ألي سافرو لنيويورك ( امريكا ) : )

[super-gals]

السلام عليكم ورحمة الله وبركاته


شلونكم حبايبي

حبيت أسئل عن المواقع ألي تحجزون منها السكن في نيويورك

ابي مواقع مضمونه ومجربينهاا

وبغيت تعطوني معلومات عن الأسواق اهناك خصوصاً الرخيصه وحلوه ومناسبه

فدييتكم ما تقصروون

زين ابي بعد اعرف الجوو اهناك في شهر 9 شلون ؟ عشان اعرف شنو ألبس ان شاء الله


:27d66a9c24b146327bf​

 

[kaify q8ya]

رد : ألي سافرو لنيويورك ( امريكا ) : )

اتمنى البنات يفيدونج ,, بصراحه انا انزل ليله وحده بس بنيويورك

و بالنسبه لموقع سكن مضمون ,, عندج booking ,, تحجزين منه بالنت

و شهر 9 يكون احلى جو بالنسبه لهم ,, و بريد بالنسبه لنا يعني تقريبا 25 درجه الحراره

اتمنى فدتج و لو بالقليل ,, لا تنسينا بالدعاء

و تروحين و تردين بالسلامه ان شاء الله

 

[super-gals]

يعني شهر 9 برد ؟ يعني أيييب معاي جاكيت ؟

ولا جو مناسب ما احس بالبرد ؟


اتمنى منكم تفيدوني


وياريت لو في موقع غير booking ؟؟

 

[super-gals]

بنااات عاااد عفييه ردو علييي

 

[*peace*]

رد : ألي سافرو لنيويورك ( امريكا ) : )

الجو يكون حلو براد يعني توينز اوجاكيت خفيف

اكو اوتليت بنيويورك بس مادري شسمه والله

الحجز شوفي اكسبيديا وتذاكر طيران داخلي رخيييييييص والله نصيحه اذا تبون طيران داخلي حجزوا منه

 

[malgoofah]

رد : ألي سافرو لنيويورك ( امريكا ) : )

انشالله ابتستانسين وايد بنيويورك شوفي حبيبتي انا خبييييييييرة نيويورك و ادل دواغيسها كلها لاني اروحلها بالسنه 3 مرات بحكم عمل زوجي لانه كابتن طيار انيي اول شي حف سايتات الفنادق http://www.expedia.com/ و www.orbitz.com/ و www.hotels.com
الاسواااق و هذي متعتي داخل السيتي عندج المحلات الكبيرة مثل saks fifth avenues , bloomngdales - macys
والاوتليتات عندج اكبر اوتلت موجود بنيويورك واسمه Woodbury Common Premium Outlets اتروحونله اباص يبعد تقريبا ساعه يبييييلج فيه يومين او يووم كامل فروحي امبجر محطة الباص اللي تحجزينله منها اهي Port Authority
و هم عندج محلات رخيصه متفرقه بالستي نفس اوتلتات صغار منها daffys marshalles
و انا عندي احسن طيران داخلي اهو jetblue
و اذا تبين اي معلومات زياده بلغيني عالخاص وانا بروح نيويورك تاريخ 19-12

 

[semaasem]

حبيبتي موقع بوكينق ثقة ومجربته وبنيويورك حجزت من هوتيلز دوت كوم وبالنسبة للسوق لا يطوفج سنتري 21 ماركات بأرخص الاسعار

تحصلين عندهم بعد فوق شيلات الماركات موسكينو وآيسبرغ بأسعار حلوة وكل شي فيه جناط ملابس ...الخ وبالتوفيق يارب تروحين وترجعين

بالسلامة حبيبتي

 

[um_fahad]

رد : ألي سافرو لنيويورك ( امريكا ) : )

ااااه يا نيويورك............... اموووووووووووت فيها
انا الصيف اللي فات رحت امريكا وقعدت فيها تقريبا اسبووووع... طبعا سكنت بالتايم سكوير بمنهاتن... حدها عجيبة... هيصة وليصة من الصبح لين الفجر.... اجواءها رووووعة
طبعا السوق هناك عذاب عذاب عذاب ... بقيت ابجي ): لانها كانت اخر محطة لي بامريكا وصرفت فلوسي قبلها
المهم... السوق عندج بالفيفث افنيو شي خيالي... كله ماركات ... وتحصلين القديم واليديد..
عندج بعد الماديسون سكوير بعد هم حلو والمحلات المعروفة مثل macys , saks fifth avenue, jcpenny,
طبعا هناك الساكس 9 طوابق.. حده يخرع... انا الطابق الواحد كنت اقعد فيه بالساعات
عندج بالتايم سكوير مطعم olive garden حلو
بالنسبة للسكن انا انصح تسكنين بالتايم سكوير اونس... كل شي يمج
انا عن نفسي سكنت الكراون بلازا تايم سكوير.. موقعة رووعة يم M&Ms ... وحجزته عن طريق booking.com
عموما ... بشكل عام مانهاتن حدها حلوة والتمشي فيها وناسة ,, وعلى وقتي كان اول اغسطس الجو ماشاالله حلو .. براد على مطرة خفيفة
ولا تنسين بعد السنترال بارك هم تونس

