أفكار يديده بقراطيسها للمتزوجات .. ليلة رومانسيه تبهر الزوج

[فاقده حنان ابوه]

وناسه كملي موضوعج يشوق

 

[ام حمد 85]

يسلموووووووووو عسى الله يهنيج في زوجج ويهنيه فيج ويسخركم حق بعض

 

[Sh@5sho5]

اب اب

 

[mi corazon]

باك

صباح الخير ياحلوين

حاولت احلم بجم طريقه ههههههه ... حدي مندمجه ها ؟ فدوه لعيونكم والله

الموهيم
بما اني توني قاعده من النوم تذكرت حركه

ادري ان وايد بنات ما يقرون ... بس علشاني هالمره اقري

يبيلج دفتر حلو وملون وكتبي فيه كلام حلو ومشاعر غامضه

يعني لا تكتبين انج تحبين زوجج بشكل مباشر لا ...

كتبي مثلا .. لا اعرف ماذا اسمي المشاعر التي تتملكني عندما يلمني يده .. اشعر بدفء مع رجفه تسري بأوصالي ومغصه من رأس معدتي .. مازلت احاول الوصول إلى مسمى .. هل هو العشق ام الهيام ( اف تذكرت هويام العوبه ) ... بنات ماعليه انا ابلة عربي بتضحكون علي

ممكن اللي تعرف تكتب شعر تكتب ابيات مو مباشره .. فيها غزل بزوجها ( غيييييير مباشر) .. فيها عتب

وبيوم لي تأخر في الرده نامي عالكنبه وحطي الدفتر في ايدج او خليه مبطل بطريقه عفويه .. تخليه ايله الفضول يشوفه .. لو ريلج يتنح .. يبيله شغل اكثر ممكن تسوين تغليفه للدفتر تسمينه دفتر اسراري .. الريايل فضوليين

او لو مالج خلق هاللويه .. ممكن تيبين روايه رومانسيه او حته كتاب عادي .. وتحطين الدفتر بيدج وتنامين وقطي صورته يمج جنها طايحه من الكتاب بدون قصد .. وممكن تكتبين وداها جم كلمه

وانا على امل انه يحس ..

برب

 

[Roty]

ثنكيو حبييي

استمري


عاد يبين بعينهم

انا حاليا مالي خلق شي لا حركات ولا ماراكات

شسوي شالحل

احس بس مليت

شلون اجدد نفسيتي

 

[mi corazon]

ثنكيو حبييي

استمري


عاد يبين بعينهم

انا حاليا مالي خلق شي لا حركات ولا ماراكات

شسوي شالحل

احس بس مليت

شلون اجدد نفسيتي

اهلين ياحلوه

خلاص اخذي وقت مستقطع

دزيله مسج قوليله الاسبوع الياي راح يكون اسبوعي ..

بمعنى انج تروحين مساج وتاخذينه معاج السينما ( حقج علشان تستانسين وقوليله هالشي)

وسوي حركات تحبينها .. اكو حركات كنتي تسوينها وانتي بنت والحين ما قمتي تسوينها .. نسيتيها؟ ردي سويها

شفتي اللي قلناه كله من البدايه ؟ .. سويه بس حقج انتي مو له
:rerrerek:

واذا تأفف او قال شي .. قوليله ابي اجدد نفسي واسعدها علشان ما احس بفتور بعلاقتنا

وعلشان اقدر اسعدك

عاد والله انا احن عالشايب اللي عندي ابيه يوديني المدينه الترفيهيه موراضي :eh_s(16):

 

[توتا حمرا]

مشكووووورة ويعطيج الف عافية عالموضوع الرووووعة والأفكار الحلوة

 

[جوري 2007]

 

[Sisyphus]

ياحلووووج
وربي روعة و اسلوووبج احلى
تقدمي
سيري ونحن من وراج نركض
نبي القراطيس
ملينا من افكار سوق الجمعة

 

[empress hoor]

موفقههههه

 

