ألي من مواليد الثمانينات او اول التسعينات المهم عاشت طفولتها بأيام بالتسعينات تدش

[F.a.r.a.7]

السلام عليكم ..​

بنات هالموضوع فاتحته عشان تسولفولنا عن طفولتكم ايام التسعينات شلون عشتوها
او اي شغله قديمه تذكرونها كانت بالتسعينات واختفت الحين ​

اول شي انا ببدي​

​

تذكرون هذيل .؟! (بشار القديم -المستشار-القاتل -النيكل) لووول
حتى اساميهم كانت مميزه .. وهذا غير البيــــــجر
ياترى هل بيصير مصير البلاك بيري والايفون مثل مصيرهم .؟! (انتظرو معرفت الجواب بالعشر سنين القادمه )​

​

منو يقدر ينسى الحـــــصن .؟!
هاذا اذكر كل متسابق يدش قول هاذي انا والي وراها يصير اخوي والي وراه اخوي الثاني
ونشوف منو يفوز وهكذا صج يهال لول الحين مادري وين انقرض ماقمت اشوفه كلش​

​

وتذكرون يوم البحاار شلون كان بالتسعينات كان بأيام عزه اهو وشوبيز والجزيرة الخضرا
وجنا يوم البحارنفس العابه الي الحين بس الي فرق ان اليوم بربع والتسعينات بـ100 فلس​

​

هاذا حبيبي السابق لول كنا نشتري منه كرتون كامل ومرات اثلجه بالفريزر واقول هذا برد
الحين مادري شفيني ماشتهيه كلش​

بلعتنا قبل ​

​

​

​

​

​

​

وهذا تذكرون لما كنا نحطهم بمدسدسات وطلع صوت؟ ​

​

هالمطعم يقولون لليوم بالسعوديه
اذكر شهرته نفس ماكدونالدز اليوم كنا نروح نتعشى فيه واكله ماكان فيه شي مادري
ليش تسكر:eh_s(10):​

​

​

سوبر ماريوو ،كنت ادمااااااااااااااااااااااااان عليه ​

​

وعقب الناتيدو تطورت لي بلايستيشين ون ​

​

​

وادمنت على بيبسي مان وكراش وفي دسك كان نفس المصارعه يطقون بعض ماذكر شسمه هذولا الي كنت معلقه عليهم
ومرات العب مع اخوي دوري وكله يفوز علي اقل شي 2-0 لوول​

وبلايستيشن تو وثري ماقربت صوبهم :/​

وتذكرونالقناة الرابعه.؟
كانت كلها مسلسلات من الصبح لي بليل مصري ، كويتي ، سوري
مادري وين راحت الحين حتى اسوي سيرج ابي لها صوره مالقيت :/​

​

هاذا شحيت ومحيت اذكر كان يطلع عليها الله يرحم ايامه
وهم كان واحد ثاني اسمه عبدالله البري وعبدالله البحري انقرض​

​

بوهباااااااااااااااااش
منــــــــــــــو يقدر بنساه لول اتوقع صغير كبير كلنا نطالعه
ايامها كنت اسجل كل حلقه قبل لاتبدي ​

​

يحليله اذكر اول ماطلع برمضان جنا كان وراه دارت الايام او القرار الاخير
ماذكر المهم اني كنت اطالعه غصبن علي عشان ناطره الي وراه​

​

بوضروس مادري بوقلبين ​

كانت المسلسلااات وااااااايد وكل واحد احلى من الثاني
وماكان فيها سوالف خطف بنيتهم وصارت حامل وسوالف مسلسلات تركيه
ولا حتى فيها بنتهم بويه او اخت خذت ريل اختها وهالسوالف الماصخه الي اليوم
والي تذكر مسلسل بالتسعينات تقولنا عنه ​

وبلييييييز لحد يرد ماخلصت ​

 

[F.a.r.a.7]

