أقبلت مثل اللي يبشر بمولود وأقفيت مثل اللي يعزي بغالي

[Awar galb]

بسم الله الرحمن الرحيم

الأسم: غاااليه
العمر: 23
الحاله: متزوجه
البرج: القوووس
طبعي: إنسانه حساسه وهاديه جداً جداً رومنسيه
هواياتي: كتابت شعر وخواطر وأنا شاعره بالأساس
الأشياء الحلوه عندي: سماع الموسيقى الكلاسك النوع الهادي ماأحب الأزعاج يثير أعصابي ويوترني



أمممم إذا في شي ثاني تبون تسألوني في سألو عادي حياكم الله



وإذا عندكم أي سؤال وأي شي عندكم الموقع هذا دخلو وسألوني

http://ask.fm/al7oOoOor

 

[Awar galb]

تدرون وش أصدق من الدمعه على خد ((( اليتيم )))

بسمة ((( عقيم ))) يلعبون بحضنه بنات اخوه

 

[Awar galb]

ودك تعرف كم لك من الشوق فيني

أسأل شايب مات أطيب عياله

 

[Awar galb]

ليت العمر شريط تسجيل ينعاد
وأعيد أجمل مامضى من حياتي

أعيد لحظات قريبات وبعاد
لحظات تحمل أجمل ذكرياتي

 

[Awar galb]

دكتور وممرضه وإبرة وسماعه
في كل ليله ولايدرون وش فيني

 

[Awar galb]

يالي تغطي شيبتك صبغة الراس
وشلون قلي أصبغ القلب لو شاب

 

[Awar galb]

علموه إني تركته بأول العام الجديد
وعلموه أن الجروح (بقلب) غاليه موجعه

أيه أحبه كثر حبي للمعاني والقصيد
وكثر ما (هلت) دموعي يوم حل أموادعه

اشتاقله كثر اشتياق الجد لعناق الحفيد
وأتحمله كثر أحتمال السد (موج) يدفعه

ذاب قلبي في غيابه مثل ماذاب الحديد
يوم (ولعني) وخلا نار قلبي مولعه

أشهد أنه مارحمني يوم خلاني وحيد
طاوعه قلبه (يغيب) وكيف قلبه طاوعه

ماسمعت إلا شطور يحرك الشعور البليد
ضاقت الدنيا (بشاعر) طيب قلبه ضيعه

أتمناه وأريده والله يفعل مايريد
وكان مكتوب الغياب (شحيلتي) كيف أمنعه

علموه إني تركته وياعسى عامه سعيد
وعلموه أن (القصايد) في غيابه تتبعه

 

[Awar galb]

إحساسي أصلا عقيم وصار متجرد
دام أصغر هموم قلبي ضعت في شرحه

لا تلومني لا قسيت وعشت ( متمرد )
ماعاد أحس بمشاعر حزن أو فرحه !

 

[Awar galb]

تباسطت فرقاي وسرا بك بريق الضوح
عسى اللي عطاك الصبر يرهي علي منه

خبر غيبتي عنك يوم إني بغيت أروح
تباشرت به كني مبشره بالجنه

 

[Awar galb]

ياحطاب الليل دوك إحطب مواجعنا
نبي نعيش الحياة بطعمها الثاني

خذنا معك للفرج وإحذر ترجعنا
ملت مزامرنا من لحننا الفاني

فصدورنا زفرة وغرقى مدامعنا
إحطب دخيلك بقايا حزننا الجاني

 

[Awar galb]

مالوم شيبي لو ظهر قبل حينه
قبله ظهر شيب العيون وعناها

يوم العرب تفرح ونفسي حزينه
محدن درى بالحال واللي دهاها

أخفي هموم القلب وأكتم ونينه
وأساير ظروف الزمان وغثاها

الروح صارت وسط همي رهينه
والعين جاها من السهر ماكفاها*

 

[Awar galb]

http://www.youtube.com/watch?v=1m_g_jVFfW8

 

[Awar galb]

بشويش ياتنهيدة الضيق بشويش
مابي تمر وتسمع شهااااقي أمي

مابي تجي وتسأل ضيقتي ليش ؟؟
وأفز أكفكف دمعتيني بكمي

وأرسم على طرف شفاتي أثر طيش
وأفتح كتابي كنه الدرس همي

تطق باب الغرفه وأرجع أعيش
ياحشرجه صوتي وأنا أقول سمي

تدخل وأنا أحس أنها تدري بإيش
تدري بأني جف دمعي ودمي

وتقفي وهي تعطي المواجع بخاشيش
تدعي لي ودمعاتها ماتسمي

ياليتهم ماركبو لي كذا ريش
وياليتهم ماترفوني بحلمي

 

[Awar galb]

خبروه قولوا إني من مسك خط الغياب
صرت أنا والليل نسهر نحتريه

والشتا برده حنين والحنين اللي فضلوعي
مابكى إلا عليه روحوا يمه إنزعوا صمته بكمه

حاولوا تجيبون طيفه عالأقل أشره عليه
يسمع عتابي شوي يدري إني بس أبيه بس أبيه

 

[Awar galb]

من عندي أنا كاتبتها

((( لي مته وأنا أكابر وكل مافيني باااااان
تعبت أقول إني بخير وأنا أعاااااني )))



وهذي بعد أنا كاتبتها ومن عندي

يسألوني علام حالك يافلان شين ؟؟
أفرح يافلان الدنيا بعدها بخير

عيش حياتك حب مره ومرتين
تكفون يابشر وش تبوني أصير ؟؟

خلوني مع خياله ماتهمني السنين
خلوني أرسمه وأتخيله وأطير

راح العمر وأنا وخياله أحلا أثنين
راح العمر وأنا وخياله أحلا أثنين
راح العمر وأنا وخياله أحلا أثنين

 

[Awar galb]

من عندي أنا كاتبتها

بغيب عنك بهجر ماضي جمعنا
وبعيش الحاضر لجل ناسن تحبني

كنت أقول الحب دنيا نور يضوينا
عشت الحب وماشفت غير حزني

دنيا الحب هي من هام بحبنا
أنا بعيش لجل ناسن يبوني

بغيب عنك بهجر ماضي جمعنا
وبعيش الحاضر لجل ناسن تحبني

 

[Awar galb]

كذبت وجودك بقلبي عشان أعيش
والحقيقه موجود وكلن يشوفك فيني



من عندي أنا كاتبتها

 

[Awar galb]

قلت: أنسى وتسلى بشعر كود أنساك
لقيتك بكل كلمه تموتني وتحييني فيك






من عندي أنا كاتبتها

 

[Awar galb]

من عندي أنا كاتبتها

أغيضك بكل ما أسويه أبيك تنتبه
قصدي أحرك مشاعرك وعميتها

 

[Awar galb]

من عندي أنا كاتبتها


مابي لا قرب ولا أبي ناس كذابه
أبي لحالي ولحالي وحدتي تسليني