أكتئاب ما بعد الولادة

[TWEETY]

حاســــــــــــــــــــــــــــة فيج..والله نفسي بالضبط ....طووول النهار نفسية وعصبية ونرفزة ونفس شينة استغفر الله..وبس احد يقط علي كلمة أروح ابطها بجية....حتى امي حبيبتي مرات اعصب عليها لاحول ولاقوة الابالله.. وبالليل بس بجي وعيون متفخة .......مع اني كنت احط قرآن واقعد مع اهلي بس الكل يفترق أنفجر بجي وخاصة اذا صرت بروحي..وازيدج من الشعر بيت (زوجي سافر بعد الولادة باسبوع ومارد الا عقب شهريييين وما قعد الااسبوعين ورد سافر شهر (يعني كله بروحي) بس الله يخليلي امي كله اقط عليها بنتي واروح اتسوق ولاحتى انام او اتمشى.....
الله يعينا مادري شسوي المرة الجاية بس الحمدالله ان الأيام تمشي بسرعة...

 

[زوجة رجل مهم]

Yasmin ياعمري لا خلا ولا عدم عسى الله يرزقنا الذريه الصالحه ويشرح لنا صدورنا ويكفينا شر خلقه ويجعل نفاسنا هني ومتهنين فيه يااااااااااااااااااااااااااااااااااااااااارب

 

[زوجة رجل مهم]

غاليتي leza_q8 تسلمين على النصيحه وآنا الحمدالله ما أسمع أغاني ومو راعية تلفزيون والسوالف هذي كلش ما تشدني بس قناة المجد لأ وألف لأ تدرووووون ليش لأن أمي كانت تحط عليها بنساتي والله أصوات المذيعين ليما ألحين براسي ولا فواصلهم يمه لأ العفاسي ميخالف مشكوره عالنصايح

 

[زوجة رجل مهم]

روحي-تحبك الله يهون عليج ياااارب ومايحوشج هالأكتئاب ترى مو كل وحده يحوشها والله أعرف بنات ومنهم خواتي الكبار ضحك ووناسه وماشاء الله عليهم شهيه مفتوحه وما عندهم هالسوالف أبدا وآنا أختهم الحمدالله ما أتنسى بالحمال حيل بس يطلع كله بالنفاس ويشيب راسي وأكره حياتي فلا تحاتين والله يكفيج شره يارب وبعدين خناخذ تلبينة النفاس آنا من ألحين بطلبها

 

[زوجة رجل مهم]

bedour18 تسلمين على المرور والكلام الحلو بس آنا حزتها مالي خل البيبي هالدور حمره بس بجرب أن شاء الله تجيب نتيجه وبقعد كل ساعه اشوف نفسي بالمنظره بس أخاف أتعقد زياده

 

[زوجة رجل مهم]

Tweety لأ لأ لأ شنو قاعده تتكلمين عني لا ولوكانت سفرته شغل هم أموت من ضيقة الخلق تدرين آنا بنفاسي الأوادم حسبالهم مشينه النفس خايفه من العين ما يدرون أن النفس ربج باليها والله ياتوتي ان توصل فيني حاله الطوف ودي اكسرها والخدامه مسكينه كل حره فيها بس مشكلتي ان تدب المشاكل كلها مع زوجي اقعد اطلع عيوبه وشغلات موفيه واذا خلصت قعدت اقول انت ماتحس فيني مع انه معذور مايدري شنو الشعور اللي داخلي بس حسباله آنا ادور النكد والمشاكل آنا ناويه هالمره ما هواش ولا شي لأنه اهو اللي يتعب نفسيتي زياده بس والله اللي كان يصير فيني لا شعوري بعدين اتحسف,,,,,,,,,,,,,,,,,, يارب يعدي هالفتره على خير وتجعله احلى فتره بحياتنا

 

[قلبي ابيض]

حبيبتي هذا شعور طبيعي عليج بالاذكار وقعدي مع ناس لا تقعدين بروحج وسلاااااااامتج

 

[زوجة رجل مهم]

مشكوره ياقلبي ابيض على النصيحه تسلمين