والبرامج كانت بعد الفطور برمضان

هاذا فضائيات
حلوييييين ..بنحبكوون، طيبين بنحبكون
وكان فيه بعد تناتيف

تذكرون الافلام الهنديه الي كانت تطلع على قناة الكويت الثانيه كل يمعه .؟!اذكر انا وخدامة يدتي الله يذكرها بالخير كنا نحط عالقناة الثانيه الساعه 2 الظهر ننطره يبدي
ومرات مع ابوي حلاته يموت عالافلام الهنديه لليوم لول

وهم بعد تطلع عليها المصاااااااااااارعه كنت ادمااااااااااااااااااااان انا واخوي
كل ماتذكر نفسي انا والمصارعه اضحك يندرتكر وشونمايكل وربعهم الباجين بيــــــه
كنا نطالعه ونقول جذاااابين ونضحك عليهم لما يطاققون
وبعدين نقول حق خدامة يدتي شوفي ترا هذولا جذابين واهيا يحليلها ماخذتنا على قد عقولنا
لوول



للحين ماخلصنا

 

[F.a.r.a.7]

الحين بااااااارت الانميات او البباياااااااااااااااااااات واعتقد احلى شي بفترة
التسعينات بباياتها​

ماتوقع اي وحده فيكم كانت ادمان ببايات اكثر مني اعشششقهم تخيلو كان عندنا كبت بوصفاقتيين اساساً كان حق تعليق الملابس بس الي صار انه حطوه حق اشرطة الببايات ملوتي
انا واخوي ​

وااي الله يرحم ذيج الايام اذكر بالعطله كل يومين اقعد ابوي الصبح نروح حولي نشتري اشرطه
ولما ارد يحتر اخوي وايروح يوديه يشتري بعد اشرطه والكبت بيزوع والسبه اشرطتنا لول
رااااااااحت ايام الدلع كان راسي وراس اخوي الحين زدنا وصار عندنا خوان وخوات (ماشاءالله ماشاءالله لا إله إلا الله )​

خلونا من الـCV مالي ​

اول شي نبدي بمعذب قلوب العذارى ​

​

عدناااااااااان ولينا​

​

زهرة البرااااااااري
اذكر امي كانت نفاس وقاعدين ابيت يدتي وقايمه الساعه 8 الصبح عشان اشوفها على قناة الكويت الاولى​

القنوات من الساعه 8 الصبح تبدي طلع كله ببايات كنت احتار مادري ششوف ليما الساعه 10 ماكو ولا بباي :/​

​

هاذا بعد نفس الشي كان يطلع الصبح بس لليوم مافهمت قصته
بالضبط شنو ​

​

شهلاء​

مادري شصار عليها آخر شي لقت امها ولالا ​

​

هالمليق كان عندنا اجزاءه يحبه اخوي ماذكر قصته بس الي اذكره كان مقاتل نينجا​

​

كامباروالخبل كنت احبه ​

​

هالافريقيه مادري آخر شي شصار عليها تزوجت الفرنسي ولالا
اذكر كنت اشوفه على قناة LBC .. ايامها معلقين على جملتهم لما يصير فاصل ويحطون شي لازم هالجمله ( كل هيدي على الالبسي العربيه البنانيه) ​

​

هالبباي شنو كنت ادمااااان لوول
اذكر آخر حلقه بجيييييت لا شلون ماتتوالي يضحك كان شريطه بس 5 اجزاء وانا معلقه
على ابوي لاا ابي الجزء السادس ابي الجزء السادس بعد عمري فر فيني محلات الكويت عشان القى عندهم الجزء السادس واقتنع انها ماماتت وكل محل ندشه يقول اهو 5 اجزاء ماكو
ومرات اطلعلهم بطلعه يديده يعطوني الجزء الاول بعدين اقول لا مابي ابي من الجزء
الصفر والله العظييييم ابداااااااع وانا صغيره ​

