أكملي القصة (معلمتي ....."قصة مدرسة 2006".....)

[مسك 3]

السلام عليكم بنات
بناءا على طلب الجماهير حبينا ننزل مشاركة للمدرسات يعبرون فيها عن شعورهم على هيئة قصة
فبدون مقدمات تفضلوا وعبروا نبي قصة تصك على عتيج الصوف

 

[شادية]

مشاركة: أكملي القصة (معلمتي ....."قصة مدرسة 2006".....)

انا مدرسه رياض اطفال الناظره ماذيتني وملعوزتني الاطفال قرف ولوعه
اللي وراي يكمل

 

[مسك 3]

مشاركة: أكملي القصة (معلمتي ....."قصة مدرسة 2006".....)

الصبح وانا طالعة للدوام مرت قصة حياتي كأنها شريط جدامي ومن الزحمة تذكرت كل التفاصيل
أشواق المدرسة تتحدث

 

[lolly]

مشاركة: أكملي القصة (معلمتي ....."قصة مدرسة 2006".....)

وصلت اشواق متأخره دقيقه وحده بس .. من الزحمه والروضه تقول سفر .. بيتهم القرين وتدرس بالفيحاء .. كل هالطريق .. تقعد مع صلاة الفير تلبس وتسنع وتريق عيالها وعلى 6 ونص تطلع من البيت .. بس هالزحمة شتسوي فيها؟؟ لازم يعطونها فلوس على المسافة البعيده ..
"اوووووووف.. ساعتي تقول متأخره بس دقيقه .. والوكيله سجلتني تأخير " اشواق اتحلطم بينها وبين نفسها ..
وتروح ..

 

[nono78]

مشاركة: أكملي القصة (معلمتي ....."قصة مدرسة 2006".....)

وتقعد تسب وتقول شالله قردني بهالوظيفه

رفيجاتي بالوزارات يداومون بال8 وال 9 اذا مو 10 ومحد يقولهم شي وما يوقعون تأخير

بس احنا القراده وفوق هذا جنا فراشات ما جنا مدرسات

 

[LaSt WoMeN]

مشاركة: أكملي القصة (معلمتي ....."قصة مدرسة 2006".....)

اشواق دشت غرفة المدرسات .. و مغلقة من سالفة التأخير و الوكيلة النحيسة .. صبحت على المدرسات ..
و قعدت تراجع التحضير و تضيف عليه .. و أبلة منيرة قبالها تطالعها بنظرات حقد ..!
اشواق في قلبها تقول : " افففف هذي اشتبي بعد .. يالله صباحك صباح خير "
ابلة منيرة تحب تسوي شوشرة و تخاف ان ابلة اشواق تكون احسن منها .. فدايما تشوفونها تخب عمرها و تتحى عن روحها انا سويت و انا عملت .. علشان تبين حق الناظرة والوكيلة و المدرسة الأولى انها تشتغل وايد .. و اهي فاشلة بالتدريس و بالتعامل مع الأطفال !

 

[مسك 3]

مشاركة: أكملي القصة (معلمتي ....."قصة مدرسة 2006".....)

دق جرس النشاط الصباحي (ما ادري شيسمونه بالروضة)
وتركض ابله مريم ابلة الموسيقى وتنادي الأطفال اللي بالنشاط الموسيقى كل واحد يشيل آلته وفي بنتين تهاوشوا على الاكسيليفون وكل وحده خذت عصاية وما تبي تعطيها للثانية

 

[سارا ديور]

مشاركة: أكملي القصة (معلمتي ....."قصة مدرسة 2006".....)

قامت أبله منيره وطقت اليهال وخذت منهم افكسيليفون وعطت كل واحد المثلث وقالت واااايد عليكم

رجعت أبله منيره الغرفه تتحلطم ... قطيعه هاليهال يتهاوشون كل يوم الصبح على الأدوات مادري

يايبينهم من بيتهم وأنا مادري

أشواق ... شوي شوي على اليهال باجر مايسوى عليج تيي أمهماتهم لج يشرشحونج

أبله منيره : يخسوووووون

من باجر ولا ولية أمره يايه الإداره تشتكي على أبله منيره

إستدعتها الناظره وواجهتهم مع بعض وثنيناتهم سفلوا فيها

ردت أبله منيره الغرفه وهي معصبه وتطالع أشواق بحقد

أشواق إشفيج تطالعيني جذيه

أبله منيره : علي هالحركات أكيد إنتي مشيشه أم البنات على وخليتيهم إيون يشتكون على

إللي وراي كملي

 

[lolo77]

مشاركة: أكملي القصة (معلمتي ....."قصة مدرسة 2006".....)