[الـــدفـــشـــة]

الموووضوووع يووووووونس

كملـــي فديتج

 

[جـروح]

لايوقف كملي يا مبدعه

 

[Sisyphus]

ابدااااع
واياج

 

[بهبهانيه]

روعه
مشكوره

 

[mi corazon]

باك ياحلوين

انا ضايق خلقي وايد اليوم ... قلت خل افرفش معاكم

وعدتكم بأفكار لغرفة النوم


الفكره الاكثر اثاره للزوج وبسيطه اهي انج تكتبين له عالمنظره بحمره حمره او فوشي ويستحسن لما ماتكونين بالبيت .. يعني بتروحين زواره او بتسبقينه وتروحين الدوام

بس عاد شنو تكتبين ؟؟؟

احبك ؟؟؟ نووووووو لا تكتبين جذي

كتبي ( تحبني ؟)

وقبل ما ترجعين البيت .. دزيله مسج قوليله ابي جواب .. تحبني؟ ولا اتم بمكاني؟

وحق اللي خايفه لا يدقرها ومايرد عليها دخلي عنصر التشويق .. لصقي ورقه عله الباب يشوفه واهو طالع ( حطيه بمكان بارز ) ... وكتبي لك ثلاث امنيات هالاسبوع .. اختار وحده لليوم ... الاختيارات

- اكله
- ستايل معين بخاطرك
- ( .....) مفاجأه من اختياري


وجربي

========

دزيله مسج او لصقي ورقه عالتلفزيون .. وهم يستحسن وانتي بعيده عنه .. حته لو مثلا قاعده تطبخين او تتسبحين المهم مو يمه ( ويستحسن وانتي طالع من الحمام تمرين جدامه بالفوطه وجسمج مبلل مو ناشف ولا تلفين شعرج خليه نازل .. نشفيه وانتي تمشين جدامه بدلع ) ..

كتبي .. اربح جائزة اليوم ( جلسة مساج خاااااصة ... او من اختيارج شي بخاطره ) ... اجب عن الاسئله الآتيه :

- شنو لوني المفضل ؟
- متى عيد ميلادي؟
- شنو أول هدية اهديتها لك ؟

بنات هاللعبة هدفها مبطن .. يعني منها تغيير وتحميس له .. ومنها تخلينه تثبتين بذاكرته الاشياء المهم عندج ميلادج مثلا

بنات موشرط هالطريقه تمشي نفس ماتبين .. انتي واضافاتج حسب شهية ريلج

نيي لغرفة النوم

وايد يعتبرون الورد على الفراش شي رومانسي .. بس كل ما سألت وحده متزوجه تقول لي الريال ما يحب الورد .. بس يشوفه بعدين يقول شيلي هالعفسه

شنو البديل ... حطي خامه تور خفيفه نفس لون الفراش وحطي فوقها الورد .. علشان لي قال شيليه ما تحوسين وانتي شيلين مجرد تلمين اطراف الخامه وهوبا ابدوا ليلتكم بالعافيه

عوديه تحين له قلاص حليب بالعسل او زهورات او حته عصير يحبه يم مكانه عالكومدينه .. ولمن يقرب وقت نومته زيحي طرف اللحاف .. يعني فراشك منتظرك ...

علشان لي بيوم ماكنتي موجوده يحس ان نومته ناقصها شي


جربتوا تغيرون مكان النوم؟

انزين جربتوا نومة السطح؟ .. لو كنتوا ساكنين عند ناس ممكن تستأذنون تاخذون السطح هالليله وتسكرون عليكم بالمفتاح

سوليج غرفة نوم وغرفة اكل .. طاوله وعشى رومانسي .. حسب المزاج طاوله ولا قعدة ارضيه وكوشيات وشموع

وزوليه حطي عليها الدوشق وناموسيه من سنتر بوينت علشان لا تقومون من النوم بسبب الذبان الصبح