​

النمر المقنع​

غنافاتنا قبل بالـ95 او 94 سفنج ماكان فيهم خشب وكنا نحط اربعه داشين ابعض ونسويها يعني حلبت مصارعه احنا وعيال خالي لوووول وماكو طق آخر شي ينحاشون برا ويقلبونها صيده ماصيده:eh_s(16):​

​

سااااااالي مستحيل احد مايعرفه
اذكر كنت اشوفه على الـMBC ألساعه 3 العصر ووراه يطلع صاحب الظل الطويل​

​

وهذا بعد كان على MBC الساعه 3​

​

تذكرون لما كان يطلع على قناة الكويت الاولى على الغدى لما نزد من المدرسه؟​

​

وهذا بعد كان يطلع نفس الحزه
قصته جيكره تزوجت واحد حلو وتغار عليه
مادري شكو حاطينه حق يهال لول​

​

اذكر هم هاذا يطلع الساعه 5 العصر على الكويت الاولى
ومن 10 سنين لي اليوم ماكو نهايه لكونان​

​

ليدي ليدي يحليلها اهيا واختها تقاطعو آرثر .. للحين جملتهم بذني (له شعر اشقر وعينان زرقاوتان )​

​

حلاااااته اذكر كنت اشوفه برمضان عقب اذان المغرب يطلعونه
احلى شي بالمسلسل كاثرين ​

​

فله والاقزام السبعه
اهم شي انه مرقعيلنا السالفه وحاطين وسام اخوها مايابو طاري ان حبيبها
وانا ماشيه علي السالفه لول​

والبابايااااات وااااااايد لو احطهم من اليوم لي باجر ماراح يخلصون
حطيتلكم الي طرو علي ​

وبنات ترا صارلي
فوق الساعتين ايمع بالصور وارتب بالموضوع​

تفاعلوا وسولفولنا عن ايامكم وانتو بالتسعينات​

موتكسرون فيني واتحسف اني سويته:eh_s(22):​

 

[فراشة لكويت]

واااااااااااااااااااااااااااااااااااااااااااااااااااااااااااااااااااااااااااااااااي
احلى الايام كانت والله
مشششششششششششششششششششششششششششششششكورة
وتسسسسسسسسسسسسسلمين يا قلبي

 

[يارا توت]

يالله ياعمار :eh_s(9):ذكرتيني ايام الطفولة :eh_s(15):
خصوصا صاحب الظل الطويل :eh_s(22): ........... اه ايام
وليدي وكونان ونمر المقنع بس نسيتي الكابتن ماجد هذا عندنا بسعودية مااادري تعرفونة بالكويت
والبلاستيشن كراش وسوبر ماريو هذول اللعب البنات وناسة
يسلمو على الموضوع فروحه
:eh_s(2)::eh_s(2)::eh_s(2):​

دمعة عيني

 

[آخـر إْلـعنقود]

يآآآآآآآآه قـعدت اتذكر .. دآ كآن زمآآآن

يسـلمو على نفـض الغبآر عن ذآكرتي

 

[دلوعه ناعمه]

وااااااااااااي موضووووعج ايين ذكرتينا باحلى الاياااام واحلى شي الباباياااااااات كل اللي حطيتهم احبهم واتابعهم وبعد نسيتي ماروكو وكلمتها اودادا لووووووووووول ووادي الاامااان اموووت فيه مشكوووره موضوع روعه

 

[غرام القمة]

صج احلا ايام يا ريت ترجع كنت لما اشوف سااالي ابكييييييي من قلب
واحب صاحب الظل وفعلا كل المسللات اللي حاطتها كنت اتابعهم واحبهم خصوا لما تكون العطلة نقعد الصبح ونتابع
والله لو يقولون ترجعين مرة ثانية ونفس الحياة اللي عشتها اقول ايوووووووووووووووووووووووووووووووا
مشكووووووورة حبيبتي عالمجهود وذكرتينا بالايام الحلوة
صج براءة ما نعرف شنو اللي يدور حوالينا

