أمبيه يا متزوجات انتوا اشلون متحملين؟

[حصة]

حبيبتي صج انا مو متزوجة بس ترى كلنا عشنا وتدللنا وعندنا خدم وحشم .. بس هذي سنة الحياة صدقيني بالعكس تروحين بيت ريال تقولين انا ما اغسل انا ما اشيل ؟؟ سبيقول ؟؟؟ على قولة ابوي بعد عمري يقوولي (( تدللي وتأمري ابيت ابووج الحين ترى اذا تزوجتي الريال ما يكون على هوااااج ومشتهااااج في رياييل حتى الكلنكس يحبة من ايدج )) وهذا الصح ليش الخدامة ادش بيتي وانا مكسرة والا بعيش بقصر خوو كلها شقة جم غرفة وحماميين ومطبخ شبيصير فيني خو ان طبخت او نظفت او طعت ريلي ترى الله ورسوولة ووصووا ترى هذي مافيها عيييز او كببر .. هذي طاعة ربي ورسوولي وفيها فخر لامي وابوي كافي يقووول خذيت مرة سنعة <<---- ترى دأة قديمة لوووووووووووووول

 

[mosta7eel]

عادي حبيبتي
انا قبل فبيت اهلي ما اغسل قفشة جاي والحين شقة كاملة انظفها ب 3 ساعات
وغير الطباخ وغسال الصحون والاوتي
تعودناااااااااااا

 

[^^المهره^^]

ههههههههههههه والله نفس الافكار الي في بالي
بس انا مع الاخت الي قالت اذا حبيتيه بتسوين كل شي من نفسج و عن طيب خاطر
واللي قالت عن الموضوع تافه
اولا عيب نقول جذي و نجرح في الناس
والموضوع مو تافه بالعكس وجهة نظر حلوه و يبيلها نقاش
مو حابه اتناقشين لاتعلقين سوي باك وطلعي من الموضوع باحترامج دامه موعاجبج

يعطيج العافيه حبيبتي وتقبلي مروري

 

[tweeeety]

والله ما ألللللومج آنه بعد كنت جذي وايد خايف من الزواج لأنه أبوي كان معذب أمي بصراحه كرهني بشئ إسمه ريال




بس الحين عقب ما تزوجت مسسسسسسسسسسسسستحيل أرجع بيت أهلي مره ثانية وكل ما أززززورهم أشتاق حق بيتي ....تكرمين حتى الحمام ما تحبين تغيرينه لووووووووووووول



والمشاكل إلي في بدايه الزواج تصير مع أي أحد حتى لو كان زوجج تفصال على قولتج المشاكل شر لابده منه يعني بهارات الحيات مثل مايقولللللون



ولا تحاتين كل مصيبه الله سبحانه يعطيييييج الصبر لها وراح تستغربين من نفسج وتقولين آنه ما توقعت نفسي جذي قويه



الله يزرقج ولد الحلال إنشاالله يكون مفصل عليييج :rerrerek:​

 

[درة أهل الطولات]

ههههههههههههههههههه ضحكتيني لما قلتي يمنعني من رفيجاتي !!

ليش يا قلبي رفيجاتج لو ازواجهم قالوا لهم ازواجهم انه يقاطعونج ماراح تشتري ريلها وتبيعج


حبيبتي ما في وحدة ما كانت مدلله ببيت اهلهااااا

لكن

الزواج مسؤولية مثل ما تبون الرياييل يخافون عليكم ،،، لازم هم الزوجه تسمع لريلهااا

الزوج ابقى لج من رفيجاتج


اللي ما يبيه ريلي ما يلزمني

الحياة تعاون وتضحيات يوم انا ويوم اهو

ما يصير انا شادة واهو شااااااااااااد


واذا على الطباخ والتنظيف

تعالمناه عند ازواجنا حبه حبه

وريال عن ريال يختلف

ياما في رياييل اهم علموا حريمهم الطباخ وساعدها لما تعلمت

وياما رياييل عندت

صدقيني الزين موجود والشين موجود

لكن اذا البنت متخيلة ان الريال متزوجهااا علشان تنام وتاكل عنده فإإإإإنهاااااااااااااا غلطانة

الريال تزوج علشان وحدة تخدمه

ويرتاح عندهااااااا


وتصير ام عياله


سامحيني على الاطالة

بس الموضوع يستاهل النقاش

 

[كويتيه مذهله 87]

الحين انتي مو قدوتج امج ؟

يعني امج خدامه امبيه


أكيد حبيبتي لأ

زوجات الرسول

زوجات الائمه

كلهم يخدمون ريااييلهم


حبيبتي كلنا دلال وعايشين بعز وخدم وعشم وسواااق بيت اهلناااا



هذي الدنيااااا

 

[Bent Ameer]

اي والله صاجه جان زين تفصال

 

[نملة فصفورية]

هههههههههههههههههههههه

ياحليلك والله

أنا متزوجة صار لي شهرين و بديت أكل تبن ( تورطت )

مع اني ماقعدت عند زوجي كثير لأني أدرس بمنطقة ثانيه عند أهليط

بس والله غسل الملابس بروحه يجيب أمراض الدنيا

الله يعيني لما اخلص امتحانات و ارجع

أكيد بمسك الشغل مع حماتي الثانية ..

