أمل فراشه مأساه

[bambena]

ابدا ابدا مو فاهمه اليهال بعدهم مايعرفون الحروف توه يتعلم الف باء

وفجااااااه يتعلم معاه جمله امل فراشه واسراء فراشه !!!!!!

عجيب ! والنتيجه مثل ماقلتوا حفظ الشكل لو بيفجج الحروف مايعرفهم !!

 

[كافيه نعناعه]

والله كلامكم عدل ،، تعبنا وما في احد يسمع ،، اليوم ادرس ولدي وهو يكتب ( ملونّة ) شفتوا الشده الي على حرف ن ،، ولدي يقول يما هذي حرف س !!!!!! شفتوا ،، انا ما الوم ولدي لان ما يعرف يميز بين الحروف والحركات ،، وانا بالعطله كنت معلمته الحروف وهذا الشي ساعدني الحين ،، والله حرام يعلمونهم الحروف والحركات ومايعرفون شنو الحركات ،،،!!!!!!!!!

 

[(نبنوبه)]

اقولكم شي انا مدرسة لغة عربية 10 سنين والعام درست المنهج واي صدمة بالنسبة لي وقمت اعلمهم على طريقتي الخاصة وعطيتهم حروف من اول درس ويا الله استوعبوا وهالسنة حلفت ما اعطي اولى الله يعين الامهات

 

[يـاسمينا]

بنات الله يهداكم يعني لازم الياهل ياخذ شي سهل
عادي يعني ولدي باولى ابتدائي بس بمدرسه انجليزيه
ويعطونهم العربي منهج الحكومه وماشي حاله ويعرف يفرق بيت الكلمات
ومع كل درس يحفظونهم الاحرف
توهم خلصوا حرف الـ ألف بأنواعه

يمكن بالحكومه بس يعطونهم الجمل من غير مايعلمون الطفل يفرق بينهم
وبهالحاله التدريس يصير غلط بغلط

لكن اللي ولدي ياخذا اشوف ان فاهمه ومستوعب اهوا شنو قاعد يدرس

الله يكون بعونكم والصبر زين ..

 

[دارسين]

بصراحه انا عندي بنت باولى وعندي وحده بثالث

الكبيره من يومها باولى تقرا وتكتب واملاء تهجي مو حفظ شكل الصصوره

ومنو قالكم ماياخذون حروف الا ياخذون بس مو بالترتيب بالعكس انا حيل عاجبني المنهج له هدف

اذا كانت الابله شاطرة وتخاف الله في الطلاب بس الله يخلف اللعيب مو بالمنهج العيب بالابلات


حماتي بناتها بثانيه لليلحين نص الحروف مايعرفونها ولايعرفون يركبون

ارجع واقول المنهج حلووو

بالنسبه للمنهج القديم بصراااااحه فاااااشل وماله اي هدف على عماه

تركيب كلمات وبس بدون اي قاعده

وبالتوفيق للجميع

 

[أحلى البشر]

الله يعين اليهال مساكين

 

[جروح ودموع]

منهج فاشل فااااااااااااشل فاااااااشل واصلا الطالب الحين بالكويت يوصل للصف السادس واهو ما يعرف يقرا او يكتب

 

[عزة وكبرياء]

والله كلامج صح امية بالمية والله امل فراشة مسويتلنا لوية بنتي موقادرة تكتب بيضاء قمت حطيتلها نقط واهي رسمتها رسم شنسوي قاعدين ينسخون الاحرف نسخ موعارفين هاذا حرف باء ولا ياء ولا سين يرسون رسم فقط الله المستعان صف الاول ولاشي باجر تشوفين شلون صف الثاني والثالث مأساة كبيرة حتى أنا موقادرة أوصل الفكرة حق بنتي بالرياضيات بصف الثالث الله يعيني ويعين كل الامهات والله منهج بايخ ومالا داعي :eh_s(4):​

 

[نور خانوم]

المفروض يعلمون الحروف

انا يبت كتب تعليميه معه رسومات واتحلهم وتكتب الاحرف الهجائيه عشان يساعدها بالحفظ

والي يبط الجبد املالالالالالالالاء بالكلمه !!

 

[roseq8ty]

السلام عليكم

والله حرام ياهل توه ياي من الروضه يعطونه رتب الجمله الأتيه مايصيرالمنهج فاشل وين أحرف الهجاء ، ليش الروضه ما علمتهم ، بس فالحين يعلمونهم الأغاني شنو هذا

 

[سحر الشرق@]

ودي اعطي بنتي كل اسبوع حرف مع هالمنهج العفسه
بس أخاف تضيع وضج ماااكو وقت الواجبات واااجد واصلا هي تتعب من الكتابه
مع أني سجلتها بالقاعده شهر ونص قبل المدرسه
وتعرف الأحرف بس مقطع مو موصله

 

[اميرة الشعراء]

والله كلامج عدل اميه بالاميه
اليهال يرسمون هالجمله مو قاعد يكتبونها والامر من هذا كله في يهال صعب عليهم الرسم يعني اشلون يكتبون هالجمله فهموني يا وزاره التربيه
اشفيه منهجنا اول اشحلاته حمد مع قلم

 

[*sweetgirl*]

