أمس كنا نقول عيب و اليوم عادي !!

[تالينusa]

صح لسانك ..
التطور في عقول البشر وايد زين وسوى لنا اشياء مفيده .. تغيرت نظرة تعليم البنات - الانفتاح على الشعوب الاخرى
ومن جانب ثاني فيه لها سلبيات ..
الزمن ماتغير بس عقول البشر تغيرت .. الله يهدي الجميع ..

 

[nono93]

عااااااادي

التطور والتفتح

 

[دانه الشطوره]

يسلمكم ربي من كل شر فديتكم
حبايب قلبي والله نورتوو موضوعي
و كل اللي قلتوه على عيني وراسي
و كلامكم صح 100 %
بس بالنسبه للعضوه اخت و اختها
مافي شي كان حرام و صار حلال
ولا عمري سمعت بهالشي !!

منورييين حبايبي :$

 

[دانه الشطوره]

للرفع

 

[am faisal]

اعتقد فقدنا الوناسة والفرحة فاصبحنا نتعب ونحوس بالاسواق لنزخرف اى مناسبة اصبحنا نبحث عن الفرحة الصادقة فى عيون من نحب وين قبل فرحة بدون تكلف وخسائر والحين بهرجة زايدة ولا وجود للفرحة لانها ولسبب بسيط لا تشترى ولا تصنع ولكن تحس قبل بيوتنا عادية ومستانسين ولا صار عرس بالفريج محد يجيب مساطر ورق جدران واصباغ ولا بوفيهات ولا قاعة حوش وزوالى سلف من الجيران وما راحو المعازيم لمصممين ازياء خياطتنا كريمة الهندية ومش حالك حتى صوالين ما نروح حنا وليلة العرس غسلنا شامبو الاحمر ونلفح لين يخيب ثنانا بس وناسة من قلب شرايكم نرجع زمان اول

 

[بنت الأجوااد]

هذا زمنا اللى نعيشه

لازمن نعيشه ونتعامل زى مايعاملونا الناس او بنصير شاذين عنهم

 

[مشتاقة الى الله]

تسلم ايديك يا الطيبة

 

[دانه الشطوره]

اعتقد فقدنا الوناسة والفرحة فاصبحنا نتعب ونحوس بالاسواق لنزخرف اى مناسبة اصبحنا نبحث عن الفرحة الصادقة فى عيون من نحب وين قبل فرحة بدون تكلف وخسائر والحين بهرجة زايدة ولا وجود للفرحة لانها ولسبب بسيط لا تشترى ولا تصنع ولكن تحس قبل بيوتنا عادية ومستانسين ولا صار عرس بالفريج محد يجيب مساطر ورق جدران واصباغ ولا بوفيهات ولا قاعة حوش وزوالى سلف من الجيران وما راحو المعازيم لمصممين ازياء خياطتنا كريمة الهندية ومش حالك حتى صوالين ما نروح حنا وليلة العرس غسلنا شامبو الاحمر ونلفح لين يخيب ثنانا بس وناسة من قلب شرايكم نرجع زمان اول

اخييييييه والله ع الجرح كلامج

وين

يااااااااريت نرجع مثل اول

شحلاه ذيك الايام والله :eh_s(2):

حتى الوقت قبل كان فيه بركه كل شي كان فيه بركه ما شاء الله

مو الحين :eh_s(2):

فديتج حبيبتي نورتي :eh_s(17):

 

[دانه الشطوره]

هذا زمنا اللى نعيشه

لازمن نعيشه ونتعامل زى مايعاملونا الناس او بنصير شاذين عنهم

لا والله

انا اعامل الناس بأخلاقي لا بأخلاقهم

يعني اعاملهم على حسب تربيتي و اخلاقي و ديني

هالشي ما يتغير و تعاملنا مع بعض ما يتغير لو شنو صار سواء اول او الحين :rerrerek:

بيقولون شاذين خل يقولون اهما ما راح ينفعونا بشي

يعني لازم نسايرهم و نراضيهم

بس نغضب ربنا ؟!

يعني اوضح لج اكثر هالايام الناس عندهم وايد اشياء يسوونها بس اهيا ما تجوز و حرام
يعني لازم احنا نسوي مثلهم ولا نطلع شاذين ؟!

انا اقول نطلع شاذين وايد احسن :rerrerek:

منوره غلاتي :eh_s(17):

 

[دانه الشطوره]

تسلم ايديك يا الطيبة

يسلمج ربي من كل شر فديتج

نورتي يا عسل :eh_s(22):

 

[نوسه الشطي]

أيام قبل عيب البنت تطلع الشارع لابسهـ جنز لازم عبايهـ
الحين عادي اذا فوقه بلوزه وسيعه ؟!

هذا شي لاحظه تغير بين جيلي وجيل اختي اللي اصغر مني


قبل بعمر ال15 وال14 مايصير اطلع مع رفيجاتي
والحين اللي بهالعمر ينامون بيت رفيجاتهم ؟!

