أفكر منو بيولدني :( مآبـي دكتـووورة !!!

[كتالونيه]

الله كريم بعد شتسوين
شوفي دكتوره زينه
انا بعد زوجي طبعا مايرضى اني افحص
عند دكتور
بس بالولاده لازم يرضى
ادعي ربج ان الله يسهل عليج

 

[متيمه بهواه]

حبوبه
رجلج انسان غيور ومحافظ وهذا مانقول عنه انه انسان متخلف
بس عارف الحكم الشرعي إذا موجوده الدكتوره وش له تخلين الرجال يولدج ..؟

والله الوحده تستحي تحط وجهها بوجه رجال ورجل يمين ورجل يسار ولا الدعوه عندكم سايبه ...؟

اصلا لو تسألين الشرع
بخصوص هالحركه هذي
بتلاقين نفس ردي
والرجال للضرورة القصوى
وتاكدي انج محاسبه على هالشي

 

[حبيبة عز]

السلام عليكم ورحمة الله وبركاته ..

حبيبتي أول شي الله يسهل علينا ويقومنا بالسلامه أحنا والبيبي ..

ثاني شي مادري شلون بصراحه تراجعون عند رياييل شي محرج ..

وسمعت أن ما يجوز إذا في دكاترة حريم ..

وبالنسبة لدكتورة أمل عبد العزيز فعلاً مو زينة لأن رفيجتي ولدت عندها وتبي تولدها طبيعي

وماتدري أن الحبل السري ملتف على رقبة البيبي 3 مرات ؟؟

شلون ما شافت بالسونار مادري ؟؟

--------------

أنا أراجع عند الدكتورة نزهت .. والله أنا أشوفها فاهمة وواثقة من نفسها ..

ونصايحها حلوة .. ومو مادية نهائياً ..

وودي أولد عندها ومتوكلة على الله ومفوضة أمري لله .. والله كريم ان شاء الله ..

وإذا بنت عمج قاعده 22 ساعه بالولادة معناته صبرت عليها واااااايد شلون مو صبورة ؟؟​

 

[بعيدة الدار]

انا دكتوره واتقلب من الحيا شلون لو ريال

 

[مفرفشة ومنعنشة]

الله يسهل عليج ان شاء الله
اول شي حبيبتي الي اعرفه انه شرعا مايجوز يولدج ريال دام في دكتورة مره بنفس المستوى ( والجانب الشرعي وايد مهم سألي فيه قبل لا تسألين عن اسامي الدكاتره ) وتذكري انه من ترك شيئا لله عوضه الله خير منه
وبالنسبة للدكتورات فيه واااااااااااااااااااااايد فوق الممتازين وشطار وماشاء الله ماتحصلين عندهم موعد من الزحمة ، ومو معقولة تكون دكتورة قاشلة ومو زينه وكل هالاوادم عندها
واذا عالاخطاء الطبية اغلب الدكاتره عندهم اخطاء طبية سواء مره او ريال
وانت لا تاخذين بكلام الناس
الدكتورة الي ترتاحين لها ممكن غيرج يذمها والعكس
والي وحده تقول عندها نفسية ومالها خلق وحده ثانية تقولج انها تهبل ونفسها حلوة
يعني مستحييييييييييييييل الكل يتفق على شخص واحد
انت راجعي عند الدكتورة الي ترتاحين لها وما لج شغل بحجي الناس

بس نصيحة لااااااااااازم تسالين بالجانب الشرعي عشان تبرين ذمتج

 

[يا عيون سمي]

حبيبتي ترا هذي ولاده مو فستان ما عجبج تغيرينه لا. ولا موضه ابي رجال احسن من المرا
اللي الله كاتبه لج بيصير سواء عند دكتوره ولا دكتور هذا قدرج الله كاتبه لج لاحد يجذب عليج ويقول الرجال دايما افهم من المرا واشطر جذذذذذذب وبعدين كل الدكاتره يغلطون ترا الدكتوره مو معصومه عن الغلط بالعكس دكتوره نزهت الكل يمدحها. ولا تمشين علي كلام النا س. اذا بتمشين علي كلامهم نصيحه اولدي بالبيت ترا احسن بواجد
وبعدين الدكتورات ترا شهاداتهم مو مني والطريج. جايبينهم
والله يسهل عليييج

 

[miss_Ba6oOo6a]

