أفكاركم && وخبراتكم بالقـــرقيـــعــان

[xxx]

السلام عليكم

شلونكم بنااااااات

يلا نبي همتكم معاناااااااا

مابقى شي على رمضان عسى الله يعوده علينا وعليكم

ونبي أفكار جديده وحلـــــــوة للقرقيعان ؟؟

والي تعرف محلات تبيع شغلات حلوة تقولنا عليها ؟؟

 

[Dancing^Queen]

رد : أفكاركم && وخبراتكم بالقـــرقيـــعــان

دشداشه الصبي اللي فوق شايفتها بخيطان ايشوقووووووون حق الصبيان
انا بالنسبه لي الصراحه متردده بين اني اسوي او ما اسوي
كنت مهونه
لكن لما اييبون طاري القرقيان يمدحون اللي سويته السنه اللي طافت حيل
فارد اتحسف
لكن ماااااااااالي خلللللللللللللللق التعب كللللش

 

[xxx]

رد : أفكاركم && وخبراتكم بالقـــرقيـــعــان

هلا كوين ..

والله انا مثلج مالي خلق الدواره

بس ياربي صارت عاده لازم كل سنه تعودنا

 

[Dancing^Queen]

رد : أفكاركم && وخبراتكم بالقـــرقيـــعــان

ماكو الا نروح السرداب مال نفوش ورفرف

 

[xxx]

رد : أفكاركم && وخبراتكم بالقـــرقيـــعــان

اي والله انا ميته اشوفه

عاد عسى ادله

 

[رفرف]

رد : أفكاركم && وخبراتكم بالقـــرقيـــعــان

بنوتة ترى سهل مايبي دلالة ..
وحتى اذا لج خلق وذوقج حلو تسوين ككاو البيبي هم عندهم سوالف حلوة ...


انا عن نفسي ماعندي افكار ابي شي عالجاهز او اكرف نفوشه تسوي قرقيعاني

 

[xxx]

رد : أفكاركم && وخبراتكم بالقـــرقيـــعــان

اليوم اسولف مع جوريه كنت ناويه اروح

بس دايخه مالي خلق

امي رايحه المعلم بحولي تقول منزلين شغلات حق القرقيعان موطبيعيه

شي احلى من شي

هم مبروح اتطمش

 

[^SwEeTa^]

رد : أفكاركم && وخبراتكم بالقـــرقيـــعــان

واي ما شاء الله عليكم

لكم خلق

انا مالي خلق القرقيعان هالسنه بالمره

ماني مسويه شي كلش ملش .. ما تسوى الفراره

 

[xxx]

رد : أفكاركم && وخبراتكم بالقـــرقيـــعــان

شنسوي سويتا تعودنا على اللويه والحوسه

>>> متعوده دايماااااااا

 

[رفرف]

رد : أفكاركم && وخبراتكم بالقـــرقيـــعــان

بنوتة ترى السرداب فيه كل سوالف المعلم على اكثر شوية ...

 

[حبنا الله عليه]

رد : أفكاركم && وخبراتكم بالقـــرقيـــعــان

والله بنات انا اقول لو تروحون حق الشويخ ورى سوق الميره تلقون كل شيء
واسعارهم زينه وتخلطين انتي بكيفج .. هذا للقرقيعان نفسه

وعن البقش والأجياس ترى بو 100 ينزلون مرات شغلات كشخه
اذكر العام شرينا منهم بقش مكشكشه وعليها ورده ستان كبيره
وشكلها راقي واكثر ماتقولون بو 100 وحطينا فيها الخلطات ... طلع حلو وغير مكلف وهم مره لقيت بالمعلم صناديق صغيره وبلمعه وهم على100 .

