أمس كنا نقول عيب و اليوم عادي !!

[∫ ∫ ∫ ∫ جــوان ∫ ∫ ∫ ∫]

قبل البنت الى ما تعدا عتبه البيت وتشتغل وتساعد امها وتربى اخوانها هذى ذهبه وينظرب فيها المثل والكل يتمنى ياخذها لولده

لكن للاسف الى بهالصفات الحين والى طبعا ينعدون على الاصابع الناس تعتبرها معقده ومتخلفه

 

[(دنيتي)]

بألأمس الجآر كآن يزور جآره .. ويفرح لأفرآحه
الحين الجآر مآصآر يعرف إلآ .. اسم جاره ,,!!

زين اذا عرف اسم جاره بعد الحين علاقه الجيران اندثرت ولله

هذا والنبي عليه افضل الصلاه والسلام موصي عليها

الله يعين ​

 

[PuPa^^SWeeT]

الومن في تطور و مانقدر انقول للزمن وقف


بس ترا الخطأ من الاهل و الناس


يعني الموبايل انا ماشوف له داعي لولد ولا لبنت تحت عمر 16


بس الزمن تغير و البنات من عمرهم 7 سنين اتلاقينهم بالسوق لاا ابو و لا ام وياهم
مجرد شلة بنات تفتر

و كلهم جذي

الام و الابو ماقامو يبون يشيلون مسئولية العيال فا بالتالي يسكتون عيالهم اب موبايل اب ايفون



انا الايبود احسه جنه سيقا ولا نيتندو ولا بلاي ستيشن ( ايامنا اول ) فا ماشوف منه مشكلة ( بس اتراقبين الالعاب شنو فيها )


بس ايفون ليش انشالله اعطيه حق ولد ولا بنت عمرهم 10 ولا 9




بس انا اقوولج شغلة الاهل يمنعون عيالهم بس اتلاقينه يحتر من ربعه بالمدرسة كلهم عندهم الا اهوو

فا يحترررر ( طبيعي )


بس لو كل اتقول لولدها مالك شغل باللي معاك

لك شغل فينا احنا و بس جان تنتهي السالفة

 

[أم توتو]

كلامج ميه ميه زمان اول احسن بوايد احنا استغلينا التطور باشياء غير مفيده

 

[درة أهل الطولات]

ربي الحافظ

الحين لبس الشباب استر من البنات

كل وحدة مطلعه ركبهاااااااااااا

ولابسه قميص نن غير بنطلون واذا سألتيها قالت لج لابسه ليقنززز ادري راص على ريولج رص

 

[SpiceGirl]

يعطيج العآفيه

,

 

[دااانوه]

ياااااااااااااااااااااازززيييييين ايااام قبل و بس

كل شيء بسيط و حلووو و مريح

والناس قلوبهم بيضاء و مايشيلون على بعض زي الحين

 

[المـــــها]

زمان أول أحلااااااااااا الناس كانت بريئة
وصراحة كل البلا من الأهل
الحين البنت و الولد معاهم فون من عمر 10 \ 12 سنة !!!!
و الأمهات يخلون بناتهم و أولادهم بو 4 و 5 و6 سنين يروحون ويردون مع السايق و ما يندرا شيسوي هالسايق !!!
الناس ما تشوف بعض إلا وين و ووويييييين ؟؟؟
الرجاجيل خربوا من اليوتيوب و من الفيديو كليبات الجريئة
و المذيعة تطلع بالتلفزيون بأحقر الصوات و المغنية تتقلب بأوقح الحركات و الملابس العارية
زمن فساد يالله تهدي عيالنا و بناتنا و شبابنا
كله من الأهل هم اللي يمسكونهم عيالهم و هم اللي يخربونهم بايدهم

 

[♥MaSteRiyA♥]

اكثر شي يعور القلب ان ابسط الاشياء اللي كانت تسعدنا فقدت برائتها

واولها القرقيعان - شوفوا شلون تحول من توزيع الحلاو والمكسرات على اليهال اللي يدورون من بيت لي بيت

الي عاده تتفاخر فيها الامهات ومنو اللي تسوى الفنتق الاغلى وبطرق محد سبقها فيها​

الحامل - صارت تجهز حق استقبال الولاده بالمستشفى وكانها تجهز حق عرس ثاني​

اللي ناويه تحج - صارت تتزهب حق استقبال الحجاج اللي بتسويه قبل ما تحج اساسا وهالعاده ماكان موجوده قبل​

طبعا سالفه الاستقبال انا مو ضدها لكن مثل ما ذكرت ماكانت موجوده وفي ناس تبالغ فيها وفي ناس لها اسبابها لمن تسويها خصوصا استقبال المستشفى​

صاجة....

للأسف :0bee2e8d89:​

 

[درة أهل الطولات]

لرفعع

بصراحة الموضوع يستاهل

 

[*ريما*]

كل مالة والناس يسوء حالها
من الفساد الي انتشر
الله يستر ع الجميع

 

[أأأحبه]

تسلم يمينتس
يازين زمااااان قبل بحلاوته وبساطة الناس وبنظافة قلوبهم

 

[حلاها كويتي]

يسلموو يا غلا اي والله كل ششئ صار عادي

 

[Freakya]

ما زلنا نلوم زماننا و العيب فينا

 

[فووشيه كول]

هذا الواقع محد يقدر يغيرا

 

[ماركة انثى]

صدقتي في كل كلمه ​

مع التطور والموضه ​

كثر الفساد ​

وكثرت الفتن والناس ابتعدوا عن الدين وتفاخرون بالمباني ​

والاموال الله يصلح الحال ​

ويثبتنا على الدين الاسلامي​

ياحلو بساطه زمان اول ​

والقلوب صافيه ​

اما الحين اعوذبالله الحسد كثر ​

والعدواه بين الناس والبغض

لو يقول الانسان كلمه عاديه يفسرونها على كيفهم بسوء نيه ​

 

[tt2tt]

صححح

 

[a7la shay]

صح لسانك الله يهدي الجميع ​

 

[نجود]

الله يهدينا و يحسسن خاتمتنااا


يسسلمو يا عسسسسسسسل

 

[ساره777]

اللبس تغيير
العقول تغييرت
صارت المرأأأة هي الريال وصار الريال همه نفسه
اكثرت الخيانه وعيني عينك
حتى الخيانه من البنات والمتزوجات
كلشي تغيير بسبب المجتمع ضعف الدين والانفتاح ع العالم


شكرا قلبو طلعت شي بقلبي