اذكر هالنومه ابوي كان يسويلنا اياها كل اسبوع واحنا صغار واهو وامي عله صوب .. كانت تونس النومه خصوصا بالصيف


مالج خلق السطح ممكن تغيرين .. خلي غرفتكم الليله غرفة اليهال

لمن ايي وما يلاقيج بدارج ويلاقي اليهال نايمين مكانكم

وورقه عليها ... تعالي غرفة اليهال

عاد انتي غيري فيها بطريقتج واناملج وابداعاتج ... تبين تعلقين صوره واهو صغير ويمها صور عيالكم ( بشرط مايكون ريلج ن النوع اللي يتطنز عله كل شي)


سويله ليلة الافلام ( لو عندج فلوس وودج تسوين حركه ) وما عندج تلفزيون كبير بغرفة النوم

غيري ستارة الغرفة ويبي من ايكيا اللي تحجب الاضاءه ٨٠ - ١٠٠٪

ووجهي الداتا شو عليها ... ( حطيه عله ستاند عنونو فوق السرير ) علشان تضبط السينما


ووصلي السماعات بالكمبيوتر

والبوبكورن والبيبسي والناتشوز ... ميه ميه


اتوقع اغلبكم جرب هالحركه .. الداتا شو احله من التلفزيون كتغيير


بريك .. ابي افكار يديده احس قمت اقدم بأفكاري لول

برب

 

[romance 1]

وااااااااااو روووووعه

افكار تهببببببببل مثل صاحبتهااااا

كملي كملي

 

[Sisyphus]

والله العظيم حييااااال
خصوصا سالفة ورقة الامنيات
بس انا بخليها بورد كامل
عجيببة الطريقة و جااار التنفيذ

 

[الـــدفـــشـــة]

..أب ..

 

[يارب يطيب عبود]

افكارك روعة
نطمع بالمزيد يا غلا

 

[mi corazon]

مساء الخير

من زمان عن الموضوع ... شلونكم يا حلوين

مممممم من جم يوم الفكره اللي طرت ع بالي منحرفه اوي اوي اوي

معظم الناس تطلع البر .. وخصوصا عطلة العيد الوطني ياي

احم احم


عادة في المخيمات البنات خيمة بروح والحريم بروح والشباب خيمه بروحهم وهكذا

انززززززين ... مافكرتي تيننين ابو الشباب بحركه رومانسيه عالآخر .. بس يبيلها شوية تكتكه .. وتكاتيك

يعني .. بنص الليل :eh_s(22): والناس نايمين دقي عليه وقوليله قلبي بطل لي السيارة ابي منها شي ضروري ضروري

لو كان ريلج متعاون .. راح يقوم يبطل لج السيارة

انتي شتسوين؟ .. تكونين لابسه بجامه طبعا (. بس حبذا برضوا تكون بجامه خامتها خفيفه .. مو شيفون بس ملمسها خفيف ) ... ليش؟

لأن لبس البر ثقيل وريلج اتوقع نسى ملمس جسمج بهاليومين بالبر

الموهيم .. اكيد فهمتوا الغمندا ... ليمن يبطل السياره دشي ورا مو جدام .. وقولي تعال دور معاي ( لا تسوون ازعاج )

وسكري الباب ... وقوليله مشتاقتلك .. هذا الضروري ما قدرت انام ... ولي لمس البجامه الناعمه ..... واترك البقية لكم يا حلوين


الخيار الثاني .. لو ما عطاج ويه لمن دقيتي عليه من البدايه قلبي ع يمينج و تلحفي عدل وذكري الله ونامي


بنات اقترحتها عله رفيجتي .. طلعت مجربتها مره بس بالشاليه .. تقول كانت ليله واو وكل ما يتذكرها يقول لها كنتي مينونه ذاك اليوم ويضحك

يعني بتحسسينه بشطانتج .. وكسر للروتين عرفتوا ؟

لا تزفوني وتقولون عيب ... ماكو عيب انا قاعده اتعلم الحين :eh_s(1): :|