أماكن بيع لوازم المدرسة المعقولة والمناسبة

[حناينq8]

انا شريت من معرض اللوازم المدرسيه بجمعيه القادسيه
وشريت من مركز سلطان
ومن سنتر بوينت

 

[أم بتول*]

ممكن سؤال يا جماعة لو عندكم بنتين تشترون لهم نفس الشي بس بتغيرو بالألوان ولا كل وحدة شكل انا بنتي السنة بتروح روضة والثانية ابتدائي وما بعرف اشتري لها نفس أختها الجنطة بس أغير الألوان ولا كل وحدة شكل شو رأيكم بحكم تجاربكم يعني

 

[golden tears]

Up up

 

[ترف بابا]

الاسواق الشعبيه

وفي عندنا بالفحيحيل اذا قريب عليج - مكتبة الواضح وسوق الاسره

 

[*ماي الورد*]

سوق العائلة اللي بفحيحيل اي صوب صاير

 

[أم بتول*]

اب لعيونكم

 

[بقلبي انت]

شريت لبناتي جناطهم طقم كامل من سنتربوينت واغراض المكتبه من سوق العايله بفحيحيل
كل سنه عنده اشتري منهم شغلهم حلو بصراحه

 

[ام الشوامس]

حلو الموضوع

استفدت منه

ولدي العام شريت له طلبات الروضه من الاسره بالفحيحيل

 

[بازار الفارس]

سوق رامز حلو وأسعاره مناسبه جدا

 

[bedour18]

ستي ستارز بالري يم المشاتل قرطاسيته حلوة

 

[حمرة ومحدد]

بالنسبه للملابس ايام المدرسه كنت اشتري ومازالو اخواني يشترون من ( الايوب ) بحولي من وانا بالابتدائي امي عسى الله يطول بعمرها
تشتري لنا منه وانا اللحين بالجامعه :d

وبالنسبه للجناط مم ماكو مكان معين ساعات نشتريهم من برا الكويت وساعات من المعرض اللي يصير بمشرف
وساعات من سنتر بوينت ومرات من سوق مترو بالفروانيه

والقرطاسيه من مترو وبعض المرات من فاشن مل وبعض المرات اذا مالنا خلق من المكتبه / وقببببل كنا نشتري من السنافر

بس نصيحه قبل لا تشترين شوفي نوعيه ( اوراق الدفاتر ) ساعات تجي دفاتر غاليه بس سعرهم فيهم الورقه حلوة
وتشجع عالكتابه مو رديه وبسرعه تنشق وتلعوز بنتج طول السنه وتكره الدفتر لان ورقته مو حلوة الكتابه فيها

وبالنسبه للجنطه هم جيكي على جودتها لان اطفال ولازم نحرص على راحتهم
اذا تستخدم جنطه ظهر اخذي لها ام يدات عريضه عشان لا تعور ايدينها وظهرها
واذا جنطه سحب اخذي لها جنطه شوي طويله وراهيه عشان تقدر تدخل فيها الفايلات والكراسه بسهوله

وبالنسبه لسؤالج

ممكن سؤال يا جماعة لو عندكم بنتين تشترون لهم نفس الشي بس بتغيرو بالألوان ولا كل وحدة شكل انا بنتي السنة بتروح روضة والثانية ابتدائي وما بعرف اشتري لها نفس أختها الجنطة بس أغير الألوان ولا كل وحدة شكل شو رأيكم بحكم تجاربكم يعني

اشتري لهم نفس الشي اذا البنات متعلقين ببعض او يغارون من بعض
عشان لا يحسون بتفرقه اذا شريتي اغراض مختلفه

اشتري نفس الشي بس الوان مختلفه وبحجم مختلف ، وسأليهم اذا يبون نفس الشي او عادي عندهم
اذا عادي ماعندج مشكله / واشتري لهم اللي يحبونه ويعجبهم مع الحرص على ان الشي اللي عجبهم يكون عاجبج
وفيه مقومات مريحه لهم


وبس عسى الله يوفقنا ويوفقكم ياربي 3>

 

[أم بتول*]

مشكورة حبيبتي حمرة ومحدد على ردك والله يوفقك متل ما قلتي احسن شي اسألهم إذا بيحبو نفس بعض

 

[أم بتول*]

اليوم رحت المكتبات يلي بالمنطقة العاشرة بالكويت جنب مجمع الصفاة المنطقة هذه كلها مكتبات جنب بعض وأسعارهم معقولة
اشتريت دفاتر رسم وتلوين وصمغ وجلاد شفاف وستيكرات وبس الشناتي ما شريت ما لقيت شناتي عليهم لولو كاتي وهلو كيتي والشناتي اسعارهم غالية شوي
يعني مقاس اولى وثانية ابتدائي حصلتهم على 6 دنانير بس ما لقيت لولو كاتي وهيلو كيتي هيك بنتي تبي
وبس حبيت فيدكم

 

[حلم الطفولة]

الجمعيات عروضهم روعه
بالأخص مشرف و القادسية كل سنه الشركات المستوى تحط عندهم

اليوم رحت القادسيه ومسوين عرض (( بسعر التكلفه )) ماشالله عليهم