شووفوا عزيزااتي ....
آنا بقوول لكم باختصاار الأشيااء المهمة بالسفرة ,,, أووكي ..
أول شي احنا رحنا كويت فييناا 4 ليالي في
فندق الماريوت ... أنصحكم فييه ,,,
أول يومين أشحلاتها فيينا براد ومطر وآخر يوميين حر وشمس ... بس طبعا شمسهم موو شمسنا الااهووب
لاا شمس ذربة ....
فيينا ورى فندقنا الشارع المشهوور حييل بفيينا شارع ستيفنز أسمه بلغتهم Stevenes Platz
وفية أندرقراونداات تودييج أماكن واايد ,,, وأنتو سئلو الفندق الريسيبشن كل يووم عن الأمااكن اللي
بتروحوون لها واشلوون توصلوون لها وراح يعطوونكم خريطة أتدلييكم كل شي ,, سواءا عن طريق التكسي ...
بس غاالي ...
أو عن طريق الاندرقراوند الأرضي ... مثل ماا سويناا ,,, وسهااله حده ... لا تخاافوون ,,, بس أحد يعلمكم
أول مره وبعديين بتنطلقوون ,,,,, هههههه
ترى أوروباا سهااله حيييل ,,, أسهل من الدول العربية بواايد ... وآنا حسييت فيهاا
بالأماان وبأنهم شاايفيين خيير أ وسيييده بتعااملهم ما عندهم نصب وطيبيين أكثر من الدول الباجية اللي
رحتلهاا من قبل ,,,,
الرحلات اللي رحت لها بفيينا ,,,,
نهر الدانووب ,,, اشحلااته وكاان الجو برااد ونااسة ,,, أخذوا مظلاات معاكم
دائما لاتنسوون ترى المطر فجأة عندهم .....
وركبنا القارب الكهربائي ,,, وبعدين ,,, رحنا برج الدانووب الكبير ,,, وقعدنا
بالكوفي شوب ,,,
وتمشينا بالحديقة اللي يمة ,, وركبنا قطاار اشحلااته يدوور بكل أنحااء الحديقة ... والورد والشي الزيين المرتب ...
وفي اليوم الثاني ... رحنا رحلة قصر الشونبروون ...
وبصرااحة طااحت ريوولنا من كبر الحدائق اللي فيية .... ماا دخلنا القصر نفسة من دااخل شكله ممل ,,,
بس مشينا بالحدايق نبي نروح لحديقة الحيوان اللي فية ... وتعب تعب ,, مشي هلاااك ...
ويوم رحنا الحديقة قعدنا أشوية لأن كاان حر وتعبنا من المشي ... وأشوة لقينا قطاار اصغيير برة الحديقة
عند البواابة يردنا ,,, وناااسة ,,, وفر فينا عدل وشفنا كل شي واحنا مرتااحييين ,,,,
واليوم الثالث رحنا شارع ماريا هلفر المشهوور بالتسوق والكافيهاات ,,,
وتغدينا بمطعم تركي شاورما حلوة ,,,
وفرفرنا بسووقهم أشوي ,,,,
واليوم الثالث رحنا رحلة عبر الفندق ,, في وحدة مغربية ما أدري جزائرية قاعدة بمكتب سياحي بوسط الفندق أحليييوة خلينااهاا اتضبطنا برحلة حق كهف هتلر ,,, ورحنا على الساعة 2 الظهر ,, مع أقرووب كله أجاانب ,, والبااص الكبير فر فيا عبر غاباات فيينا وبعض الكناايس ملووتهم ,, وبالاخيير كهف هتلر ,,,
الرحلة حلوة بالنسبة لي ,, بس لا يقصوون علييكم مثل ما قصوا علينا يوم وصلنا حق كهف هتلر
قالنا القاايد اللي معانا ترى برد واايد دااخل وأجروا مثل الشال بالمدخل ماالهم ... وأجرنا ,, بس طلع موو برد وايد ,, يعني أشوية بروودة بس ... يمكن العياايز يحتااجوون بس أحناا لأ ماا أعتقد !
وكل يوم عقب الرحلات نتمشى بشارع ستيفنز ... والاستعرااضاات والمهرجيين اللي فييه والرساميين والمغنيين والأصناام والعازفيين وكل شي ,, كل يووم غيير ...
ورحلاتنا كاانت كلهاا بالأندرقراوند ...أرخص
في مطعم عربي بفيينا أسمه لورد العرب أعتقد لاااا ترووحوووون له ,,,, ترى يلووووع الجبد ومقلب ... وغاالي حيييل ... آنا وزوجي ما طلبنا شي بس ... حمص وتبوولة أصغاار وعراايس خبزة وحدة فقر ! وطبق وااحد عيش مشخوول نتفة ومرق بامية ,,, بجم ؟؟؟
ب 30 ديناار تقريبا !!!!!!!!!
ويالييتة يسوى وحلوو ..... والله مااكوو طعم ,,, لووووووووعة ,,,,,
وديرواا باالكم ...لااتركبوون الأندرقراوند بالليل بفييناا سمعنا بأنه فييه سكاارى وخطر أشوي ,,,,
يعني النهاار طوييل ,,, طلعووه فييه .. ولي صاار حزة الساعة 9 بالليل أتظلم الدنيا وانصلي المغرب بفندقنا
وخلااص ماا نطلع الا باللوبي وجذي ....
هذي رحلتي في فيينا .....
بااجر بكتبلكم ... عن زيليمسي العجييبة الهادئه الآمنه.... وشنو الرحلات الحلوة ,,, والرحلاات اللي اتلوع الجبد ,,
قعدنا فيها 8 ليالي ومااا ينشبع منهاااا والله ........ أهم شي نقوا فندق على البحيرة ,,, لأنه أهو اللي بيونسكم عدل بالمنظر السااااحر ... أحنا سكنا بفندق فيبرج سي هوتيل مقابل البحيرة ..
وكاان الحجز من اهنااك .. ولقيينا أشوه ,,,
لأن المكتب السيااحي سما اللي بالكويت نصب علييناا عسى الله لاايوفقهم ولاا يتهنووون بفلووسناا اللي ضااعت خلااص ... وقالوولنا بأن الشقة اللي أجرناها منهم مقابل البحيرة والجبل وفيها انترنت بالغرفة
وبالدور الثالث مااكوو اصنصيير ,,
أطلعت العكس تماما ,, وما انشووف البحيرة ولاشي ,, نصاابيين ,, وموورااضيين يعترفوون بجذبتهم ألحيين ,,,ولا يبوون يردوون فلووسناا ,,,
والله كرييم ,, الله عوضنا بفندق عجييييييييب حدة ’,,
