أكيد فيكم وحده تعرف ؟ المجبوس وسعراته

[مشتطـه]

السلام عليكم

بنات
اموت بالعيوش

وانا مسوية ريجيم وشبة وقفت القاسي

باكل اكل طبيعي


المهم انا اتغدى مع اهل ريلي يوميا عيش
مرة دياي مرة لحم مرة مرق مرة سمج


المهم

الحين ابي وحده منكم تدري الصحن جم سعره حراريه فيه

مثلا مجبوس دياي

كبر هالصحن

معبى كامل

بنات لا تنقدون كل ما اتغدى بخاطري أعرف جم سعره اكلت


عشان اعرف اقسم يومي بالسعرات


لازم في وحده عارفه


في ناس تقول 6 قفشات 156 سعره حرارية صج عاد ؟

يعني ال100 قرام 156 سعره


بالضبط ال100 قرام شكثر

واللي تعرف تعطيني رقم سعرات تقريبي لهالصحن اكون جدآ شاكرة لها


ما عليه اشتطيت شوي
بس ابي معلومة اكيده مو تشيير

 

[امونة 2000]

ماعندي فكره اختي حتي انا ودي اعرف
رفع

 

[تووته البسكوته]

شوفي انا مره رحت الطبيب وقالت اكلي 6 قفشات هذا حدج عشان ماتحرمين روحج ..وبالنسبه حق السعرات شكثر في موضوع مثبت بانواع الاكل وعدد السعرات يمكن يفيدج الموضوع

 

[دنيتى انا]

كل دكاترت التغذيه يعطون ٦ الى ٧ قفشات مع ايدام للي اوزانهم ثقيله او يقولون كبر قوطي الروب يعني ملاس ونص

معناته اذا شويه حق المتان ماياثر .... اوكي وانتي مومتينه وخايفه تمتنين ريوقج خليه حييييييل خفيف يعني بيضه مسلوقه وحده او حليب خالي الدسم او خيار وخس ولي ياات حزت الغدا اكلي ملاسين وشوي وايدام عقبها جاي اخضر واليوم اللي تاكلين في عيش ابتعدي عن النشويات بالريوق والعشا لان انتي وجبة الغدا ضروريه

احسن شي انج قاعده تثبتين وزنج وبعدها بتردين طبيعية لاتحاتيين اكلي عيش بس وخري عن المعجنات والفطاير ترااا تمتن اكثر من العيش

نصيحة .

 

[B7rainia]

اي عدل كلام دنيتي انا*

 

[گنت أحبگ]

اهياا المشكله مو بالعيش بس

المشكله بالدهون اللي بالعيش

يعني صحن عن صحن يفرق


مثلا العيش المشخول غير عن العيش الاحمر او اللاصفر هذيل فيهم اضافات ودهون زياده


يعني انتي اذا حسيتي المجبوس واي ثقيل ومتروس دهن لا تثقلين


ومثل ماقالو البنات خففي كربوهيدرات دام بتاكلين ع الغدا عيش *

 

[free SpiriT]

السلام عليكم

كلام كنت أحبك صح المشكلة بالدهون اللي بالعيش

إذا عيش بدون دهون احسبي كل غرام نشويات = 4 سعرات

يعني الـ 100 جرام عيش = 400 سعرة

و إذا فيه دهن كل غرام دهن = 9 سعرات

 

[مشتطـه]

ما استفدت ؟

 

[سعوديه و افتخر]

رررررررررررررررررررررررررفع

 

[اخت خالتهم]

اكلي بين 7 الى 9 قفشات

 

[Winter Q8]

مجبوس لحم 100 جم 173 كالوري

 

[Winter Q8]

و هذي باجي الاكلات لعيونج و ادعيلي وزني ينزل بصحة و عافية

مجبوس لحم 100 جم 173
برياني لحم 100جم 158

دولمة 100جم 116
هريس 100جم 81
جريش 100جم 80
مرقوق 100جم 101 سعرة حرارية
مرق لحم 100جم 81 سعرة حرارية
مرق بامية 64
مجبوس دجاج 100جم 156 سعرة حرارية
مرق دجاج 100جم 92
مطبق سمك 100جم 147 سعرة حرارية
مموش ربيان 100جم 117 سعرة حرارية
مرق سمك 54
معدس 100جم 147
مموش 120
حسو 135
لقيمات 275

 

[رحيل المرافيء]

العيش لج كوب عيش اللي هو قد قوطي الروب بس
مع صدر دياي او قطعة لحم او نص سمجة مثل الزبيدي
مع قوطي لبن او روب مع سلطة
كل اخصائئين التغذية يعطونج جذيه

 

[قطوووة]

انا اذا اكل بيت

اخذ 6 قفشات

وصراحة مرتاحة

احس انه يكفيني ومااغث روحي ومحافظة ع وزني ..







طباخ بيت عن بيت يختلف
فيه اللي يترس العيش دهن والخ


خلج بالسليم و6 قفشات زينه جدا

 

[مشتطـه]

انزين 6 قفشات جم سعره @@@@@@@@@@@@@



بعرف عشان لو بغيت ازيد
اعرف جم سعره !!


ما استفدت

محد فهمني

 

[ام مهاوش]

واي 6 قفشات اشويييه اهئ اهئ اهئ