أمبيه يا متزوجات انتوا اشلون متحملين؟

[بريق اللولو]

هههههههههه

عادي تتعودين ويكون على قلبج مثل العسل ..

ولا انا وين والشغل وين .. انا حدي اسوي الطبخه اللي احبها واحوس المطبخ واطلع والخدامه تنظفه وراي << طباخه الحمد لله ..

الحين تعالي شوفيني اذا طبخت احاتي منو يغسل المواعين لووول ..

تتعودين ويصير عادي عندج لانه هذي الحياة الزوجيه فيها تنازلات وتعب وصراع من اجل البقاء << ركزوا على صراع

الله يهديج

انتي بكلمة صراع قاعده تخرعيني

 

[مجنونة بس عاقلة]

بحرينيه كول
تقولين كلام يزعل وماتبين البنت تزعل
الواحد يقول خيرا او ليصمت
شنوموضوع تافه
بالعكس انا استانست فيه وموضوع حلو بالمرة

 

[بريق اللولو]

موضوعج تافهةةةةةةةةة لا تزعلين نخدممممم ريايلنااااا موب غرب وكلنا في بيت اهلناا مدللين ومعززين وما نسوي شي بس لما تزوجنا صرنا مسؤلات

امبيه

في كلمات ارقى من جذي

على العموم يعطيج العافيه ليش كلفتي على عمرج بالرد

 

[بريق اللولو]

امبي ضحكتيني ع ((جان زين الرياال تفصااال ))<<لوووووول

حبيبتي هاذي اهيه الحياة ولازم تتناازلين عن اشيااء وهذاا رااح يكوون بيتج موو كل شي ع الخداامه

انا عن نفسي الخداامه مااحبهاا اتجييس شي من بيتي لانه مااأثق بأي احد

وحلاته المره اهيه اللي تنظف بيتهاا

وع ساالفه الزووج ترى الرياال مثل اليااهل ويتغير مع الاياام صدقيني بس

ع حسب المره اشلوون تتفنن بتغييره

والله يوفقج ان شاءالله

الله يكون بعونج

ويخلي لج ريلج و يتمم عليكم بالسعاده

انزين الريال مثل الياهل ويبيله صبر

بس انا ما اقدر اصبر بسرعه اتنرفز

الله كريم

 

[اكسبلانكا]

بعد عمري انا كنت مثلج وازيد بد اذا حتى كنترول التلفزيزن اتعيييز اييبه انادي الخدم اييبونه والله ماجذب عليج كسل مو طبيعي فيني ورباده فوق متصورين ودلع شي شي وامي كله تولي الله يعينج اذا تزوجتني مادري شبتسوين اقولها باخذ خدمكم معاي واضحك
والله والله والله بس تزوجت هذا كله تغير بدون تخطيط ولا شي والسبب يمكن ماتصديقه الحين لما تجربينه والسبب اني احب زوجي فكنت كله ابي اكون بعينه كامله والكامل سبحانه شوي شوي كنت اقعد مبجر شوي عشان اسويله جاي طبعا هذا ريوقه واهو بنفسه قايلي ان البح مايحب ياكل بس الجاي مهم والله كنت اقوم مغمضه وادز روحي دز المطبخ واشغل السخان بسرعه وازهب الكوب والجاي واييبه الغرفه وبسرعه امط شعري واتعطر واكفخ خودي عشان اصحصح والله كنت اضحك على عمري لوووووووول وبعدها بس يطلع اكمل نومي واحط الساعه قبل لا يرد بساعه او ساعتين اخذ شور والبس واكشخ وارتب الشقه واقعد انطره ( لاتساليني والغدى زوجي يدري اني ماعرف اطبخ فروح بيت اهلي او اهله تنتغدى وهذا كان شرطي )اول الايام كنت اتافاف واحلطم بروحي بس الحين تعودت والحمدلله مرتاحه
ادري قتلج قصه حياتي بس حبيت ابين لج اذا حبيتي ريلج بتسوين كل هذا وانتي مستانسه والله يوفقج يارب ويسعدج

 

[بريق اللولو]

لاتتزوجين احسن شي وعيشي بحريه احسن والله خخخخ

<< ناويه تعيش بحريه

على الاقل محد يتحكم فيني @@

لا يا حبيبتي انا بتزوج


بزوجج معاي


ماعندنا بنات يقعدون


[/

 

[امــ مشـــــعل]