هذا شغل الحكومه اي احد موجود يولدج
الخااص دايما فيه حريم وعلا الطلب الدكاتره والريال يكون للبنج وابرة الظهر
اذا كلش راجعي عند دكتور ووقت الولاده طلبي دكتوره عادي
واذا حاالتج تستدعي ومحتاجه عادي ماكو حرام لان الدكاتره اشطر وافهم وايد من الحريم
كله مستعيلين وماكو امكانيه
جربت ما منهم فايده ولا وحده عدله لا معامله ولا استشاره ولا خياط
وحالتي صعبه لازم بروفيسور واستشاري
ولا تقولون فيه حريم الكويتيات بدون ذكر اسامي لووعه كله علا المساعدات وزحمه ومايعطون حقكم
واخر شي السسترات يولدون واهي اتي بس تخيط وتاخذ فلووس

 

[shak!shoka]

لا صراااحه انا ما اشجعج على كلامج حتى لو ريلج رضا و اقتنع

ما تسوا دام في حريم دكاتره و فيهم البركه

والسهاله من الله صدقيني مو من الدكتور و لا الدكتوره
اهم مجرد وسيله بسسسسس

تخيلي انا فبجري والله ما كنت مقرره دكتوره معينه كنت اراجع بمستشفى الشركه و حتى اسم الدكتوره مو حافظته

حزت الولاده لمن دشيت بس وصيت انها تكون مره مو ريال و عيني ع الباب مابي احد يدش خوو مشالله بهالاوضاع يا يبقا دكتور ما يدرعم و يطق الصدر يبي يفحص
من الساعه 2 بليل و اهم يقولون في دكتور اذا تبين تولدين و الله تحملت لي الساعه 8 الصبح داومت الدكتوره و كنت اول مره اشوفها ولدتني و خيطت
و كانت احلا ولاااااااده
الله سهلها علي و خياطي كان فظيييييييع
يعني كللللل شي من الله


فكري عدل



الله يسهل عليج و يقومج بالسلامه*

 

[N0oNa]

نفس زوجي ماكان يرضى بس من شاف سوالف الحريم فيني بولادتي الاولى
رضى ريال و ولدت عند دكتور عمرو عصاام روعه و صج عجيييب
انشالله يرضى و يقتنع

 

[زهور المحبة]

تعوذي من الشيطان وتوكلي على الله
لا اتوسوين واتخلين الخوف يسيطر عليج

السهاله من الله ومن ترك شيئا لله عوضه الله بشيء احسن منه
مايجوز تكشفين عورتج عند دكتور دام فيه بديل والله حرام
اتركيه لله وان شاء الله ربي بيسهل عليج
انا ولادتي تعسرت ومارضا يفتح الرحم اكثر من سانتي مع ان دكتورتي امسويتلي توسعه بس سبحان الله رد سكر
وعديت شهري باسبوعين لين قالت دكتورتي خلاص دخول جذي خطر عليج وعالبيبي
وفعلا دخلت وعطوني تحاميل وابر ودنيا وبطلعت الروح فتح الرحم و الحمدالله ولدت

دكتورتي كانت ناهده العلي كانت حبيبه وتقر علي وفاهمه وصبوره والله لو على دكاترة المستشفى اللي ولدت فيها جان على طول قيصريه

سوي سيرج بالمنتدى واتعرفين شكثر يمدحونها

 

[KOKO_284I]

عندج ناهده العلي شاطره واتييلج اي مستشفى تبين

وزوجج معاه حق مره بيشوفج ولا عشر

تره ما يجوز تولدين عند ريال الا اذا خلت الدنيا من النساء ودام موجود دكاتره حريم ما يجوز ريال يولدج ريال

ريلج معاه حق

 

[Judy . abbot]

بصراحه ريلج معاه حق
واي فشله
ممكن ريال يولد اذا كانت الولاده مستعصيه لا سمح الله
اما اذا مافيج شي لا والله خلج عالحريم والسهالات من الله
وفي بنت ذمت الدكتوره امل وناهده لييش
معنهم شطار
انا اراجع عند الدكتوره امل اتهببل بس عيبها غاليه

 

[امواج الكويت]

انا اراجع عند دكتور ناهض بالمواساه بس خلاص ماني مكمله عنده ابي دكتوره افضل وربي راح يباركلي ان شاءالله بحمالتي لان تركت هالدكتور لوجه الله ولا قصورٍ فيه