أمبيه يا متزوجات انتوا اشلون متحملين؟

[سمسومه]

ضحكتيني فديتج ...

صج مشاكل وهموم و حزن بس كل هذا يهون لمن تحسين إن معاج نصج الثاني مع العشره بتحسين بلذة وقوة الحياة الزوحيه والحياة موكلها فرح و لا كلها حزن سواء بزواج أو غير الزواج ... و الحزن والفرح يعطون معنى حق الحياة ... إن شالله تجربين هذي الحياة الزوجيه وتقولين ياحلوها من حياة مع إنسان يخاف الله فين أهم شي و بالدعاء تاخذين إلي تبينه .. وكل ما تتمنينه ... ودايما شوفي الوجه الإيجابي بالحياة عشان تقدرين تعيشين فيها بكل لحضاتها يا عمري ....:33_1185028183:

 

[بعثرة محبره]

شوفي حبوبه ..

الزواج مثل مافيه شغلات مو حلوه هم بعد فيه شغلااات حلووه ...

انا قبل لاتزوج كنت انواااع الدلع عند امي

حتى قلاص الماي ما اجيبه من المطبخ .. حتى قطعة المنديل لو اشوفها طايحه على الارض ما اشيلها
من غير طلبااتي ملباه ..

بعد الزواج تأقلمت شوي ..
صرت انا احب اخدمه .. صرت احب ارتب وانظف بيتي . من نفسي مو غصب علي

مرات زوجي يعصب مني او من برا دقااايق ويطخ ويصير اسلووبه معي احلى من قبل ..

والازواج مو مثل بعض

 

[راعية الطويلة]

مو صعب ولا شي بس انتي باين عليج تخافين من المجهووول
وتعتبرين الزواج مغامرة
واهيا تساهيل من رب العباد عشان الحياة تمشي

والشغل موكرف بالعكس خفيف كل شي الحين فل اوتوماتيك
الظاهر عليج ما تعترفين بالتقنيات الحديثة وليما الحين عايشة بزمن جداتنا ​

:dddds::dddds:

يا حليلج
الله يوفقج حبيبتي ​

 

[ريم @]

الكل لما يكون بول عمره نفسج يقول لااااااااااااااااا ماتخيل انا مدللله مرتاحه ببيت اهلى ماااااااااااابى اتزوج

مع الايام والسنين والعمر لى مشى مشى مشى وعديتى 30 وانتى تقولين مااااااااقدر مابى

تتغير فكرتج وتدخلين نص 30 وتصيرين 35 تشوفين بنات رفيجاتج بالثانويه وطولج

وانتى للحين تكررين مااااااااقدر مااااابى انا بطلع وادخل على كيفى


راح تشوفين الزمن تغيررررررررررر وانتى للحين مكانك سررررررررر


واللى تتجمعين وياهم من رفيجات وبنات عم وخال وخوات سوالفهم عن بيت وخدم

وعيال وازواجهم تقولين ووووووووووووييييييييييييييييييييه انا شنو سويت بعمرى

تتمنين نفسج لوتتزوجين حتى لو زوجج يصبحك بطراق ويمسيييييج بطراق

تبين تعيشين نفسهم وتبعدين نظرة الشفقه من عيونهم عليج وكل ماتكلمو قالو الله يرزقج

بالزوج والولد وانتى مكااااااااااانك سررررررررررررررر

 

[NO_oNA]

التحكم ماابيه اكرهه انا بروحي عنيده ،،
بالنسبه للتنظيف مو مشكله ولو إني أفضل تجيني خادمه يعني ماتنام بالبيت لا تجي تنظف وتروح كل يوم جذي احلى احس
بس مشكلتي العيال <<<تراها لا متزوج ولا مخطوبه لكن من الحين شايله همهم
يعني لمن اداوم وين احطهم كيف اتصرف ومستحيل اخليهم عند الخادمه او اي احد ما احس ان قلبي بيطاوعني
هني شلون اتصرف هذي المشكله الكبيره عندي

أمبيه بريق اللولو آنا بنتي نفسج وكل يوم أقولها قصة حياتي لما حفظتها واشلون تزوجت صغيره وتحملت المسؤوليه وتعلمت الطباخ وربيت عيالي 2 وآنا أدرس بالجامعه وتقولي أي ان شاءالله تالي يصير خير أتعلم وبعدين اللي ياخذني لازم يحطلي خدامه وأقوله أني ماأعرف أطبخ كيفه!الله يهديكم يارب وتتغيرون تالي ويرزقكم بعيال الحلال ويصبرهم عليكم!ههههههه! موضوعج حلو ومهم لأنه وايد بنات مثلج!

