أمل فراشة بيضاء

[برونزيه شقرا]

السلام عليكم
ماقصرو وزارة التربيه
وصعبوا المنهج وضيعو اليهال
المنهج اليديد القثيث الثقيل اللي اعيالنا ضايعين فيه
وأول وحده بنتي مسكينه حااافظه الكلمه حفظ ومو حافظه الاحرف
يعني حافظه كلمة (( مهذب )) بس لما أأشر لها عن الاحرف واحد ورى الثاني ماتدري ضايعه بالطوشه
أبي أعرف طريقه أو خطه أدرسها عدل فيها واللا أوديها مكان يأسسها شنو تشورون علي الله يرحم والديكم
بليييييييييييييييز لاتبخلون علي
لو برفع الموضوع الله يرحم والديكم ويهدي أولادكم
​

:fun:

 

[shai5at al3arab]

والله عدل كلااامج

امبي مناهجهم غبية

حتى الرياضيات

اهم توهم عارفين الارقام فجأة معطينهم مضاعفات ال 5 و 10 و 20 امبي الياهل للحين ما يفرق بين 7 و 8 توه باولى ابتدائي

لا وايد صعبة المناهج

 

[حلم الطفولة]

الله يعين
انتي علميها الأحرف واحد واحد ,, وكتبي كب اسبوع كلمات الدرس الجديد كل كلمه على بطاقه بروحها ,, بخط واظح والأحرف واسعه وواضحه ولصقيها لها عالباب ,, وكل اسبوعين دمجي الكلمات وراجعيهم معاها ,,
آنا ماعندي أولى ولا ثانيه ولا ثالثه ,, بس مادري فكرت لج بهالطريقه ان شالله تفيدج,

 

[نادره في وجودها]

منهج غثيث بمعني الكلمه

الجاهل يالله يحفظ الحروف نطقا وكتابتا وجايبلينا سيدا كلامات معقده الله يعقد من سواه مثل ما عقدو عيالنا

 

[سموالاميره]

يااااااااااااااااااربي نفس المعاناة


ولا ذابحتني ابلة الانجليزي تقول الحرف الكبير a نقول أ والصغير نسميه اي و b ب والصغير بي


ياااااااااااااربي شاب راسي

 

[حور البطة]

وااااااااااي شنو صاير بالمنهج

المفروض يعطونهم الاحرف اول شي بعدين الكلماااات !

انا ولدي من السنه اللي طافت باولى ما عطوه الاحرف الحين ثانيه وضايع .. ولا غيروا المنهج بعد ما ادري والدينهم عباقره احنا والا شنو ؟

ولعيونج


اب
اب
اب

 

[أم عبووووود]

هلا حبيبتي برونزيه

شوفي ياقلبي انتي بالبيت عطيها الاحرف وكل ماتزيد الاحرف كوني لها كلمات علشان تعرف موقع الحرف في الكلمة وتعرف تكتبهم لانج اذا بتعتمدين بس عالمدرسة ماراح تتعلم بنتج عدل لااااااااااازم البيت بعد

واذا ماقدرتي دخليها القاعده الحلبية لانها ممتازة ووايد ناس جربوها واستفادوا

ربي يوفق بنيتج ان شالله وينور بصرها وبصيرتها ويوفق عيالي يارب

 

[برونزيه شقرا]

جزاجم الله الف خير وماقصرتو
هذا كوووم والعلوم كوووووووووووووووم اللي مادري شنو السالفه
فقيره بس تحفظ وتسمع جنها راديو البني القديم
لووووووووووووووووووووووووووووووووووووول

 

[mooomooo]

انا دخلتها القاعده الحلبية شهر وبكمل معاها بس بريح هالاسبوع

الله يعينكم ويعينا

 

[شيــوخه]

الله يعيييييييييييييييييييييييييييييييييييين

انا بنتي راحت ثانيه ابتدائي تخيلي للحين ماتعرف تقر ا والملاء الله بلخييييييير

الاحرف ماتعرفهم هذي وحده

ثاني شغله الريضيات الحين ثانيه ابتدائي يجمعون 3 ارقام مع بعض ولا ارقام يليت واحد واثنين وثلاث لا ثمانيه زاد سبعه زاد 9 جم واااااااااااااااااي الله يعين عز الله اليهال مو طالعين بلمررره الله كريم خليها على الله