اممم انا تحلطمت مثلكم ورحت للمدرسه قلت ليش جذي تعطونهم كلمات على طول حرام مايستوعبون

قالت نبدي اول شي بالكلمات ونتدرج بالاحرف بس شنو الحكمه منها مادري

بس مشاء لله الحين اهو ولدي ب2 ابتدائي خاص بس يعرف يقرا ويكتب صج مو كتابه مثلنا بس على قده

العيب بالروضه ان مايعطونهم شي يعني بالخاص يأسسون بالروضه علشان لمن يروحون اولى يكونون عارفين الاحرف وطريقة كتابتهم

 

[الوردة المكنونة]

بنات انا مثلكم انصدمت

وقلت الحمدالله اني حفظتها الاحرف بالعطله

بس للامانه هالاسبوع عطوهم حرف الألف مع درسهم وكل يوم يكتبون الحرف صارلهم اسبوع وان شاء الله الاسبوع الياي يعطونهم حرف ثاني ونطلع ظالمينهم ولا يظلمون عيالنا بهالمنهج

نصيحه انتوا ركزوا مع عيالكم بالأحرف وحفظوهم لانهم بهالعمر بسرعه يحفظون يعني باسبوعين يحفظون الاحرف كلها *

 

[((!ورد جوري!))]

اي والله صاجه منهج صعب حيييييييل

 

[love kuwait72]

مساء الورد انصحكم بالقاعدة الحلبية او الذهبية انا عن تجربه دخلت بنتي الكبيرة الحين بثالثة ما تعبت بالعربي الحين الى باولى طايره مع الفراشه دخلتها البنت ماتعرف الواو من الضمه فاختصرت الطريق ودخلتها الفاعده الحلبية

 

[ام شيوخه وسعودي ومريومه]

ايه والله صاجه انا ولدي لما اعطيه املاء يتنح يقعد شوي يتذكر شكل الكلمه بعدين يكتب وبخصوص الاحرف لما تعلمهم على الاحرف مايكونون بالترتيب ساعات اقول احفظه الحروف بالترتيب والا على طريقة الابله..؟
اخته اللي اكبر منه بسنه اسم الله عليها اسستها صح ومتفوقه ولما ييت امشي معاه بنفس طريقة دراسة اخته احسه متنح وكله اسمع منه كلمة (يمه صعب ما اعرف) الحين عندي اخته الصغيره السنه اليايه اولى ابتدائي والله اقعدها معاه واعطيها اللي اعطيه من احرف سواء انجليزي والا عربي علشان تعرف من الحين ....الله يعينهم ويعينا معاهم ....

 

[قموووره]

يعين الله
ان شاء الله الوزير اليديد يسوي شي!

حبيبتي نعنوعه لج وحشه:hjy5jewf:​

 

[PuPa^^SWeeT]

في التدرييس و التعليم


نظامين


النظام الاستنتاجي

والنظام الاستدلالي



من قبل 30 سنة و اكثر نظام التعليم يتم بالاستنتاجي


اللي اهو


يتعلم الاحرف بعدين يركبهم


يتعلم الارقام بعدين يجمعهم


بالعلوم مادري شنو مواضيعهم بس نفس النظام قبل




اما الحيين



قاعدين يطبقون النظام الاستدلالي


اللي اهو يعطوونج الكلمات و الجمل وبعدين طلعي الاحرف منها


جمعي و طرحي و بعديين تعلمي الارقام شنو اهيا




النظام الاستنتاجي

هو نظام يتم عن طريق استنتاج القاعددة من الاساسيات و استنتاج الاستثناءات من القاعدة



اما الاستدلالي


نستدل من القاعدة على الاساسيات و من الاستثناءات على القاعدة


يعني العكس


اثنيينهم طرق حلوة و بسيطة


بس احنا تدرين شنو اللي ذابحنا كمعلمين و كاولياء امور


كمعلمين ماعطوو فترة تكيف مع المنهج و الدورات اللي تم تطبيقها بعد 4 اشهر من تقديم المناهج



و كاولياء امور المنهج يتطلب من الطالب الاستعداد التام للمنهج و تحضيره و مناقشة كل شي لاجل تحقيق الفايدة


بس المشكلة اهني شنو انه طلبة الابتدائي صغاار

واعتمادهم على المعلم و على اهلهم

اذا المعلم شال النص من التعليم و الطالب صغيير اهني لازم ولي الامر يشيل النص الثاني


وهذا شي كبير جدا


لأنه اولياء الامور متفاوتين بالمستويات و القدرات و الامكانات و الميول


فا صعبة اطلب من ولي امر يجابل نص المسئولية الملقاة من الوزارة و اهو يكون ربعها مايعرفها


خصوصا المنهج يدييد



والمعلم تدرين شنو اللي بالش المعلم


مو عدم معرفته للمنهج ولا لطريقة تدريسه



اللي مخليني انا شخصيا متنرفزة من المنهج اني ماني عارفة للمنهج اليدييد حاليا


شنو اللي بايي بالاختبار


شنو الصيغة المتبعة


هذا اللي موهقني ولا كمادة علمية انا متخصصة فيها بالعكس احلها بسهولة






الله يعيينا و يعيينكم