 

[فارسية]

حبوبة الحلوة
واشرايج بالمتزوجة ام ولد بالاشهر ادير بالها على الشقة من تنظيف وغسيل ملابس وتضربهم اوتي واتزهب لقمة حق الريل وتغسل المواعين بعد الطباخ وما تنام من صيحة الياهل وتطلع مع ريلها وتتكشخ حقه وادلعه والضحكة دوم على ويها ومستانسة واتقول الحمدلله على الاستقرار والصحة والعافية والستر

 

[bint_looda]

حبوبة الحلوة
واشرايج بالمتزوجة ام ولد بالاشهر ادير بالها على الشقة من تنظيف وغسيل ملابس وتضربهم اوتي واتزهب لقمة حق الريل وتغسل المواعين بعد الطباخ وما تنام من صيحة الياهل وتطلع مع ريلها وتتكشخ حقه وادلعه والضحكة دوم على ويها ومستانسة واتقول الحمدلله على الاستقرار والصحة والعافية والستر

انا اقولج رايي فيها : تعجبني وعلى راسي

 

[غدووور الكويت]

البنات ما قصروا
ان شاء الله تحصلين ريل تفصال مثل ما تبينه وترتاحين معاه يااارب

 

[درة أهل الطولات]

حبوبة الحلوة
واشرايج بالمتزوجة ام ولد بالاشهر ادير بالها على الشقة من تنظيف وغسيل ملابس وتضربهم اوتي واتزهب لقمة حق الريل وتغسل المواعين بعد الطباخ وما تنام من صيحة الياهل وتطلع مع ريلها وتتكشخ حقه وادلعه والضحكة دوم على ويها ومستانسة واتقول الحمدلله على الاستقرار والصحة والعافية والستر

جان زين القى لاخوي وحدة جذي​

:d

 

[chanel N22]

حبي ااذا مو عاجبج الزاوج لاتتزوجين ماكو مشكل ترى لووووووووووووول
الله يرزقج الرجل الصالح ان شاء الله

 

[لوازم العائلة]

الحمدلله مسؤؤليه ويازينها من مسؤوليه
الزوج والعيال نعمه
وبالنسبه لشغل البيت الخادمه موجوده في حال وجود العيال
وادا كنتي توج متزوجه ماله داعي خادمه الشغل مو وايد

 

[cat walk]

بس المشكلة لمن تشبين اصابعج شموع حقه واخر شي ما يعجبه , ولا انا عندي عادي اني اجابل بيتي

 

[NODA 2]

ما ادري يعني ريفيجاتج كل وحده راح تتزوج وتهدج بروج وكل من لاهي بدنيتا يعني انتي بتقعدين بين اربع اطوف لا قصدي خمس نسيت السقف و تطليمن على اليوم الي فرطنتي فيه بالاقرع الي ييي وخطبج وعيبتي علي قرعته حبيبتي هذا دنيا والحمدالله على كل شي و يعني ما افتكر ما سمعتي ان الجنه تحت اقدام الامهات او ما سمعتي ان الزوجه بالنسبه لها الحياة الزوجيه جهاد توقعين ليش يعني انج تعطين من قلبج وروحج وجوارحج حق ريلج وعيالج حبيبتي كل هذا جزاه عن الواحد الاحد

 

["اسطورة العشق"]

ليش معتقده الاموووور و متعبه نفسيتج في التفكير !!
بسيطه حبيتي لا تتزوجين قعدي في بيت اهلج لان مو غصب السالفه

 

[Stylista_Q8]

اي والله جان زين واحد تفصاال لوول

 

[أم حورية]

عااادي حياتي ..

انا قبل ما أسوي ولا شي اللهم أحط بالي على أختي وأبدلها أحيانا .. بس ما كنت اطبخ وكنت أحيانا أنظف .. بس بشكل عام دلوعة وقلاص الماي يي لي عندي ..

بس الحين ماعندي خدامة وتحملت كل شي ... :denya:

هذي سنة الحياة ومثل ما أهلنا سوولنا احنا بنسوي حق عيالنا ..

وتذكري ان كل شي بأجره .. سواء تنظيف البيت أو تتحملين زوجج .. وانتي مافيج عيوب أكيد فيج مميزات .. وهو نفس الشي .. يعني تتحملون بعض بكل ما فيكم

الله يوفقج حبوبة

 

[عجمية ماتهاب]

عشان حبيبج كل شي يهون