ولاتنسون كل ماكان الشغل بسيط كان احلى الحين الناس طايحه بشغلات من المكتبات غاليه وفخفخه على الفاضي ماتسوووى السالفه


​

 

[xxx]

رد : أفكاركم && وخبراتكم بالقـــرقيـــعــان

هلا حبنا الله عليه

هالسوالف حلوة لليهال

بس الكبار يبيلهم شي غير

 

[**فلونه**]

رد : أفكاركم && وخبراتكم بالقـــرقيـــعــان

خوش موضوع ............بس بنات وين السرداب اللي قلتوا عنه .........زاي صوب بروح ادور .....زوعلى فكره رامز اللي بشويخ عنده فضيات حلوه على 500 فلس ...........شوفوا

بنات انا اهم شي عندي بالقرقيعان صور اليهال ..........ودي اصورهم بشي غريب شوي ....اول سنه لبستهم دشاديش معاهم السديري وصورتهم ........وثاني سنه وزار وجريمبه .....شحلوهم ....اللحين ودي البسهم اللبس السعودي ( جنا اسمه الجنادريه ) ....شريكم ؟؟؟

 

[شمس و قمر]

رد : أفكاركم && وخبراتكم بالقـــرقيـــعــان

انا الي صججججج متوهقه

بنوتي اول قرقيعان لها وكل الناس متوقعين شي غييييير

وانا غشيمه

حتى لبس قرقيعان ماشريتلها مدري وين القاه

والسرداب الي تقولون عنه الي بحولي بشارع المطافي؟؟؟؟؟؟

 

[xxx]

رد : أفكاركم && وخبراتكم بالقـــرقيـــعــان

فلووونه فكره اتيين لبس الجنادريه

هلا مطلع الشمس

اي بشارع المطافي مقابل دار الشفاء

اسمه مجمع منيره ....

لبس القرقيعان بمجمع الاوقاف شغلات تهبل

 

[@ الرسامة @]

رد : أفكاركم && وخبراتكم بالقـــرقيـــعــان

والله تبون الصج انا كل مرة افنتك واذبح نفسي علشان القرقيعان

هالمرة لا تعبت نفسي ولا شي


رحت قرطاجة واخذت جياس السدو وبترسهم كاكاو وحب وحلاو وبفك



وحق امي وابوي خذيت مثل مزهرية القش كبيرة وحلوة وبترسها قرقيعان






والله يعينكم

 

[@ الرسامة @]

رد : أفكاركم && وخبراتكم بالقـــرقيـــعــان

اما سالفة لبس القرقيعان


والله لقيت بالاوقاف دشداشة وعليها بشت اسود مثل اللبس السعودي وايد حلوة معاها جيس الحلاو


بس غالي على 20


واهو محل واحد بس اللي لقيت فيه شي حلو والباجي كان عادي

 

[جوريه]

رد : أفكاركم && وخبراتكم بالقـــرقيـــعــان

اليوم انا يايه من السداب والله تا عنده سوالف حلووووووه اللي تحب تتفنن تروح

انا سويت فكرتي بنوته وانشالله بس باقيلي اني اصور اليهال واطبعهم مثل ماقتلج و دراعه بنتي خيطتها موديل عجيب بس انشالله يضبطه لها
وامي ماخذه لها دراعه موديل مغربي ام حزام على السدرمع هامتها من وحده نسويهم يهبل عليهاااااااا

صاجه الرسامه شفت اللبس الولاددي بس نصابه والله على عشرين وحااااااااااااااره بعد للقرقيعان
انا باخذ لولدي انشالله لبس الجناديريه بس مولاقيه مقاسه حسبه لي على 6 ونص

 

[حبنا الله عليه]

رد : أفكاركم && وخبراتكم بالقـــرقيـــعــان

الا على طاري اللبس والله اذكر العام رفيجتي شرت لبناتهااا
خوش دراريع وكشخه
من سوق الحريم

عكس خرابيط الأوقاف غاليه وعلى الهبني موحلوووين
واختي شرت لعيالها لبس الجنادرية من سوق الديره
لا ووياهم خناجرهم بعد
تحلفون مهاره موكويتين

بس كششخه

​

 

[xxx]

رد : أفكاركم && وخبراتكم بالقـــرقيـــعــان

احترنااااا مع هالقرقيعان

الحين الاوقاف يايبين شي ؟