انا دخلت بنتي معهد علشان تتاسس باولى ابتدائي افلوسي راحت ولا استفدت ولا عود على االله

 

[78MariMar78]

كلنا نفس النعاناه
انا عندي اولى

الله يعينا عليهم وعلى المنهج اللي يذبح

 

[م فطومه]

حبيببببببببببببببباااااااتي بسكم تحلطم اذا بينتي هالشي بلبنتج او ولدج اكيييد ماراح يفلح


كلة ضحكو بويهم كافي المنهج والله جنة طراااااق على ويهنا قبل ويههم



بالنسبة للكلمات ترى كل يوم ياخذون اكثر من كلمة يعني تابعي كل يوم القراءة والكتابة وعموما الياهل باولى ابتدائي يحفظ شكل الكلمة وهذا شي زين يعني مخه محتفظ بالشكل...

انا عن نفسي دخلت بطاقات فيها الكلمات بخط كبير وواضح وحطيتها ورا باب الغرفة ولزقتهم بالجك جك ههه ماعرف شنو اسمة جنة لزاق الدبل فيس واقول حق بوتي ييبيلي مثلا كلمة جمانة او نعبد اتييبهم بعدها تركب جملة .. وتقراها
هذا كسر لروتين التدريس الملل وعشان ماتطلعين حرتج بالطققققققق وتتعقد الياهل



بالنسبة للاحرف يبت كور بلاستك صغار ملوت قلعة التفخ مالتهم وكتبت عليهم احرف وحاطتهم بسلة وكل حرف تصيدة تقولي شنو اهوا


وعمةما اذا الابلة شطوووووورة راح تحبب الياهل بالعربي


بس نصيحة طولووو بالكم علىت عياااااااااااااااالكم ماردهم بيعرفون وبكتبووون بس مع الوقت

 

[قناديل الخير]

أمل فراشه بيضاء ودتنا بستين داهيه بس المنهج يحتاج تأسيس عدل اذا انتى تشوفين ان التأسيس المدرسه موعدل وديها القاعده الحلبيه اوحمزه الخياط
او حطيله مدرسة خصوصى بعد شنسوي اولى ومدرسين خصوصين الله كريم:eh_s(2):

 

[وصية ابي]

صج انا بموووووووووووووووووووووووووووووووت من المنهج ولدي تعقد يوم يقول ماني رايح للمدرسه والله نفسيتي تعبت حيييييييييييييييل



يا زين مناهجنا قبل والله ما كنا ندرس الا نحل الواجب ونصك الكتاب وعيال اليوم مساكين الام تعبانه بالتدريس والمدرسين
الخصوصيين داخلين طالعين ولا في نيتجه


الله يرحم حالهم وحالنا والله مساكين

 

[meen_ana]

يمدحون القاعده الحلبيه وديها

 

[so_so q8]

انا اخووي باولى ابتداائي و ما اشوف واجبه الا أمل فراشة بيضاء و خوااتها بس هذا الوااجب ماادري ليش اشمعنا على قولة سعااد عبدالله احسن غيروا عايلة الفيلة ابي ياكل انا اكل امي تااكل !! يلا ارحم شنسوي بس جنا يقولون عشان فيها كل الاحررف ماادري؟

 

[عشق]

رد : أمل فراشة بيضاء

على ايامنا يعطونا الاحرف باولى ابتدائي
أ ب ت ث

ويا زين حمد مع قلمه
كانا تخرجنا واشتغلنا

الله يعين الحين

 

[روح غاليك]

كرهت امل فراشه بيضاء وكرهت سستر وابلز وع وع وع

بنات ابى رقم القاعده الحلبيه للى بصباح الناصر للى تعرف تقولى بليييييييييييز

 

[هدولى]

امل فراشه بيضاء بلوه صراحه الحين اول شى أ بعدين أمل قولى تهون هالكلمه بس فراااااااااااااااااااااااااااااشه تعذبت فيها تكتبها عندى بس عند الابله على الماشى صعبه عليهم .

 

[نبض السعاده]

رد : أمل فراشة بيضاء

اب


اب


اب