ألي تشمتوا في بنتي المعاقة شوفوا شصار لهم؟

[قطو مطابخ]

رد : ألي تشمتوا في بنتي المعاقة شوفوا شصار لهم؟

الله يعافيهم و لا يبلاني
اصبري و احتسبي
ترى بكل عايله خبل
تحياتي

 

[Esraa.a]

رد : ألي تشمتوا في بنتي المعاقة شوفوا شصار لهم؟

لا حول ولا قوة إلا بالله

الحمدلله الذي عفانا مما ابتلى كثيرا من عباده



استغفر الله الذي لا إله إلا هو الحي القيوم واتوب إليه
عدد ما كان وعدد ما يكون وعدد الحركات والسكون

 

[ام عفاف الكويت]

الله يشافي بنتج ان شاءالله

وياحياتي ماعليج من احد انا ولدي شوي ريله تعبانه

والناس تجذبني كانت تقول مافيه شي انتي ماتبين تزورينا متحججه بولدج يحسبون اجذب @@

وكاني لي شهرين بالمانيا نعالج فيه يعني هل جذبت عشان عطف الناس ؟؟ ماعليج منهم

الله يخلي لج بنتج ويخلي لي ولدي ويشافيهم

الناس بس تبي السوالف والتشمت اعووووووووووذ بالله

 

[عاالية]

رد : ألي تشمتوا في بنتي المعاقة شوفوا شصار لهم؟

الله يشافي فهد ويعافيه ويبارك لج فيه وانشاالله تفرحين فيه
وانشالله ترجعووووووووووووون
بالسلامه

 

[$ بنت علمي $]

يا سبحاان الله صج لاقالوا الدنيا دواارة

ماادري شنو بقلوووب هالنااس اتوقع قلوبهم حجر!!!

الله شااافي بنتج ويعاافيهااا ويخليهاااا لج يارب وتشوفينهاا بااحسن حاال!!

 

[كويتيه وافتخر]

رد : ألي تشمتوا في بنتي المعاقة شوفوا شصار لهم؟

انا لاشفت معاق تدمع عيني لاشعوري

واصلن ما احب اروح اماكن فيها معاقين ادوخ


مع انه ولدي اعاقه شديده بس قلبي رهيف عليهم مااقدر اشوف معاناتهم

الله يشفيهم يارب
ويهدي اللي يسخر منهم

 

[●° يآإ حِ‘ـبنيً ليَ . . ! «]

رد : ألي تشمتوا في بنتي المعاقة شوفوا شصار لهم؟

لآ حووول ولا قوه الا باللـه .!
اشلون يتشمتون بخلقه ربي @@

الله يخليلج بنوتج :*
وان الله يمهل ولا يهمـل ..

 

[brat]

رد : ألي تشمتوا في بنتي المعاقة شوفوا شصار لهم؟

لا حول ولا قوة إلا بالله

صج الدنيا دوارة، والله يخليلج بنتج إنشالله، ما عليج من أحد

 

[q8tyah]

الحمدالله والشكر

صج موصاحين

المفروض انج تزفينهم عشان مايعيدونها

 

[LA TROO7]

هذا انتي تتشمتين فيهم وفرحانه بعد حاطه موضوع عنهم !!

بصراحه انتي ضعيفه شخصيه جداا شلون تسمحين لاحد يتطنز على بنتج
لو مكانج اوقفها عند حدها ولا اسمح لاي احد يجرحها او يجرحني انا بكلمه

ومافيها شي اذا دروا الناس بنتج حاله خاصه اول مرة ادري احد يخش هالشي

حبيبتي علمي بنتج ان اللي فيها ميزة من الله عشان لاتتعقد خليها تنطلق وتكون واثقه من نفسها

وبلاش تشمت بخلق الله انا برائ ان الي عندهم معاق هذي منحه من الله سبحانه وباب من ابواب الجنه

 

[خفايا قلب]

انا عندي قاعدة ودايما كنت ارددها بمقالاتي عند الدكاترة اللي يرى الطفل ذوي الاحتياج الخاص على اساس انه (معاق) فاهو المعاق لانه نظرله بهالفكره ..

