدده؟؟