 

[حلاوة الحلوة]

ياحياتي والله هيضتيني عالطفوله
وبصراحه مشتاقه للحصن واما سالي وجودي ابوت(صاحب الظل الطويل) كانوا بباياتي المفضله ونسيتي حكايات عالميه كان رووووعه
تسلمين ياعمري

 

[الغنج والدلع]

موضوعج اينن رديتنا ايام الطفوله احلي ايام عمرنا ياليتها ترجع والبابيات سالي ورنين وكابتن ماجد وليدي كنت دايم اتابعهم والحصن بعد احلي البرامج وعصير السانكيست قبل يبيعونه بالمدرسه والبلاي ستيشون وكراش والتندو الفطر ياحلوها من ايااااااااااام زمن جمييييييييل صعب يتكرر كنه صج اطفال ابرياء مو يهال هالوقت حتا بباياتهم غير شكل

 

[حلـم لــم يكتمل]

فديتج تسلمين على الموضوع ياقلبي ائه
والله دمعة عيني وفيني غصه
ياحلوها من ايام صج كانت ايام برائه
موو مثل هالايام هذي ولا البابايات اعوذ بالله مدري شلون العيال يتقلبون هالنوعية
ايام الله يرحمها راحت وليتها ترد

 

[** مفاهيم الخجل **]

ذكرتيني بالذي مضى هئ هئ مابي اكبر ابي ايام الدلع هههههه


كانت احلى ايام العمر حتى المسلسلات المكسيكيه الساعه 5 على mbc

كاساندرا

قوادا لوبي

ماري مار

ونااااااااسه

يسلمووووو على الموضوع العجيييييييييب

 

[آزٍرٍيت آتوٍبهٌ]

آآآآه جبتهآ ع آلجرٍح وكنك مآدريييييت

يمممه آبيييييهم شلووون

آشتقت لكرآش آتوقع آلحين مآكو وبيبسي مآآآن وكآنون وسآلي وآلنمر آلمقنع

وين آلقآآآآآهم

ونسيتي دآررت آلآيييآم بعد

 

[قنوت]

وااااااااااااااااااااااااي

تصدقين صارلي يومين اقحص في اليتيوب

اشتقت لايام الطفووولة جنج درايه لوووول

الايام الزينة

بنات منو تذكر مسلسل الى ابي وامي مع التحية خخخخخخ يهبل

وماما انيسه ؟؟ منو يذكرها احبهااااا

وصج بنات انا ميمعه اسامي الكرتونات وابي اشوفهم في الاجازة خخخخخخخ

وميييين ماتمنت تكووون ساااااااااالي ؟!!!!!! ههههههههههههه

وشفتي الحصن ؟؟ تراه ينعرض في قناة ايطالية جنه اسمه كاي 2 k2 جذي لوووولز كان حلم حياتي اطلع اشارك معاهم ههههههه


ومسرحية السندباد البحري منووو يحبهااا ؟؟؟!!!!!

انااااااااااااااااااااا بلاااادكم حلووووة حلوووة بس الوطن ماله مثيل وبلادكم حلووة حلوووة

اخيييييييييييه على الاياااام


ايه بناااات منو تحقق لي حلم حياااتي

كل اللي كنت ادورها لقيتها الا مسلسل ماحصلته

وناسيه اسمه بعد

بس بوصفه اللي تعرفها اماااانه تقوووولي

اهو مسلسل مال حكاوي وجذي عيال ويدهم يحكيهم قصه ويمثلونها القصص جذي بالعربي الفصيح

والممثلين سوريين وجنه جنه انعرض على قناة بوظبي

بليييز بنات اللي تذكره تقولي

 

[al_reef]

أي والله أيااااااااااااام

كنا ننقع بحمام السباحة من صباح الله خيير ليما يقعد أبوي من النوم

ويودينا الجمعية نشري ريوق وحلويات

وننطر الببيات تطلع

عاد أخوي ينسدح عالارض جدام التلفزيون بالضبط >>>>>>>>>>>> بنص لايمين نتفه ولا يسار