 

[^نوف^]

رد : ألي تشمتوا في بنتي المعاقة شوفوا شصار لهم؟

استغفرالله والله انقهر من هالناس اللي يتشمتوون
حراام عليكم هذي خلقه الله
حسبي الله ونعم الوكيل
وعسى الله يشافي بنتج ويعاافيها ياا رب

 

[om deaj]

وايد سمعت ناس تتشمت بالمرض
استغفرالله ياربي
مدري شقولج بس هم انتي لا تتشفين فيهم
انا ساعات اذا صار جذي أخليها بيني وبين ربنا وأقول الحمدلله يارب

وحبيبتي لا تستحين وتعزلين بنتج عن العالم>> تذكرت مقولة لوحدة تربوية ماني ذاكرة اسمها
ولد معاق ولا ولد عاق

 

[فرحه عمر]

اختي عندي سؤال
الحين اللي يسئل ياهل انت بأي صف؟؟؟..........ولا اي مدرسه تروح؟؟... ومنو او شنو تحب ؟؟؟ وهالنوعيه من الاسئله معناته يتشمت بالياهل ولا نوع من المداعبه والملاطفه مع الياهل !!!

وانتي تقولين مرت اخوج ماقصرت ونشرت الخبر!!!! معناته انهم ماكانو يدرون انه بنتج عندها اعاقه لما كانو يسئلونها

وبعدين خير ياطير !!! دروا من مرت اخوج ولا دروا بعدين من نفسهم ,,انتي تقولين انه يبين عليها انه عقلها اصغر من عمرها يعني لا تحطينها براس مرت اخوج

المشكله فيج انتي لانه انتي اللي فيج الاعاقه ومو قادره تتقبلين انه بنتج فيها اعاقه وبالاخص تتحرجين انه عندج بنت فيها اعاقه والدليل انج تطردينها وتقولين لها روحي داخل بس عشان الناس تسئلها انتي باي صف!! هذا كلام بالله ؟؟ عسى محد يسئل عيالنا باي صف معناته يتشمت فيهم !! الناس تسئل عيالنا وهم مادشو الروضه بعد ,,ماقلنا يتشمتون فيهم مع انه مبين عليهم صغار ومو سن روضه

وفوق كل هذا عينج قويه فرحانه وتتشمتين فيهم اللي مثلج تقول الله يرفع عنهم ويخفف عليهم لانه اعاقه بنتج خفيفه وتضايقتي من جم سؤال سؤلوها ,,,واعاقه عيالهم شديده على كلامج وفرحانه فيهم انه الله ابتلاهم

خافي ربج البلا فيج انتي مو في بنتج ولا في الناس
وفكري عدل يمكن اللي حاش بنتج من شماتج في الناس لانه محد يفكر هالتفكير الا اذا اهو نفسه يتشمت بالناس ولا في احد يتشمت على مصيبه غيره؟؟؟ كل من يرى الناس بعين طبعه

 

[عاالية]

رد : رد: ألي تشمتوا في بنتي المعاقة شوفوا شصار لهم؟

اختي عندي سؤال
الحين اللي يسئل ياهل انت بأي صف؟؟؟..........ولا اي مدرسه تروح؟؟... ومنو او شنو تحب ؟؟؟ وهالنوعيه من الاسئله معناته يتشمت بالياهل ولا نوع من المداعبه والملاطفه مع الياهل !!!

