أمبيه يا متزوجات انتوا اشلون متحملين؟

[ام سلوم DoDo]

بسيطه لا تزوجين
هههههههههههههههههه



عاد اتصدقين انا كنت العن منج عمري ما فكرت بالزواج ولا احب الرياييل اصلا وطولي عمري مدلله بيت اهلي وللحين وانا متزوجه وعندي عيال يدللوني ويعتبروني دادا للحين

بس من تزوجت صرت وحده ثاااااااااااانيه

 

[kandora]

انا كنت نفس تفكيرج لول !! بس الحمدالله الله رزقني بريال قدر وضعي ودلع اهلي لي ووفر لي الاشياء اللي تريحني ويابلي خدامه وواجهت انتقادات بس بالنهايه هالشي بيني وبين ريلي متفاهمين عليه ومرتاحين وبالعكس اطلع واروح وارد ماتغيرت حياتي والحمدالله على كل حال ​

​

 

[قطوه ورديه]

شوفي حبيبتي صارلي سنتين متزوجه

نظامي بعد الزواج اني كنت كسوله وكله ابي انام
طبعا نفس الشي قبل الزواج لوووووول
توني بديت اتغير لان زوجي مايحب البنت الكسوله
وكل يبيني اطبخ ذالك اليوم طبختله وطلعت الاكله فاشله من قلب
جان اقوله اكل بروحك لووووووول
مشاكلنا كلها كانت لاني مهمله والحين احس اني متغيره
اشوي يعني احسن من اول واقدر اقول في تطور
وبصراحه اهو زين ومايبي مني الا اني اسوي واجباتي الزوجيه
اللي المفروض كل زوجه اتسويها حق زوجه
ويبيني اعتمد على نفسي لان هذا اللي المفروض يصير
لان اليهال يحتاجون ام تعتمد على نفسها
وسوري اذا طلعت خارج اطار الموضوع
حلوه هذي اطار:eh_s(6):

 

[عيون عسليه]

حبيبتي هذي سنة الحياة كلنا في بيت أهالينا ما نسوي شي ومدللين بس عند الريال تتغيرين من نفسج وربعج مو دايمينلج كلهم بتزوجون وراح ينشغلون برياييلهم ،،،،، الله يوفقج ويرزقج ولد الحلال اللي يدللج...

 

[++MesK++]

؛

؛


حبيبتي اشدعوه عليج شنو هالموضوع والله ضحكتيني :krkrkr:

ترى الدنيا ليلحين بخير و لو خليت خربت و في رياييل اوادم وعيال حلال و محترمين

مو كل الرياييل قشريــــن و خاينين و مهملين و عصبيين و سي السيد لالالا غلطااانه حدج


و اذا على المواضيع اللي تقرينها هني ,,, انا اقولج ليش البنات بهالقسم دايمن يكتبون مشاكلهم ..

يكتبون مشاكلهم ناطرين الردود والنصايح الحلوه ودعاوي البنات اللي تبرد الجبد عرفتي

لكن اكيد ماراح تشوفين وحده تحط موضوع وتقول: زوجي يعشقني و

يموت فيني ومايطالع غيري

ومايرضى علي و دايمن يساعدني بشغل البيت واليهال و كل سنه يسفرني سفره احلى من السنه اللي قبلها

و اهله ذهبه مافي مثلهم و حالتنا الماديه فوق الممتازه و انا ماشتغل قاعده بالبيت حاطه

ريل على ريل و

عندي 10 خدامات و 10 طباخين و 10 بيبي ستر و 10 نيرس .....و مين يزيد :krkrkr:

اكيد ماراح تشوفين وحده تقول جذي عن ريلها تدرين ليش؟؟؟؟؟

لانها تخاف من العين

وبعدين سالفة النجره والهوااش ,,اكيد الريال ماراح يتهاوش معاج مني والطريج.. الا اذا انتي مسويه شي صح ولا لا؟

و الحين انتي ماتهاوشين ولا تزاعلين مع امج؟ابوج؟اختج؟اخوج؟رفيجتج؟<<<<يعني سواء عزوبيه ولا متزوجه لازم تصادفج مشاكل..سوء فهم..اختلاف بوجهات النظر <<<<هذا شي موجود بكل بيت مو بس عند المتزوجين