 

[fat]

اهنيج على الموضوع وانا بودي بمعلومات عن امريكا يا ليت الي عندها اي معلومة تزودني

 

[super-gals]

يعطيييكم ألف عافيه على هالبادره الطيبه منكم


زين شنو تنصحوني فيه شنو الأحتياطات ألي أخذهاا ؟ انا سمعت انه المحجبه نوعا ما تصير الأنظار عليها
خصوصاُ بالمطاار يصيير فييي تزمت فخايفه من هالموضوع


ياريت تردون علي

 

[um_fahad]

رد : ألي سافرو لنيويورك ( امريكا ) : )

لا تحاتين.... مطار نيويورك jfk كان سبحان الله سهالات... ماخذت منا الاجراءات عشر دقايق.... مع ان الكل كان محذرني منه.. وتميت اسبوع قبل السفر نفسيتي حيل تعبانة... بس الحمدلله ... خلصنا الاجراءات واحنا واقفين... بالنسبة للحجاب.. ماشاءالله على الشعب الامريكي.. يحترم كافة الاديان والجنسيات... وكلش ما يضايقون .. بالعكس كانوا حيل لطيفين ويانا سواء الشعب نفسه او موظفين المطار..وللعلم انا قعدت شهر كامل بامريكا واجرنا سيارة وافترينا تقريبا على خمس ولايات نهائيا ما شفنا شرطة او دورية وقفتنا

 

[q8 83]

رد: رد : ألي سافرو لنيويورك ( امريكا ) : )

انشالله ابتستانسين وايد بنيويورك شوفي حبيبتي انا خبييييييييرة نيويورك و ادل دواغيسها كلها لاني اروحلها بالسنه 3 مرات بحكم عمل زوجي لانه كابتن طيار انيي اول شي حف سايتات الفنادق http://www.expedia.com/ و www.orbitz.com/ و www.hotels.com
الاسواااق و هذي متعتي داخل السيتي عندج المحلات الكبيرة مثل saks fifth avenues , bloomngdales - macys
والاوتليتات عندج اكبر اوتلت موجود بنيويورك واسمه Woodbury Common Premium Outlets اتروحونله اباص يبعد تقريبا ساعه يبييييلج فيه يومين او يووم كامل فروحي امبجر محطة الباص اللي تحجزينله منها اهي Port Authority
و هم عندج محلات رخيصه متفرقه بالستي نفس اوتلتات صغار منها daffys marshalles
و انا عندي احسن طيران داخلي اهو jetblue
و اذا تبين اي معلومات زياده بلغيني عالخاص وانا بروح نيويورك تاريخ 19-12

ما شالله عليها ما قصرت قالت الي بقوله بالضبط

و بركز على اهم نقطتين قالتهم

اول شي لا تطوفين الاوت لت الي يبعد ساعه لانه حده عجيييييييييييب و هذا اكبر اوت لت راح تدخلينه و الماركات العجيبة موجوده فيه


و ثاني شي jetblue Airhline ممتاز و خصوصا بالنسبة للطيران الداخلي بامريكا لان طيراناتهم تعيسه

و بالنسبة للحجاب جدااااا حبوبين والله ما ابالغ كذا مره ايني شخص يسألني انتي مسلمه اقول اي يقولي حجابكم وايد حلو

و المسلمين على طول يمشون و يسلمون عليج

و مطار JFK وايد سهاله انا كل سنه اروح اخذيها مني

و اي سؤال من عيوني بس امري

 

[mufc]

اختي انا كل سنة اروح مرتين امريكا كل مرة اروح منطقة بس احلى منطقة اهناك اهي لاس فيغس منطقة وايد حلوة الصراحة يعني او نيويورك هم حلوة بس مو نفس لاس فيغس او عندج بعد كلفونيا هذة منطقة المشاهير يعني هوليود كل الممثلين اهناك او عندج المحلات اهناك نينا وست - ساكسا فنيو او من هذة الطقة