وانتي تقولين مرت اخوج ماقصرت ونشرت الخبر!!!! معناته انهم ماكانو يدرون انه بنتج عندها اعاقه لما كانو يسئلونها

وبعدين خير ياطير !!! دروا من مرت اخوج ولا دروا بعدين من نفسهم ,,انتي تقولين انه يبين عليها انه عقلها اصغر من عمرها يعني لا تحطينها براس مرت اخوج

المشكله فيج انتي لانه انتي اللي فيج الاعاقه ومو قادره تتقبلين انه بنتج فيها اعاقه وبالاخص تتحرجين انه عندج بنت فيها اعاقه والدليل انج تطردينها وتقولين لها روحي داخل بس عشان الناس تسئلها انتي باي صف!! هذا كلام بالله ؟؟ عسى محد يسئل عيالنا باي صف معناته يتشمت فيهم !! الناس تسئل عيالنا وهم مادشو الروضه بعد ,,ماقلنا يتشمتون فيهم مع انه مبين عليهم صغار ومو سن روضه

وفوق كل هذا عينج قويه فرحانه وتتشمتين فيهم اللي مثلج تقول الله يرفع عنهم ويخفف عليهم لانه اعاقه بنتج خفيفه وتضايقتي من جم سؤال سؤلوها ,,,واعاقه عيالهم شديده على كلامج وفرحانه فيهم انه الله ابتلاهم

خافي ربج البلا فيج انتي مو في بنتج ولا في الناس
وفكري عدل يمكن اللي حاش بنتج من شماتج في الناس لانه محد يفكر هالتفكير الا اذا اهو نفسه يتشمت بالناس ولا في احد يتشمت على مصيبه غيره؟؟؟ كل من يرى الناس بعين طبعه

حسبي الله ونعم الوكيل فيييييييييييييييييييج عالكلام الي قلتيه وصج ان الكلمه الطيبة صدقة
والله يمهل ولا يهمل وألي عياله صاحين ولافيهم اعاقات
ممكن بيوم من الايام الله يبلاهم ويقلب حالهم.
واحمدي ربج عالصحة والعافية
أنا ماتشمت فيهم والدليل اني ما قعدت أسأل عيالهم جدام عيونهم وشل شككني بالموضوع
أهم لوسائلين عيالي الثانين ماتكلمت
و ما كتيت بالموضوع أساسا
أنا كاتبة الموضوع للعضة مو للتجريح.ورجاءا فكينا من شرج

 

[ملــحْ !]

رد : ألي تشمتوا في بنتي المعاقة شوفوا شصار لهم؟



يـآويلهم من الله ..
يتشمتووووون بالمرض


الله يشآفي بنتججججج ,.. وتشووفينهآ عرووووس

 

[كويتية بروما]

رد: رد : ألي تشمتوا في بنتي المعاقة شوفوا شصار لهم؟

الله يعافيهم و لا يبلاني
اصبري و احتسبي
تم حذف الرد من المشرفة
تحياتي

الحمدلله والشكر يعني مستخفه دمج ولا وايد الموضوع حلوو ويضحك صج انج سخيفه وماكو خبل غيرج

اختي الله يشافي لج بنتج ويفك عوقه وعوق عيالهم

 

[عاالية]

رد : ألي تشمتوا في بنتي المعاقة شوفوا شصار لهم؟

الله يجزاج خير
وانشالله تفرحين بكل غالي وأنت بعافيتج

 

[عاالية]

رد : رد: رد : ألي تشمتوا في بنتي المعاقة شوفوا شصار لهم؟

الحمدلله والشكر يعني مستخفه دمج ولا وايد الموضوع حلوو ويضحك صج انج سخيفه وماكو خبل غيرج

اختي الله يشافي لج بنتج ويفك عوقه وعوق عيالهم

الله كريم مشكوره يالغلا
الله يدفع عنج البلاء

 

[كويتية222]

هلا اختي . . .

ربج كريم . . .

شكثر يعورني قلبي لما اشوف نااس تضحك وتتشمت من اصحاب الاعاقات البسيطة والشديدة

اانا حاااضرة باللي تبينه دراستي عن ذوي الاعاااقات وطريقة تدريسهم