أفكـار حق نــون بنتي^_^ تعالي يأم الأفكاار

[om MaRyooM]

السلااام


مثل ماهو مبين من العنوان

ابي افكار حق نون بنتي
شنو اسوي
مابي اش حلاو وهالسوالف
ابي توزيعات عشان توصل للكل
شنو شكل التوزيعلت المناسبه وشنو احط

ولو عندكم شي يديد فيدوني

 

[نـعـومـه]

قلتيها نون

نون حلاته حلاو وككاو تقطينه واليهال يلمونه وتخلين شويه حق الكبار كل واحد خمطه شويه

بس اهم شي اخذي سوالف كبار موصغار يعني انواع الجلي وحلاو المصاص وككاو جذي

 

[.. مـــلاكـ ..]

حلات النون بالكاكاو والحلاو ولا مايصير حلو !!

 

[om MaRyooM]

^
^
عدل كلامج

بس حق اهل ريلي مابي اقط نون لأني ماروحلهم اصلا فابي زوجي يوصلهم التوزيعات
عرفتي

 

[مواصله]

شوفي موضوع قرقيعان فيه افكار توزيعات تقدرين تسوينها للنون

والف مبروك عقبال ماتعضضكم وتعضض مريوم خخخخ

 

[AVE.NJ]

شوفي حطي بالنون مع الحلاو كاكاو ابوبيض يسمونه كندر
او فيه نفسه بشويخ
المهم داخل البيضة حطي ارقام
ويبي هدايا على حسب الارقام او حطي اسم الهديه داخل البيضة
حق الكبار عندج عطور طابعه حق الصور عندج سوالف الغانم خلاطات وعصاره عصير اي شي على حسب ميزانيتج
او حطي داخل البيضه عشرات وخمسات ودنانير وانصاص وارباع واللي حظه يطلع اذا مالج خلق الفراره
والله يخلي لج بنتج وتفرحين فيها متخرجة من الجامعه

 

[رانس]

شنو النون ؟؟؟؟؟؟؟

 

[دلع86]

اذا ماتبين تقطين نون أخذي العلب الشفافة وحطي داخلهم فرشه أسنان على اشكال لليهال وحلاو على شكل اسنان ونوعي بالكاكاو والعلج وتقدرين تحطين بكل علبه نص ولا ربع دينار على حسب ميزانيتج

 

[hneen2]

مثل ماقالو الخوات النون حلاته تطشرينه علي اهلج لوووول انا حطيت جسر بالونات بنفسجي بفوشي وحطيت سلال متروسه حلاو كاكاو وخرابيط اللي يحبونها الصغار والكباروفلوس خردات وارباع وانصاص ودنانير وسويت لها كب كيك مني علي فرشه وبيبي طاللعله ضرس واحد وحركات. حق النون خخخخخ



وطبعا عقب النون عشا


بس انتي اذا حابه روحي الشويخ العلب اشكال والوان وحطيلهم من النون ويارب يعجبهم

 

[om MaRyooM]

مشكوريييييييييييييييييين


دلع
عجبتني فكرتج حيل

 

[تناهيد مطير]

ام مريوم


شنو النون ؟!

 

[ديانا سبنسر]

اب اب ماعندي افكار قلت ارفع الموضوع لعيونج خخخ

 

[ادمنت حبه]

البنات ماقصرووو

 

[Q8_QT]

مثل ماقالو البنات حق الكبار حطيهم بعلب حلوة او سلال وممكن تحطين مع الحلاو عطر عليه اسم بنتج آنا سويت هالحركة بنون ولدي عند عطورات عبدالمحسن عندهم غراش صغار علي دينار كانوا مادري جم الحين حطيت عطر للحريم وعليه استيكرز باسم ولدي وحق ابوي واخواني ماي ورد وممكن تحطين كسرة بخور زينة رفيجتي سوت هالحركة بنون ولدها والله يخليها لج

 

[ام اغلى الناس]

دام انج ماتبين تقطين او تروحين

جيبي البالونات اللي تطير متعبيه هليوم
وحطي فيهم الكاكاو
و وزعي على كل طفل بالوان
عاد هو يبطها ويطلع له الحلاو
اكتبي عالبالونه نون نون فلانه طلع لها سنون
باقلام لمعه من المكتبه
وارسمي اسنان
ممكن تغيرين للكبار وتحطين لهم بعلب كشخه من سرداب بياع الورد او اي مكان

 

[ام اغلى الناس]

نسيت اقولج
حطي بالبالونات فلوس ارباع
وممكن تودين صحن كوكيز بنوته لها ضرسين

بنون ولدي
قطيت عالجهال والكبار ماكنتوش مخلوط فيه ارباع وانصاص ودنانير
و وزعت كوكيز صبي له ضرسين
و كاكاو من كوكيز بوكيه عليه طباعة صورة ولدي محشي بندق

 

[%F&R%]

اذا ماتبين تقطين نون أخذي العلب الشفافة وحطي داخلهم فرشه أسنان على اشكال لليهال وحلاو على شكل اسنان ونوعي بالكاكاو والعلج وتقدرين تحطين بكل علبه نص ولا ربع دينار على حسب ميزانيتج

فككرتج روعه بسويها حق نون بنوتي انشالله

 

[رانس]

بنات شنو نون ذبحني الفضول

 

[دلع86]

النون عباره عن حلاو ككاو علج فلوس مخلوطين مع بعض ويقطوونه على آلياهل لمن يطلع له اول ضرس وبعد اول مايبدي يمشي

 

[lolo77]

عاد انا احب اسوي نوووون حق اليهال ( اعيالي)

ناويه بس تكبر زنوبتي ويطلع لها ضرس قاعده ايمع خرده من الحين
وبغل ارباع بعد

حق بنتي الكبيرة سويتلها نون مع الحلويات والككاوات وجذيه
شريت من سوق ابو ميه مميات صغار على ميداليه وتنفتح المميه وحطيت داخلها الارباع
صج كان فنتك حلووووو واليهال استانسوا وظلوا يتخامطونه

وحق بنتي الصغيرة ما دري شنو اسوي