أكاديمية الابداع الامريكية..

[اللمسة المخملية]

السلام عليكم..

بغيت أسألكم عن أكاديمية الابداع اللي بحولي...

شلونها؟؟ شلون مستواها؟؟ بالعربي والانجليزي؟؟ شلون اسلوب مدرسيها..

اللي تعرف اي معلومة عنها لا تبخل علي..

انا بدخل ولدي الروضة أول سنة ومحتارة وين اوديه..!!!

واللي تعرف اي مدرسة زينه بحولي او الديرة تقولي عنها...

 

[ReeMaN]

الابداع عجيبه وممتازه بالتدريس وفي عندنا هنىا مهات مشاركات هنى عيالهم باكاديميه الابداع انشالله يفيدونج اكثر ... انا من رايي سجليه وانتى متطمنه

 

[السنعة2]

ماشاء الله اسمع انها وايد قوية وماتقبل اي طالب الا بعد اختبار ومو اي اختبار!!!

وعندهم ضبط وربط وحرص على الحضور اليومي والواجبات

 

[rawona]

انا سمعت انها ممتازه ..


لولا لويه الطريج والزحمه جان دخلت بنتي فيها ​

 

[كوكو واوه]

جم السعر يكلف اذا بدخل ولدي الروضه عندهم؟

 

[دفي قلبي وحنيني]

الــــــــــــروضه 1500

 

[Queen-q8]

بنات الابداع بيزيزدون رسموهم للسنة الياية ط


جم صار الابتدائي والمتوسط

 

[rose.roona]

بالنسبة للابتدائي سعرهم قريب من 3000و المتوسط فوق 3500

 

[أم أسيل]

السلام عليكم
انا كنت مثلكم محتاره بالمدارس بس الحمدالله لقيت مدرسة زين والكل مدحها مالقيت احد ذمها لا ورحت حق المدرسة ومسكت الامهات وسالتهم وكل مدحها وااايد موشويه وطبعا قالوا كي جي 1 يشدون عليهم بس مو حيل يشدووون بكي جي 2 والواجبااات وايد وقالولي ان الطفل من كي جي2 يبدي يقرا ويكتب عربي وانجليزي وقران
المهم توكلت على الله وسجلت بنتي في كي جي 1 والرسوم حلوه مو غالية الكي جي (800 دينار السنه شامل الكتب) وانشالله اتكون المدرسة زينه ادعولي وادعوا لبنتي انها اتصير من الاوائل انشالله
مدرسة اسرار القبندي ثنائية اللغة بالدسمه

 

[Queen-q8]

بالنسبة للابتدائي سعرهم قريب من 3000و المتوسط فوق 3500

rose.roona اذا الابتدائي الحين من اولى الى رابعه 2274 دك وهالشي بالموقع

ابي اعرف جم صار الحين

والمتوسط كان 2475 والحين جم صار لأن مو معقولة هاذي الاسعار لأن الزيادة 5% وعلى السعار اللي قلتيها تقريا 20% الزيادة

بنات اللي انتوا فيها ؟؟

شرايكم تسوى والا لأ هالسعر ؟؟؟

وبعدين ابي اعرف احد يعرف الانجليزية للبنات اللي بسلوى شلونها وشلون مستواها

 

[دفي قلبي وحنيني]

الانجليزيه اللى بسلوي يمدحونها
اقــــــــــــدم مدرسه انجليزيه بالكويت اهي النيو انجلش اسكول اللي بالجابريه
واسعـــــــــــــارها مو غاليه

 

[حلم الطفولة]

ماشاء الله اسمع انها وايد قوية وماتقبل اي طالب الا بعد اختبار ومو اي اختبار!!!

وعندهم ضبط وربط وحرص على الحضور اليومي والواجبات

صــااااجّه .. الحضور والغياب وايد مشددين عليه يزاهم الله خير . ضبطو العيال .

بالنسبة للابتدائي سعرهم قريب من 3000و المتوسط فوق 3500

لأ .. لأ .. أقل حيل .. حسافه الورقه مو عندي .. بس حتى المتوسط أقل من 3000 .. أظن 2700

 

[اللمسة المخملية]

مشكورين على مروركم.. بس بغيت اسال شلون مستواهم بالعربي؟؟؟؟

 

[sweet_lady]

انا ولدي مدخلته من preKG والحين اهوه KG2
ماشاء الله عليه مستواه واااايد حلو والمدرسه روعه واسلوبهم في التدريس سلس مو معقد يعني فيه ابداع في التدريس
وبالعربي وااايد ممتاز التدريس وحتى في القرآن ممتازين
وبالنسبه للاسعار 2338 اولى ابتدائي الى رابعه
وان شاء الله الحين بسجل ولدي الثاني فيها تمهيدي

انصحكم فيها

 

[اللمسة المخملية]

انا ولدي مدخلته من prekg والحين اهوه kg2
ماشاء الله عليه مستواه واااايد حلو والمدرسه روعه واسلوبهم في التدريس سلس مو معقد يعني فيه ابداع في التدريس
وبالعربي وااايد ممتاز التدريس وحتى في القرآن ممتازين
وبالنسبه للاسعار 2338 اولى ابتدائي الى رابعه
وان شاء الله الحين بسجل ولدي الثاني فيها تمهيدي

انصحكم فيها

حبوبة.. التميدي يكون قبل الروضة؟؟؟ بجم؟؟ ومتى يكون دوامهم؟؟؟

 

[سيدة الكويت]

مسكينه .............بنت رفيجتى من زمان مو شايفتها ..........تذم فى ألأبداع وتقول حاذفين بنتها بعلبه الكلنكس ... وطلعت بنتها من المدرسه تقول تعقدت منهم وتفشلت جدام البنات

عاد بنتها مؤدبه ...........تقولى لو شنو ما أدخلها مدرسه الأبداع

 

[أم عبووووود]

رفع

 

[سمبوسه2]

شخباركم حبيت أسال عن مستوى مدرسة الابداع ودسمان أيهما أقوى

 

[رضاب 66]

مسكينه .............بنت رفيجتى من زمان مو شايفتها ..........تذم فى ألأبداع وتقول حاذفين بنتها بعلبه الكلنكس ... وطلعت بنتها من المدرسه تقول تعقدت منهم وتفشلت جدام البنات

عاد بنتها مؤدبه ...........تقولى لو شنو ما أدخلها مدرسه الأبداع

مع احترامى لج اختى انتى ورفيجتج بس هذا شى من سابع المستحيلات يصير بالابداع لا وبمدرسه البنات بعد .....مستحيل :eh_s(14):

 

[سمبوسه2]

يا خواتي ردوا علي أيهما أقوى دسمان أو الابداع