و بالعكس حطي ببالج ان الزواج استقراااااااااااااااااااااااار ماتحسين فيه الا عند زوجج و بس

حتى لو انتي مرتاحه عندد اهلج و مدللينج و موفرين لج كل اللي تبينه بس ماراح تحسين بالاستقرار الا اذا تزوجتي

و الزواج شي حلو تحسين بكيانج كأنثى و تستقلين بمملكتج و تحسين بالامان .. حتى مع وجود شوية مشاكل واللي اهي

يسمونها بهارات الحياة

مو معقوله بتعيشين مع واحد طول عمرج بدووووووووون ولا مشكله ولا نجره خفيفه ولا سوء فهم ولا

اختلاف بوجهات النظر....

وبعدين لو الزواج مو حلو جان ماشفتي بعض البنات تلقينها مستعيله على

الزواج من وهي صغيره واذا

شافت وحده من خواتها ولا رفيجاتها تزوجت تغار وتمنى تكون مكانها وتلبس النفنوف الابيض .. و بعض البنات

اذا ملجت ولا نخطبت ماتعلم رفيجاتها تخاف من العين :krkrkr:

و الرسول صلى الله عليه وسلم قال حديث مو ذاكرته عدل بس معناه ان لولا خوفي من الله لأمرت المرأه ان تسجد لزوجها


اقري الحديث وراح تعرفين معنى الزوج و اهميته بحيااة المرأه

و الانسان مخيّـــر يعني انتي تختارين تبين تظلين عزوبيه للابد وبالنهايه راح تكونين عيوز

وحيده يطوف عليج رمضان واالعيد و انتي
بريحاتج ماعندج لا زوج ولا ظنى ولا سند

ولا تبين تتزوجين وتتسترين و تستقرين و تحسين بأحلى احساس بالدنيا اللي اهو الامومه ولي كبرتي

يكون عندج من يشيلج و يحب راسج و يحطج فوق راسه و (الجنه تحت اقدام الامهااات)

:tek: عسى صوتي وصل


اشكر حسن المتابعه <<<يا كثر الهذره :dddds:​

 

[جوزائيه مغروره]

مسكينه شكلج تعقدتي من مشاكلهم هههههههههههههههههههههههه

بصراحه ما الومج

ترى الزواج حلوو وخصوصا اذا عرفتي تتعاملين مع الريال

 

[@فطفوووطه@]

اصابعج موسوا حبوبه انا كنت عند بيت اهلي مدلله والحمدالله تزوجت وزادني زوجي دلال وطبعا الدلال مايجي مناك والطريق لا يجي بعد الاهتمام والحمدالله الله يخليه لي وصدقيني لاتتأثرين من المشاكل لانج ااذا عودتيه على شغله راح يمشي وراها طول العمر وكل وحده وحسب تعويدها لزوجها والله يرزقج بالزوج الصالح

 

[توته وااااااااو]

احسن ولا اقعد بالبيت عند اهلي
وهذي سنة الحياه والناس مو سوا حبيبتي

 

[dectora 7elwa]

حبيبتي هذي شغلات عاديه بس اغلبنا لويرد فيها الزمن توافق على نفس الزوج وكلهم فيهم شغلات زينه وشينه حتى احنا يالحريم مافي احد كامل ةان شاء الله نشوفج عروس ونقرا مشاركاتج السعيده معانا بالقسم

 

[نورالقمر24]

موكل الرياييل سوا اوهاذي سنه الحياه

 

[بريق اللولو]

بحرينيه كول
تقولين كلام يزعل وماتبين البنت تزعل
الواحد يقول خيرا او ليصمت
شنوموضوع تافه
بالعكس انا استانست فيه وموضوع حلو بالمرة

حبيبتي انتي

حصل خير وانا ماني زعلانه منها

وجهة نظرها و قالتها واصلا قبل ما احط الموضوع كنت متوقعه اني بلاقي ردود مختلفه

بس اللي ونسني ان الموضوع عجبج


ما شا الله عليكم كلكم حبايب و تنصحون نصايح طالعه من القلب

الله يخليكم لعيالم و ازواجكم يا رب

 

[بريق اللولو]

بنات شفيكم كل وحده تكتب موضوع قمتوا عليها
موضوع البنت بالعكس حلووو
قاعده تقول ان اهيه مو متعوده وتبي تاخذ خبره شصار يعني