بنات شفيكم كل وحده تكتب موضوع قمتوا عليها
موضوع البنت بالعكس حلووو
قاعده تقول ان اهيه مو متعوده وتبي تاخذ خبره شصار يعني


وين اتفاهه بالموضوع


المهم حبيبتي
انا قبل لا اتزوج ماغسل ولا حتى اشيل اكلينكس من عى الارض وامي كله تقول اشلون تبييين تتزوجين وانتي حتى اذا اتسبحتي فوطتج ماتشيليها
وكاني الحين متزوجه وحامل وماسكه بيت وزوج بس ماخم ولا اغسل بس ارتب سريري وغرفتي والباجي على الخدامه وانا معاها

لان ابيت اهل ريلي ومدلعيني الحمدالله

ومشكوووره على الموضوع

 

[om 3abody]

والله حبيبتي انا مثلج اتنرفز ابسرعه وماافيني صبر

بس اشوي اشوي الحمدالله ع كل حاال

وانتي من اسلووبج حسيت تقدرين تتحملين اشوي مسؤوليه

وربي يوفقج

ولا يغرج انا ترى انا صغيره <<عمرهاا 18

يعني في اشيااء مااقدر عليهااا لاني مااتحمل اعصب ابسرعه

والله يعيين

 

[شنكولة]

كلنا كنا جذيه مدلعات في بيوت اهالينا

 

[بريق اللولو]

بعد عمري انا كنت مثلج وازيد بد اذا حتى كنترول التلفزيزن اتعيييز اييبه انادي الخدم اييبونه والله ماجذب عليج كسل مو طبيعي فيني ورباده فوق متصورين ودلع شي شي وامي كله تولي الله يعينج اذا تزوجتني مادري شبتسوين اقولها باخذ خدمكم معاي واضحك
والله والله والله بس تزوجت هذا كله تغير بدون تخطيط ولا شي والسبب يمكن ماتصديقه الحين لما تجربينه والسبب اني احب زوجي فكنت كله ابي اكون بعينه كامله والكامل سبحانه شوي شوي كنت اقعد مبجر شوي عشان اسويله جاي طبعا هذا ريوقه واهو بنفسه قايلي ان البح مايحب ياكل بس الجاي مهم والله كنت اقوم مغمضه وادز روحي دز المطبخ واشغل السخان بسرعه وازهب الكوب والجاي واييبه الغرفه وبسرعه امط شعري واتعطر واكفخ خودي عشان اصحصح والله كنت اضحك على عمري لوووووووول وبعدها بس يطلع اكمل نومي واحط الساعه قبل لا يرد بساعه او ساعتين اخذ شور والبس واكشخ وارتب الشقه واقعد انطره ( لاتساليني والغدى زوجي يدري اني ماعرف اطبخ فروح بيت اهلي او اهله تنتغدى وهذا كان شرطي )اول الايام كنت اتافاف واحلطم بروحي بس الحين تعودت والحمدلله مرتاحه
ادري قتلج قصه حياتي بس حبيت ابين لج اذا حبيتي ريلج بتسوين كل هذا وانتي مستانسه والله يوفقج يارب ويسعدج

حبيبتي ردج ريحني

ولاحظت اغلب البنات جوابهم مثلج وحسستوني بالأمل

الله يخليكم لبعض و يتمم عليكم بالسعاده

 

[كويتيهx5]

والله انا مو متزوجه

بس الصراحه الله يحب اللي ياخذني لاني احب اشتغل بنفسي بكل شىء مع اني بيت اهلي ما اسوي شىء لا اطبخ ولا انظف الا غرفتي.

بس انتي اللي تخلينه يتعود علييج.

والله يرزقني اللي في بالي

 

[بريق اللولو]

شنسوى بعد حكم القوى

لازم نصير سوبر ومن

ويا ليت عاجب

لا الله يخليج لا تقولين جذي

الله يهديهم يا رب

 

[april_q8]

الله يخليج لا تاخذين المنتدى مقياس تر وايد عقد ووايد ماكو شخصية و اهم شي الريال و تنسى نفسها الحمدالله و الشكر اشوى انا ما عرفت المنتدى الا عقب ما تزوجت و انا ترى نفسج حياتي قبل الزوجات طلعات و رفيجات و اهم شي اهلي حرصوا علينا انه نكون شخصيتنا ما ادش مطبخ عشان الصراحة كنت ادرس و الحين الحمدالله معاشي قوي و شهادتي قوية و حياتي قبل الزواج اهيا نفسها الحمدالله و اول ما تزوجت يبت خدامه انا ما اسوي شي الصراحة طبعا بيقولون عني اهني مو سنعة بس انا و زوجي متفاهمين احنا شركاء بحياة وحده مو يايبني خدامة