يمكن تقوليلي لمن تروحين الجامعه وين كنتي تحطين عيالج ؟؟

 

[د.شريفة]

اصابع ايدينج مو سوى ادعي الله انه يرزقج بالزوج الصالح اللي يهنيج ويسعدج قولي امين

 

[blue diamond]

حبوبه مو كل ما انقال وانكتب اهني بالمنتدى ترا صج مع احترامي للجميع
في منهم يكتب مشاكله صج بس ما تكتب اللي تسعده وتهنيها لانها تخاف من العين والحسد وهذا وضع طبيعي بالكيويت

 

[ام سلمونتي]

هذى سنه الحياة عادى مردج بتتعودين صدقينى كلنا مثل حالتج عند اهالينا مانجيس عود انام واكلي يوصلنى لى دارى والحين اكرف ودوام ويهال

 

[*مرامي*]

انتي ناقصتج القناعه بس
وتصيرين خوووووووووش زوجه
اقتعي باللي عندج وقولي ريلي مافي احسن منه (لي تزوجتي ان شاء الله) وبتعيشين ملكه
ترى مو شين اذا امنعج مره عن رفيجاتج او ححدلج الايام
اصلا انتي من تتزوجين ماراح تفظين لهم
همج نفسج وريلج وبيتج

راح يصير يومج حااااااااااااااااااافل
ورفيجاتج اشدعوه بيدرون عنج باجر بيلهون بأزواجهم واعيالهم وانتي امبحلقه اعيونج

واذا على الشغل لازم تعودين تعتمدين على نفسج وشوي شوي بتصيرين اوكي
انا كنت نفسج اول بس مو مو يعني الخدامه تسوي كل شي بس ماااااااااااالي خلق اشيل ورقة كلينكس
الحين اللهم لك الحمد حتى خدامه ماعندي
واذا بغيتها اييبها مره بالاسبوع وهذا نادر
بس اذا صار عندي اعيال يمكن اييب وحده اتجابل

واليهال صار ماصار الله يخليلي امي للازمات الطارئه
واذا على السريع خالته احنا ساكنين في بيت يده اخليها لهم تموت على اليهال اكبر من امي بس ماياها نصيب مسكينه
الله يرزقها يارب

 

[أميرة القادسية]

يااااااحلااااااااتج تبينه تفصااااال الحين اللي تلاقيلها نص ريال هذي تعتبر محظوظه .........خل اطرشه بسرعه قبل لايشوف ريلي الرد ويعلمني الرجوله على اصولها :tek:

 

[افتخر اني قطريه]

هههههههههه

عادي تتعودين ويكون على قلبج مثل العسل ..

ولا انا وين والشغل وين .. انا حدي اسوي الطبخه اللي احبها واحوس المطبخ واطلع والخدامه تنظفه وراي << طباخه الحمد لله ..

الحين تعالي شوفيني اذا طبخت احاتي منو يغسل المواعين لووول ..

تتعودين ويصير عادي عندج لانه هذي الحياة الزوجيه فيها تنازلات وتعب وصراع من اجل البقاء << ركزوا على صراع

صاجه انا نفس حالتج ومثل ما قلتي يصير عسل على قلبج
والله الريايل شحلاتهم كلمتين ويخر
دمعتين وقلبه يعوره ويقعد اسبوع منكسر خاطره عليج ويحايل فيج
تزوجي وستانسي ترى الزواج حلو والزوج لما تحبينه ماراح تفكرين جذي
بس على شرط مايكون مريض يعني بس يبي يتحكم
والله يهنيج انشالله

 

[احلى ـآ وحده]

عادي .. كل شي منه عسل
واذا على الغسيل والتنظيف والطبخ .. انا داشه البي وخدامتي معاي ,, بس غرفة النوم انا اللي انظفها .. واذا على الطبخ .. بيت حمولتي عندهم طباختين ..

 

[نــعــوومــه]

كلنا كنا مدلعين عند اهلنا..بس مومعناته..عند الزوج بتعذب ههههههههههههههههههههههههه

شدعوه لا طبعاا في بداية الزواج شوي تعب لازم تورينه مهاراتج بالطبخ والتنظيف

بعدين بعد سنه ولاسنتين غصبن عليه يجيب لج خدامه ههههههههههههههههههههههههههههههههه

خلاص الحين ماكو بيت بالكويت مافيه خدامه ولاخدامتين........

