أمتلك شى يحتاجة الناس0000000000000

[عاشقة لندن 35]

خواتى من خلال هذا العنوان انا حابة افتح مشروع تجارى
وحابة تقولون لى شنو الناس محتاجة عندنا فى الكويت سواء نساء او رجال او اطفال0
ارجوا المشاااااااااااااركة

 

[AFRoDiT]

حبيبتي الناس تحتاج كل شي جيد ..

شي انتي تحبينه و تميلين له راح تبدعين فيه اكيد , وتخلين الناس تتهافت عليه بأفكارج و تطويرج

يعني الي يفتح مطعم وصخ , نفس الي يفتح مطعم نظيف و اكله فرش؟؟

الي تفتح مشغل وبدلها خام قطن و موديلات رديئة واسعارها بالعلالي , نفس الي حاطه مصممه في مشغلها تشوف كل جسم و شنو يناسبه وتفهم أذواق الناس؟؟


.. اخذي هالمبدأ , ان كل مجال تعطينه اهتمامج بتخلين الناس تحتاجه ..


وربي يوفقج ويطرح البركه في مشروعج أيٍ كان

 

[دلالي@]

مشروع بوفيهات ناس وايد تبيه
او مشغل بس ما انصحج حيل متعب والله يوفقج

 

[حرم بدران]

اشياء غريبه للتقديم للضيوف مثل توزيعات

فناتك معاين ضيافه

,,,,,,,,,,,,,,,

للقرقيعان ملابس اطفال و درعات و فمصان بأفكار حلوة و سعر يناسب الكل او حتى للعيد

,,,,,,,,,,,,,,,,,

اما الطعام اشوف عليه اقبال وايد
الان معظم الناس اذا صار عندها عزومه تحب تطلب شي حلو ونظيف توفير الوفت و الجهد
وتحب شغل البيوت اكثر المطاعم

,,,,,,,,,,,,,,,
ايس افضل مشروع هو الي تكون عندج في خبرة و موهبه و حماس و سعه بال و صير


و بالتوفيق انشاء الله

 

[اسيرة زوجها]

شوفي تبين شي ناجح وتبدعين فيه بس بيخذ كل وقتج
تغليف هدايا وتغليف مستلزمات الضيافه من سكر وبسكوت وكاكاو وقرقيعان

فكرت المشروع كشك صغير بمجمع ودعايات وتصاميم حلوه توزعينها عالناس
وعقب تيبين فلبنيتين شاطرين بالغليف وتحطنهم يغلفون هدايا وتصممين كل فتره فنتق مثلا الحين قرب رمضان تفكرين بفتق للقريقيعان
وعقب فتق للحلويات العيد علب تغلفينها ينحط فيها حلويات وهالسوالف وتغلفين بسكوت وشكر وماي لقاح ووو وكله من سرداب حولي وبوميه
وعقب العيد تشتغلين هم على هالسوالف للوالدات ووو عرفتي ترا التغليف يطلع ذهب خصوصا بالكويت لان حريمنا ماشالله كل شي يحبون يفنتقون فيه وخصوصا القرقيعان وتوزيعات المواليد وهداياهم والضيافه

 

[بيت التوت]

اللهم اغفر للمؤمنين والمؤمنات والمسلمين والمسلمات الاحياء منهم والاموات





الاكل وايد ماشي

 

[A7bni_1]

آنا أقول فتحي نادي رياضي يناسب الطبقه المتوسطه لوول ..

والله كل النوادي الموجوده عندنا يا يكون نادي رخيص بو 20 د.ك و قذر وماكو عناية والاجهزة اي شي وخربانه والريحه ويييع .. !!
أو نادي بو 300 و 500 .. ومو كل الناس تقدر علي .. حطي شي بالنص ..

وشكرآآآ

 

[عاشقة لندن 35]

مشكورين على مداخلتكم000 يالله همتكم ياباجى البنات

 

[nmda]

والله فكرة النادي حلوة وانا ودي اسويها بس زوجي رافض يقول دوخة راس ومسئوليه

 

[legally blonde]

الله يوفقج