وين اتفاهه بالموضوع


المهم حبيبتي
انا قبل لا اتزوج ماغسل ولا حتى اشيل اكلينكس من عى الارض وامي كله تقول اشلون تبييين تتزوجين وانتي حتى اذا اتسبحتي فوطتج ماتشيليها
وكاني الحين متزوجه وحامل وماسكه بيت وزوج بس ماخم ولا اغسل بس ارتب سريري وغرفتي والباجي على الخدامه وانا معاها

لان ابيت اهل ريلي ومدلعيني الحمدالله

ومشكوووره على الموضوع

حبيبتي انتي والله عادي انا ماني زعلانه من احد


وعسى الله يتمم عليج بالاستقرار والتفاهم يا رب

وماشا الله لا اله الا الله على ريلج و اهل ريلج

 

[sweet heart]

لووووووووول ضحكتيني..
انا ماراح اقولج ما اشييييل الريشه من الارض ومن هالسوالف
انا يايه عقب اربع صبيااااان و فرق بيني و بين اخوي الاكبر مني 10 سنوات متخيله ؟؟؟
يعني اخر العنقود و بنت لا ويايه بالغلط وشنو تتوقعيييييييين..
تزوووووووووووجت,,
اول الاشهر تحسين انج مضهده لووووووول بعدين تاقلمت و صار هالتعب اهوا دنيتي..
والله شحلالالالالالالالاته اذا حبيتي ريلج وعيالج راح تخدمينهم بكل مافيج بدون تأفف..والله..
انشاءالله الله يرزقج بزوج يهنيج,,و كلنا قبل ما انتحمل بس الحيااااااه تعلم..و كاناااااااا عايشين وهذي
سنه الحياه يوم حلو و يوم مر

 

[ام فوااز]

عادي حبيبتي الرياييل مومثل بعض لو خليت خربت
انا اعرف متزوجات اعرفهم عدل رياييلهم مايتحلطمون الله يتمم عليهم يارب ومايحبون الطباخ ويحبون اكل المطاعمم ومايبي زوجته تطبخ الا عشا وخفايف بس اكلهم كله مطاعم ماكو تعب
الله يرزقج بالريل الي يريحج ويوفقج معاه

 

[ام فوااز]

وهذه سنة الحياة الزواج يغير الي مايتغير
انا عن نفسي الحمدالله احب اجابل واشتغل وماعتمد على خدامتي بكل شي لاتكون تحت اشرافي وتوجيهي
وصدقيني باجر انتي الوقت راح يغيرج كلنا في بيوت ابونا كنا ربادين ومانحب الشغل بس بعدين تتغيرين انا الحين جذي شغوله

 

[لوكي 22]

يقولج البنت في بيت اهلها عندها حيل
لاطبت في بيت ريلها يصير لها حيلين

هذا اهو حالنا كلنا كنا مدللين ومرفهين
وحتى لو الريال يوعدج ويقسم لج باليمين يقول مابخليج تشيلين كلينكس
جذااااااااب لان كل ريال يحب يتباهى بمرته انها سنعه وانها وانها ..
واصلا لو كان صاج انتي من نفسج بتستحين انج قاعده بس جذي
والحريم اللي حواليج يكرفون ويسنعون ويحاتون كل شي قبل لايدخل الابو في بيته وفوق هذا عندهم خدم
ولا ترى مايمشي حالج ...
÷انا كنت جذي÷

 

[@ الرسامة @]

لازم بعد


لا ونطري


باجر يصير عندج عيال


قلبج راح يعورج

فماراح تاكلين الا لما توكلينهم




هاااااااااااااا شرايج

 

[××بنت شيوخ××]

انا كنت نفسج والحين الحمدلله انخطبت .. وتغيرت 360 درجه بعد موب 180 درجه

الحين اطبخ له حلويات انظف له الغرفه على خفيف .. واجهز اغراضه على خفيف وبعد 3 شهور زواجي والله يعني ..

وهذي سنة الحياه وسبحانه هو الي يغيرج في لحظة ..

 

[Ibtisama]

الحين تقولين جذي بس لمن تتزوجين نظرتج راح تتغير

 

[bint_looda]

لمن تحسينه مريحج او عندج عيال تحبينهم .. ودج تسوين كلشي عشان راحتهم وسعادتهم ورضاهم