 

[A7la-SmiLe]

ئي والله جان زين الرياييل تفصال

كل شي بالتعود ,, شوي شوي وبيصير الموضوع عاادي كله وفي مثل يقول ابك على ماتربيه وجوزك على ماتعوديه

المره بيدهاا كل شي بيدها تسنع زوجهاا وحيااتها وبيدهاا تدمرهاا ,,

وعسى الله يرزقج الزوج الصالح عاجلا غير اجلا والله يوفقج ​

 

[AL-BaNDry]

كلنا كنا نفسج مانتخيل نفسنا ندخل المطبخ ونخم وانظف
بس الرجال يعلم الصخر ماتبينه يعلم الزوجه ؟
بعدين عقب الزواج يختبر المرء بالصبر هههههههههههههههه
اذا انتي صابره واتحملين بنت جيده وظفره وبيكافئج بخدامه
وان طلبتي الطلاق عيبو عليج وقالو ايه هذي الوصخه

 

[اميرة المحبة]

زي العسسسسسسسسسسسل

على ألبـــــــــــــــــي هواااااااااااااااااااااااااك


:dddds: :dddds:



حبيبتي المرأة الكويتية مرأة حديدية من الخارج رومانصصصصصصصصية من الداخل مثل اللاند كروزر تتحمل جميع الطقوس وتدوس من قمة راسها على كل المصاعب


بس الفطيــــــــــــــن اللي يقدررررررررررررررها ويعزها ويرزها


باجر ان شاءالله تتزوجين وتسوين كل هذا وتحاتين ضحكته محاااااااااااااتاااااااااااااة كأن ربي ماخلق غيره


والنتيجة :

مفاجأة

يا انه يسعدج ويقوووووووووول ماقصرتي

أو


تشوفين البوز والنفسية الخايسة ( طبعا عارفينها كل المتزوجات لوووووووووووووول )


لا بس هم اقول عسى ربي يسخررررررررررررررررررهم لنا لو على مزاجيتهم اللي اذبحتنا لكن مالنا غناة عنهم

ولو الرياييل تفصاااااااااااااااااااااااال ؟؟

والله اخذلي أقوى قرض وافصل لي اقدعها ريااااااااااااااال:dddds: بس الله ما عطا الدياية قرون :dddds:



ويااااااااااارب تقولين قرررررررررررررررريب انا ملجت _03BA:

 

[LA TROO7]

حياتي

من قالج كل الناس مشاكل وهواش وفرض رأي

الحمدلله وماشاءالله انا وحده ماتغير علي شي نفس الدلع هني وهناك والله لايغير علينا

 

[miomii]

مو كل الرياييل نفس بعض انا ريلي ايينن مو مخلي علي قاصر و ما يقولي لا تروحين و لا تطلعيني حياتي صارت احلى من قبل معاه طلعات و وناسه و سهر و سفرات و ما يزعلني و ما يردني بشي و الخدم موجودين و الطباخه انا ما اجيس شي

 

[أربيعينية]

الحب يا قلبي يسوى المعجزات
اللي تحب ريلها وبيتها وعيالها يصير عندها عادي تخدمهم بعيونها العمر كله وتصبر على الضيم وبنفس طيبه بعد
بس اللي تحب صج مو ماخذه الريل مصلحه يعني ماخذته عشان يدللها ولا يسفرها ولا يشتري لها !
ومو اللي قاطه عيالها على الخدامه وماتدري عنهم !

 

[مرت الأيام...]

بعد شنسوى هذى سنة الحياة الحمدلله على كل حال
كل شى بالدنيا فيه مشاكل مو بس الزواج :denya:
و اكيد مافى شى كامل يعنى تخيلى حياتج مع زوجج مثالية ما يصير
يعنى لازم فى شويه مشاكل هذى ملح الحياة
محد يحب النكد و المشاكل و الدموع بس فى اشياء تمر علينا احنا المتزوجين تعكر صفو حياتنا بس شنسوى لازم المركب يمشى
بالعكس اصلا هالمشاكل تخلى عندج تجربة و خبرة بالمستقبل و هالشى ينمى من شخصيتج و تفكيرج
محد خالى يعنى تبين تفهمينى ان البنية اللى مومتزوجة خالية من الهموم و المشاكل اكيد لأ
اذا شفتى مشاكل البنات هنيه بالمنتدى اخذى منهم العبرة عشان لا تغلطين نفس غلطاتهم او تتحاشين مسببات المشاكل بين الزوجين

الله يوفقج حبيبتى