اشواق : اشدعوا يا منيرة احنا ابلات وكبار معقوله انا اسوي جذيه
منيرة : شوفي انا استحملتج وايد وما ادري ليش انتي شايفة نفسج علينا
اشواق : انا شايفة نفسي .. بس تدرين شلون ماني راده عليج
منيرة : ها جنج خفتي .. اي انا وراي ظهر وانتي ما تقدرين علي

تطلع اشواق من الغرفه وتظل منيرة تتحلطم وتهذر على راس اشواق المسكينه
اشواق تقول بقلبها يالله صباح خير ما ادري على ويه منو انا متصبحة اليووووم
؟؟

كملوا ؟

 

[ريفيل]

مشاركة: أكملي القصة (معلمتي ....."قصة مدرسة 2006".....)

تدخل الفراشة ديفيا .ابلة اسواق نازه يبي ... اشواق يارب سترك تقوم وقلبها يرقه شتبي ست الحسن والدلال مناديتني اكيد هذي حركة من حركات منووور يا ربي شقوول لها عند الباب اشواق تدعي بقلبه (دخلت عليك بلا اله الا الله ولجمت فاك بلا حول ولا قوة الابالله )
كملوا

 

[سارا ديور]

مشاركة: أكملي القصة (معلمتي ....."قصة مدرسة 2006".....)

الناظره تتكلم وهي معصبه : أشوااااق

يايلج نقل من الروضه إلى مدرسه بالإبتدائ بتصيرين

مدرسة ألعاب ...

يالله سوي إخلاء طرف وإنقلعي !!!

 

[s3ad]

مشاركة: أكملي القصة (معلمتي ....."قصة مدرسة 2006".....)

اشواق نفسيتها تعبت واعلية عليها ...
تذكرت رفيجتها سعاد ابوها وزير التربية .....خخخخخخخخ
ودقت عليها وجان تقووول حق سعاد السالفة كلها وسوالف الابلات معاها والناااظرة
وقالت حق اشواق اخذي مرضية من خاااص عشان انا اعلمج بالخياس اللي بالمدرسة
قامت سعاااد <<<<< يا حلووها تقول حق ابوها الوزيييييير <<<<< وايد مصدقة نفسي
وعقب يومين وصل فاكس للمدرسة ...!!!!!! وطبعا موجه الفاكس للناظرة خصوصااااا
المهم الناظرة قرت الفاكس والا اطيح غشيانة شالوووها ودقوا عالأسعاااف والا ابله منيرة تقرى الفاكس وطاحت فووووق الناظرة عاااد منيرة كفوووها يشممونها بصلة
ههههههههههههههههههههه
يات الوكيلة وقرت الفاكس والا نقل اجباري من منطقة تعليمية الى منطقة تعليمية ثانية <<<< جزااااااها أحسن
وابلة شخيرة .. أقصد منيرة ..... نقل اجباري بعد كاااااااااااااااااااااااااااااااااك
دقت سعاد على أشواق تبشرها .....................
يلااا كملوا

 

[سارا ديور]

مشاركة: أكملي القصة (معلمتي ....."قصة مدرسة 2006".....)

الفاكي

سعاد إحترمي نفسج ترا عييييب هالكلام خخخخخخخخخخخخخخخخ

 

[s3ad]

مشاركة: أكملي القصة (معلمتي ....."قصة مدرسة 2006".....)

سعاد إحترمي نفسج ترا عييييب هالكلام خخخخخخخخخخخخخخخخ

سارووووه هديتج جم يووووم اختربتي !!!!!!!!

 

[far007a]

مشاركة: أكملي القصة (معلمتي ....."قصة مدرسة 2006".....)

سعاد: الو قوة اشواق يالله استانسي صار اللي تبيينه
اشواق:هيااااااااا واخيرا هم وانزاح مشكووورة ماقصرتي عسى الله لايخليني منج (تفكر تقولها انها تقول حق ابوها يخليها وكيلة)

واشواق قالت حق ريلها السالفة وطبعا زفها اول شي بعدين اقنعته انها مظلومة وان منيرة كل يوم تناجرها وانهم كلهم حاطين عليها
وفي المغرب راحت اشواق وشرت كاكاو من سابليه علشان توزعه على المدرسات احتفال باللي صار
وفي اليوم الثاني قعدت من الفير وطبخت الريوق السنع حق المدرسات اللي وياها بالغرفة (بيض وفاصوليا و حمسات اشكال والوان ومرت الخباز وشرت خبز ايراني 10 خبزات ناوية تعزم الاقسام الثانية) وتوكلت على الله وراحت المدرسة ووقعت امبجر الساعة 7.12 ودشت غرفتهم مالت الريوق ونادت الفراشة وزهبت الطاولة ونادت المدرسات وطرشوا الفراشة تييب لهم بيبسي ....

كملوا

 

[lolo77]

مشاركة: أكملي القصة (معلمتي ....."قصة مدرسة 2006".....)

وصلوا المدرسات وقاموا يهنون اشواق على الانتصار الشاهق
بس بين المدرسات ابله حصه صديقة ابله منيرة وايد وايد
ولمن درت ان اشواق اهي ورا السالفه هذي كلها
ماجذبت خبر وعلى طول راحت دقت على منيرة وقالتلها السالفة
ومنيرة عطت خبر حق الناظرة

وبينما <<<حلوة بينما .....<< اشواق والمدرسات مستانسين وقاعدين يتريقون
فجأه انفتح الباب بقوة بوسط دهشة المدرسااااااااااااات
؟؟؟
ياترى شنو صار بعدين
تكمل اللي وراي

 

[s3ad]

مشاركة: أكملي القصة (معلمتي ....."قصة مدرسة 2006".....)