والمصيبه اللي لاحظتها هالوقت يمكن مو الكل يرضى فيها
قبل البنت مايصر تاخذ الفون قبل الجامعه والحين يقولون عادي تضيف شباب بي بي ام مابينهم شي بس برودكاست ؟!
وهالكلام طالع من نفس الشخص ؟! معقوله تغير رايه بموضوع حساس مثل هذا بسنتين ؟!

الحين صار عادي البنت تقول لابوها انها تبي اللي خاطبها واهي تعرفه من قبل ؟!


وايد شغلات تغيرت حتى القرقيعان ماله طعم مثل قبل اليمعات مالها طعم الحين الكل لاهي بالفون
احنا لما كنا صغار لما نتيمع نقعد نلعب بالحوش والحين اليهال كل واحد ماسك اي باد وقاعد بروحه يلعب

 

[! هُوْ وِينِه !]

كلآمج حيل آعجبني :rerrerek:
آبي نرد نفس قبل آلجآر يحس بجآره من قبل يقول آلآه :eh_s(2):
آلبنت تستحي ترفع صوتهآ
آلولد يخآف على بنت جيرآنه مثل خوآته :eh_s(2):
آلنآس تزآور وقلوبهآ على بعض
مو تزآور تجآكر بعض بآحلى لبس

 

[عبالي حبيبي]

وياج مليون بالاميه

يازين زمان اول

مع اني بالعشرينات موعوده هههههههههههه

 

[الزورق222]

مشكورة على الموضوع استمتعت بقراءته وقراءة الردود العقلانية ..
المشكلة مو بالزمن ماتغير الناس اللى تغيرت وبطريقة سريعة الجميع حب التغيير يمكن يرجع لتربية الهنديات اللى ربوهم وهم اصغار هذا الجيل هو الجيل الذى لم يتربى الا على قساوة القلب والقطاعة وهذا هو زمنهم ..ساعدهم ظهور التكنولجياااا الكل حر بتصرفاته بدون مايحاسب نفسه بالذات فى اضافات الشباب فى التكنولوجيااا مثل اضافات بالماسنجر والبلاكبيرى وغيره ..
كثرة الخيانات هذى مصيبة بالذات المتزوجين !!!!!اصبحواا يتباهوون بكثرة البنات فى تلفوناتهم !!!

اتوقع السبب فى كل الظواهر الغريبة هو اختفااء دور الرجل فى الاسرة الرجل صار ماله اى كرت رجل بلاشخصية عكس رجال اول كان لهم هيبة !!

 

[Angel-Lady]

:]

انا معاج ان الزمن تغير و نفوس الناس تغيرت

لكن هل فعلا الناس ودها ترجع للماضي لان الزمن السابق وايد احس من احين؟

انتي كتبتيها بلسان الامام الشافعي

نعيب زمـاننا والعيـب فيــنا وما لِزماننا عيب سِوانا
ونهجو ذا الزمانِ بِغير ذنبٍ ولو نطق الزَمان لنا هجانا
وليس الذِئب يأكل لحم ذِئبٍ ويأكل بعضنا بعضاً عيانا

العيب بالبشر مو الزمن و تطوره.... التطور شي حلو و جميل و عمارة الارض بما امرنا الله سيحانه و تعالى

و لو ان الزمن القديم احسن جان ما امرنا الله سبحانه و تعالى و لا الرسول عليه السلام امرنا بطلب العلم

زمنا الحين حلو :] لكن الناس تشوهه سواء بالافعال مثل ما ذكرتي او بافكارها! نظرة الانسان بنظرة سلبية و تشاؤمية للزمن و المشكله انهم ما يحتفظون فيها بالعكس ينشرونها لغيرهم و عيالهم فشنو انشوف منهم ؟

انا مالي شغل بغيري... غيري يبي يظل بمكانه بسبب خوف و لا جبن ما يبي يواجه الغلط او شي مو مقبول هذا مشكلته و يقول الزمن الحين يخوف هذا عيب منه... المفروض الانسان عنده اخلاق، مبتدئ، اهداف ، خطط و طموح يخلي هذي الاشياء مهمه و تمشي حياته مو نظرة الناس و تغير الزمن اهو الي يمشيه!

( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ )

الانسان المفروض يواجهه ما يكون جبان و لا امعه... لازم يغير من نفسه حتى يتغير واقعه و اتكون اخوف و الخشيه فقط من الخالق و ليس الزمن و المخلوق

بانسبة لي انا احب اعيش واقعي و زمني لاني امشي حسب اخلاقي و مبادئي بالاضافة اني لو حسيت فيه شي غلط نصحت لوجه الله تعالى... الغلط موجود و اشوفه و احس فيه بس ما يمنعني ان استمتع بزمني، الناس تبي تبجي و تلطم على الماضي كل واحد و اهو حر بنفسه لكن زمني انا مرتاحه فيه لاني اعرف اشلون اعيشه :]

شكرا اختي على الموضو :]

 

[دانه الشطوره]

حبايبي استمعت بقراءه ردووودكم العسل

صاجين بكل كلمه قلتووها

حبيبتي " عبالي حبيبي "

هههههههه

ضحكتيني والله اصلا انا ليل حيني صغيرونه ما وصلت العشرين بعد :$

ربي يطول بعمرج و يحفظج ان شاء الله


منورين حبيباتي