و انت اللي تقررين شلون نمشين حياتج

 

[mr000]

أمبيه بريق اللولو آنا بنتي نفسج وكل يوم أقولها قصة حياتي لما حفظتها واشلون تزوجت صغيره وتحملت المسؤوليه وتعلمت الطباخ وربيت عيالي 2 وآنا أدرس بالجامعه وتقولي أي ان شاءالله تالي يصير خير أتعلم وبعدين اللي ياخذني لازم يحطلي خدامه وأقوله أني ماأعرف أطبخ كيفه!الله يهديكم يارب وتتغيرون تالي ويرزقكم بعيال الحلال ويصبرهم عليكم!ههههههه! موضوعج حلو ومهم لأنه وايد بنات مثلج!

 

[في بحرهم عذبوني]

لما تحبينه تسوين له اي شي و باجر بتذكرين كلامج و تضحكبن

 

[قلب حنين]

الحياة الزوجية كلها تنازلات اذا كنت مسالمه وماتبين المشاكل والطلاق وفجأه بعدمرور السنين تنصدمين انك القيتي شخصيتك علشان المركب تمشي فالافضل تكونون متفاهمين ومقتنعين بكل شئ يمر عليكم ولاتتنازلين عن شئ انتي مقتنعه فيه علشان رضا الزوج لان الزوج دائما يحط فى باله انه صح ومايخطئ وهذى مشكلة اهل الخليج خاصة وطبعا مو الكل وربي يعطيكي الزوج العاقل والصالح والمتفاهم لان اهم صفات بشريك العمر وعن تجربة زواج 17 سنة

 

[مـعـجـبـة]

الــلــــه الـــلـــه .. كأنج تتكلمين عني بلساني ، انا نفسج بالضبط والله

ما عدا الطبخ برمضان لأني حتى برمضان ما ادش المطبخ هههههههههههههههه

ودايما اقول شلون لين تزوجت معقوولة بتغير .. ماقدر اتحمل مااافيني شدة

ودايما اتخيل اني من اول هوشة معاه بتطلق ، لأني شوي عصبية وماستحمل وزعلي ما ينقدر عليه

وووعن الطلعات لا تطلعين ولا تروحين حق فلانة ولا حق علانة ، وزوارات ما زوارات قطعيها

لا لا لا مستحييييييييييل .. بقوله طلقني وردني بيت ابوي بيت العز .. ولا عيشة السجن عندك ..

أو تدرووون شلوووون .. ما اتوقع يقدر يغيرني .. بس الظاهر اني راح اغيرررره ههههههههههههه

بخليه يتعود على نمط حياتي ،،،

 

[Insolence]

حبيبتيهذا واجب كل زوجه انها تقوم بريلها وتحوفه كلنا ابيت اهلنا تدللنا بس ابيت الريل غير بتكونين انتي مسؤله عنه مو احد مسؤل عنكم وسويلكم ويطبخ ويغسل وينظف لكم طبعا انا عن نفسي لقيت صعوبه انب اتكيف مع موضوع التنظيف والطباخ بس شوي شوي تعلمت ريلي ماقصر يابلي خدامه بعد مايبت ولددي قامت اهي تشوف شغل البيت انا الي علي اطبخ لان انا وياه مانحب ناكل من ايد الخدامه

 

[شانييل]

من قاص عليج الزواج شغل بشغل
ماتشوفين المتزوجات بس نايمين وطالعين ومسافرين ومستانسين
لا يحياتي الزواج هذا لاااااازم على المرة
وإذا ماتزوجت لازم تحس بنقص ......................لأنه خطوة مهمة بحياتها
ويبا لاتشتغلين حطي بدال الخدامة2 ثنتين عادي لا وسايق
ودلعي روحج.........................
والطباخ مو شرط تطبخين
وهذي الحياة
أصلا السعادة تعرفها المتزوجة بس صج مو مرتاحة نفس البنت ببيت أهلها
لا خلاص دشيتي الدوامة الي ماراح تطلعين منها أبداً في حياتج

 

[RA7EEEL]

مردج بتملين من الحرية وتدورين اللي يحكرج لووووول هذا احنا بعدين كل مرحله بالحياة لها وقتها وحلاوتها