فجأه انفتح الباب بقوة بوسط دهشة المدرسااااااا اااااات
والا ابله منيرة عيونها طالعة من مكانها وحمقانة اشواق الفقر الناظرة طالبتج
اشواق ترد فبروود : الناظرة اليديدة ؟؟؟؟ هي هي هي <<<< ضحكة خبيثة
ابلة منيرة : ودها تزنط اشواق : تعالي قلت لج الناظرة وخلاص
اشواق : اوكي الحين انا ياية خل تنطرني!!
غسلت اشواق ايدها وحلجها وتعطرت وراحت حق غرفة الناظرة بتشوووف شسالسالفة
دخلت الغرفة والا ناظرتها ويا ابلة منيرة قاعدين يتساسرون ويوم دشت عليهم اختبصوا .
الناظرة تكلم أشواق : يا ابلة السالفة واصلة للوزير وما اعتقد انج تحبين المشاكل لي هالدرجة يا ابلة ماله داعي توصلينها يا حبيبتي <<<< تتحيلق
اشواق عارفة شنو مايتهم بس ردت على الناظرة وقالت لها
الحين يوم صارت المشكلة وانتي عارفة ان منيرة اهي الغلطانة ما حطيتي عليها ولا قلتي حق منوووور ماله داعي المشاكل وكبرتي السالفة وطلبتيني وقلتيلي مانبيج بالمدرسة هذااا عندج عااادي
يوم وصلتها عند الوزييييير صرت انا اللي مو زينة اذا انتي ما تقصين الحق من نفسج ماكو فايدة
الناظرة قالت <<<<<<<<<<<<<<<<<كملوا يلا

 

[lolo77]

مشاركة: أكملي القصة (معلمتي ....."قصة مدرسة 2006".....)

الناظرة قالت : خلاص اشواق طيحي الحطب ولا تكبرين الموضووع
واهو سوء تفاهم وانشالله كل شي بينحل
وبصراحه يا ابلة اشواق مثل ما تعرفين ان منيرة بيتهم بنفس هالمنطقة
والنقل يايلها بمنطقة بعيدة وايد ومثل ما تعرفين اهي ما تسوق سيارة واهلها اشوي من النوع اللي ما يخلونها تسوق فاتمنى انج عرفتي قصدي الحين
وانتي بتبقين الابلة المثالية وما راح انسالج هالشي
..... اشواق تفكر بخبث وتحاول الحين تطلب اللي تبيه وتستغل الوضع
بشنو كانت تفكر اشوووواق قبل لا ترد الجواب الاخير على الناظر ة
؟؟؟
اللي وراي تكمل

 

[nono78]

مشاركة: أكملي القصة (معلمتي ....."قصة مدرسة 2006".....)

طبعا اشواق قالت حق الناظره اوكي يصير خير ان شاء الله

وطلبت استأذان من الناظره

وركضه حق المنطقه التعليميه حق مسووول رياض الأطفال

وتقحص بالسياره جدام المدرسه وتعطيكم ذيج القحصه اوووووووووووووووووووووووء

زين ما انبطت تواير سيارتها الكولت الـتأجير

وما خلت هندي ماسبته وهيااا طالعه من الموقف وبطلت الجامه وتفلت بويه راعي البرد

حشا مو ابله مصبنجيه

المهم وصلت المنطقه وهناك شنو صاااااار !!!!!!!!!!!!!!!!!!!!!!!!!


الي وراي تكمل

 

[lolo77]

مشاركة: أكملي القصة (معلمتي ....."قصة مدرسة 2006".....)

بالمنطقة ظلت تدور المراقبة مالت رياض الاطفال ليما اعيزت وبالغصب لقتها
وبقلبها تقول شالمنطقة الخايسة التعبانه كل شي برووح بس قبل لا تروح فكرت تكتب شكوى
وتروح حق الشؤون القانونية طبعا تذكرت ان رفيجتها تشتغل بالمنطقة وخصوصا بالقانونية
قالت خل اروح استشيرها اول باللي صار واهي تقولي شنو اسوي
وفعلا دشت قسم القانونية وسلمت على رفيجتها وقالتلها السالفة
وقالتلها احسن شي توافين وتطوفينها لها هالمرة بس لا تنسين ان تكتب تعهد على ابله منيرة بعدم الترض واخذي صورة منه عشان اذا مرة ياية صار شي تمسكين شي عليها
لان رفيجتها المحققة قالتلها ترى حتى بالتحقيق اذا كثر راح يصير حفظ الموضوع ولا كلش انذار لها
والناظرات مو سهل ايون للتحقيق فقالت خلاص اوكي
ردت البيت اشواق واهي مرتاحه اشوي من اللي صار
؟؟؟
كملوووووووووووووووووووا