ولا يقوم الدنيا علينا

سالي وصاحب الظل الطويل عشقي إلى اليوم أوريهم بنت أختي وحبتهم وإذا أحد تحجى بنص المسلسل يااااااااااااااويله

ولا مسلسل أنا آكو كان كل البيت يشوفة >>>>>>> تذكرون لما طلعوا أنه حلقة باجر يروحون البحررررررررر

قناة الكويت ماطلعتها هههههههههههههههههه متنا من الضحك

مشكوووووورة على الموضوع الحلووووووووو

 

[ام يوسف الكويت]

صج صج موضوعج انعش ذاكرتي
اهم شي بيبسي مان وماريو والله شغلات حلوه وذكريات حلوه
ذكرتيني لمن كنت اتهاوش مع اخوي على الننتندو ههههههه
يقولي يلا نلعب بالدور
وانا بسرعه اموت باللعبه
واهوا يعقد خمس ساعات مايموت باللعبه وازهق علما يصير دوري وانقهر وابجي خخخخخ
وشغلات وايد حلوه خصوصا بسكوت الموز والسانكست ههههه
تكفين عندج دعاية السانكست القديمه؟
والله اعطيج فايف ستار على هالموضوع التحفه

 

[خشف العذارى]

والله العظيم كأنج عايشة طفولتي معاي وعارفة كل شي
ما شاء الله اي ولا تنسين عصير الربيع ههههههههههههههههههه من امه قديم
يسلمو موضوع رووووووووووووعه

 

[منتهى الرقة86]

:eh_s(16): :eh_s(16): :eh_s(16):

الله يسامحك ذكرتينا باللذي مضى


روعة روعة

سالي لمى نشوفها دموووووووع اربع اربع

هايدي وليدي ليدي

وصاحب الظل الطويل جودي ابوتس

كنت اموووووووووووت على حكايات عالمية للحين اغنيتها حافظتها

مو كرتون هالوقت يمه يخووووف

مشكورة على الموضوع الحلو

 

[e7sas ontha]

وربي ايااااااااااااااااااااااااااااام تهبببببببببل

كل ماشووف شي استانس صج من داخلي احساس غريب
احس بحنيييين لهالايام براءه وعفويه

كل شي كان حلو
التلفزيون نظيف وقصص حلوه
والبباي حلو وبسيط موالحين كله خيااالي وحرب وخرابيط

اما هذا ماريو حبيب الكل
واحب سونيك هذا القطو الازرق
وبيبسي ماااااااان

ولا الحلويات ههههههههههههههه
هذا حلاو توفو اللي يلصق بالضرس خخخخخخخخ
ولا بفك فلونه مع دقوس بطل
ولا ككاو بو شمسيه ههههههههه

يااااااااااااااي ليتها بس ترجع

عندي جم شغله بعد قديمه بحاول اضيفها بموضوعج
خلي الكل يفرح ويتذكر الايام الحلوه
ونكون رسمنا البسمه والضحكه على شفاهم


لي عوده باذن الله

 

[جوري ابيض]

بصراحة ماخليتي شي واااااو صج ايام تعور قلبي اذا ذكرتها من حلاتها ياليت ترجع
وااااي شذكر بشحيت ومحيت عجيب
بضحكج شوي صاحبة الظل الطويل كنت اخاااف منها بذات بليل لدرجه ابجي ههههههه

اما سالي ادمان ليومج هذا اذا شفتها ماغيرها واندمج
ياحلات كراش وسوبر ماريو وبو هباش

اما الارنب الجائع صدقتي كان مثل شهرة ماكدونالز الحين فيه فرع لهم بسوق السالميه بس ماجربته


بصراحه ماااقصرتي سلمت يداك على قولتهم


احسج تشبهيني